مسامير ثلاجة الباترول الفتك...الأسباب الأعطال الحلول => تم إضافة المزيد من الصور

[mo7amad]

اخوي سؤال فقط: هل الصور الموجودة في بداية الموضوع لمكينة الباترول هي نفسها لمكينة الباث لاني ان شاء الله بشتري باث 2004 و افكر في ان افك مسامير الثلاجة قبل استخدامه لاني ان شاء الله مقبل على سفر.
ما هو الاسم العلمي للثلاجة و لهذه المسامير حتى اذا ذهبت الى الوكالة و طلبت منهم عمل اللازم فهموا؟
ثالثا هل تعرف احد يقوم بذلك في الكويت و نظيف؟

او على الاقل في مكان بالسعودية يكون من الكويت

و بارك الله فيكم جميعا

[العرندس909]

يعطيك العافية يالذيب

أنا من الناس اللي ألغوا اللهاة ومساميرها وارتحت نفسياً ولله الحمد


بارك الله في جهودك

[vtc.6]

السلام عليكم
يالربع انا عندي باترول فتك موديل 2006 غيرت بواجيه حطيت بواجي رياضيه دنسو وغسلت ثلاجه الهوى
وشلت المسامير حقت الثلاجه ومن عقبها الموتر ماشاف خير ضغط المكينه مرتفع يحن الموتر غيرتها عند الثنيان في صناعيه الدائري وسوالي برمجه ولا ظبط وفالاخير قالي رح الوكاله ورحت عند الشنيفي وبرضو
ماعرفلها قالو رح لم التركي المتخصص باترول وابعد عنه غيرت عنده البواجي مره ثانيه حطيت بواجي الوكاله ورجعت المسامير ولحمتها ولا فيه فايده الظغط نزل شوي بس وفالاخير ماعرفلها طبعا انا مركب هدرز ومركب فلتر رياضي ومركب بيب يعني انتيك بس ماكان فيها شي من يوم غيرت البواجي والموتر راح فيا وترتر خفيف ويصفق يعني يطلق اذا دعست والعزم ضعيف مره وتكفون ابي حل واسف جدا جدا على الاطاله

[ابو حمادي]

الله لا يهينكم الباترول 2006له مشاكل بالكهرباء بالبر انا سمعت ان له كتاوت يقفل وتنتهي بسطحه

[ابوعيون1]

ماشاء الله عليكم الله لا يهينك ويرحم والديك ووليدنا الله يجعله في موازين حسناتك. على الشرح انا بصراحة استفده منه كثيراً لأني اسمع بمشاكل vtc .. وتسليم

[nono77]

موضوع وشرح رائع

[كبسولة2]

أشكرك اخوي سوبر على التقرير الأكثر من رائع

وأنا شخصياً مجرب هذه الطريقة في عدة سيارات

ويالله لك الحمد والشكر أنتهت مشكلة اللهاة للابد

5///

انك تحط اي بويه سيارات منزل على المسماربالاضافة

للسنة الداخلية و

تربطه و عند جفاف البوية راح يمسك باذنالله

وأيضاً أستخدم هذه الطريقة في المسامير المتوسعة

ومسامير التربيط والتضمين

ممتاااااااااااازة طريقة البوية

[باثفايندراوي]

يعطيك الف الف عافية و غفر الله لك و لوالديك امين امين امين

[المغامرباترول]

شكرا يااخ سوبرvtcعلى هالمعلومه اناكن معي 2005 ماشي 60الف وبعد ماسمعت عن المشكله رحت للوررشه وفكواللي تقول عنه وحصلو المساميرمشدوده وشدو عليهن احتياط وحطو عليهن غراء بس للمعلوميه انا ماني صاحب مطامر ونفدعاليه واعتقد ان سبب سقوط المسامير بالاضافه للي قلته المشي على الرادميه وكثره التطعيس ابشرك بعت المغامر 2005 وهو ماشي 120الف وماصارعليه شي الا شغله وحده وهي تعليق القير وعدم تغيروسوالي قلق مره يغير ومره مايغير وديته للوكاله وفحصو الكمبيوتر وقالو يمكن الزيت ناقص زودت الزيت ومافيه فايده وديته للمهندسين السعودين بارضه مافيه فيه فايده دخلت في قوقل وسالت عن المشكله وربما تكون الاجابه من نفس المندىمكشات المهم فيه واحدابن حلال الله يرضى عليه ويوفقه شرح المشكله وبالتصوير ويمكن يكون انت المهم قال فك الفيش حق الريوس وغيره في مكان فيش القيرالمكان في علبه الفيوز اللي قدام الدركسون غيرته وصارزي العسل وبعته وهو من احسن مايكون00اتمنى يكون فيه معلومات عن 2010

[ابو ركبه سوده]

سلام عليكم

[fg2011]

انا معي 2008
فيها نفس المشكله ولا ؟؟
قير عادي

[ALBDRANE]

مشرفنا المحترم سوبر فتك السلام عليكم ورحمة الله وبركاته

الموضوع يهمني كثير وحاولت أرسلك على الخاص لاكن بريدك ممتلي يبيلك تخفف منه شوي
المهم انا قريت جميع الردود في موضوعين لنفس المشكلة ووجدت في كلامك تناقض أرجو أنك توضح لنا الصورة بارك الله فيك مرة تقول المشكلة تم حلها من موديل 2006 ومرة تقول سفاري موديل 2007 ومرة 2008 خبطت مكاينها بسبب المسامير ما درينا وين نروح ونا أخوك

اطمئن و نا اخوك من 2006 و طالع حلو هالمشكلة بالغاء التفتفة لان من 2005 و نازل كان اذا دست للبنص الى النهاية و
بدا الموتر يتفتف او يقطع تبدا اللهاة ترقل او تلعب تقل تخض لبن:d :d ثم يبدا المسمار يحل و يرتخي
و ذلك بسبب التفتفه و هذه التفتفه تم الغائها من 2006 و طالع حيث يبتل الموتر دايس بدون تقطيع

هلابك اخوي و مكشور على المرور
الحق اسمعه من انا موتري خويي طاحت عليه المسامير و الموتر فتك ماشي 90000الف فقط على هذا الرابط
http://www.mekshat.com/vb/showthread.php?t=144298

و انا مستعد الان اعطيك رقم ورشتين تتصل عليهم و تتاكد بنفسك طبعا موترين خبطن بسبب سقوط المسمار و اخر موتر خبط قبل كم شهر موديل 2007
هاه وش قلت اعطيك ارقامهم:d
طبعا كلهن باترول و عندنا بالقصيم و ما خفي اعظم
و ((انا موضوعي كما هو واضح بالصور عن الباترول))
الا ان كان شوفك وسط
تحياتي

وهذا الرجال كبير أكيد مهوب راعي تقطيع ولا تدعيس ولاحظ أنه جاه نفس المشكلة !!

هلابك اخوي
ه
ما اغضبني حقا
ان مع واحد نسيب لجماعتنا بالرياض رجال كبير
فاك باترول وكاله تماتيك م2008 و طاحت المسامير و كرسن البستم
طبعا صلحوه على الضمان غصبن عليهم
اكيد انه تهاوش معهم





جزاك الله خير على الاضافه و التشريف

المهم ونا أخوك الموضوع أقلقني شوي وأفكر أشيل المسامير مثل ما أنت سويت وأنت شلتها من حدود سنتين ودي أشوف هل تغير عليك شي في السيارة وهل العزم والفزه تتغير وسامحني على الاطالة وتحياتي لك ،،،،

[ALBDRANE]

كل يوم أشيك على الموضوع أبي رد ولاحصل من يرد الجواب
ننتظرك أيها المشرف العزيز الموضوع مثبت وياليت يكون فيه مشاركة

[كل القصيد]

انا معاي سوبر 2009 اضم صوتي للغالي البدراني
وانتظر ردا من الاستاذ سوبر فتك

[ابو سعود4500]

والله انك وسوست بي موتري فتك 2005 والله حق يجيه جلد شوي لاقنصت وودي افك الثلاجه بس اخاف ان ابلش بتركيبه