طريق الطوقي من وين؟؟؟؟؟؟؟؟؟؟

**فتـ الخرج ـى** · 13/01/2004, 12:03 AM

شباب تكفى اللي يعرف طريق الطوقي يدلني عليه أنا بحرك من الرياض

**مضيع الديرة** · 13/01/2004, 12:55 AM

أقرب طريق للطوقي من الرياض ...

تمسك طريق الثمامة وتسيد ....
تتعدى الجنادرية وتتعدى محطة خزام وطعس التحدي ....

بعد حوالي 80 كيلو من الرياض تجيك لوحة تقول الصمان، حفر العتش، التنهات .. يمين

خذ يمين...وسيد الى ان يرتفع الخط وتجيك لفات يمين ويسار وانت راقي ....

أول ما تتعدى الطلعة يفترق الخط يمين ويسار ... خذ يسار

أول شعيب يعترضك هو الطوقي .....

وله طرق أخرى ... لكن هو أوضحها في نظري ...

وتوصل بالسلامة إن شاء الله ....

**فتـ الخرج ـى** · 13/01/2004, 01:01 AM

لا هنت أخوي مضيع الديرة على التوصيف

**MOR300** · 13/01/2004, 08:00 PM

طيب على طريقكم ياشباب وشو اقرب طريق لم شعيب الشوكي ؟؟
طبعا من الرياض

**أبا أكشت** · 13/01/2004, 09:39 PM

أخونا MOR300 خذ الوصف منقول من مشاركة أخونا أبو ساره (وصف لطريق شعيب الشوكي)

تحية عطره لكم اخواني رواد مكشات

شف طال عمرك الوصف سهل بالحيل ،،،
امسك خط القصيم باتجاه الشمال انطلاقا من مدينة الرياض لين يجيك بعد 120 كيلو مخرج يقولك تمير رح معه يمين ثم سيد ليمن تدخل اتمير وباخر الديره راح ينعطف بك الطريق يمين رح معه وسيد تجيك ديره ثانية تعدها وباخرها حرف تي رح معه يمين ثم سيد تجيك الشعب تعدها وخلك مهدي لان الطريق منعطفات وفيه مناظر حلوه بعد ما تخلص من المنعطفات بحوالي ثمانية كيلو او اقل ممكن تحصل لوحة تقولك الشوكي يمين وممكن ماتحصلها ( يكون مطيرها السيل زي العاده ) المهم اذا ما لقيت الوحة تلقا السيل قاطع الطريق وتشوف على يمناك اطراف فيضة شعيب الشوكي واذا برضة ما فهمت ارسلي رسالة بالخاص اتصل عليك وافهمك ول فهمت الوصف بس تخاف تتعدى مدخال الشعيب ولى يهمك اروح لسيارة واجيبلك الجارمن واعطيك احداثية المدخل حق الشعيب .

منقولة عن أبو ساره

أخوك أبا أكشت

اللهم انك عفو تحب العفو فأعف عنا0 اللهم أمين0

**MOR300** · 14/01/2004, 10:58 AM

مشكور اخوي ابكشت
وصراحه وصف واضح بس وش تنصح افضل مكان في الشعيب نفسة تعرف الشعيب كبير

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: طريق الطوقي من وين؟؟؟؟؟؟؟؟؟؟

أدوات الموضوع

عرض

طريق الطوقي من وين؟؟؟؟؟؟؟؟؟؟

معلومات الموضوع

الأعضاء الذين يشاهدون هذا الموضوع

ضوابط المشاركة