تشحيم السيارة .... متى ... وكيف ... واين بالضبط ؟

[البر عشقي]

مشكور أخوي جمعان على الموضوع

واشكرك اخوي جنوبي على شرحة المفصل

وانا عندي صوت بالعمود طبعً جيب نيسان هل المشكلة من التشحيم

[جبل راف]

معي فورتشنر قير عادي مرة من المرات شحمته مرتين قريب من بعض مافيه الا تقريبا عشرين يوم
المهم غيرت الزيت وقلت للهندي شحم العمود واعتقد فيه 6 اماكن للتشحيم

وقلت له عبي شحم لما اشوف الشحم القديم يطلع
اخينا بالله سوى اللي قلت له وبعده شغلت الجيب واحس كنه يتنافض بردان قلت وش فيه ياصديق قال لما تمشي فيه رووح صوت

اخذت كم لفة والصوت فيه
وارجع الف شوي وارجع له مرة ثانية قام يقرقر هو وخويه قال ودي سيارة حفرة
المهم فك مكان التشحيم ويطلع الفائض

يعني السالفة انه كان زائد الشحم عن حده

زمن هالسالفة ماشحمت الجيب للان كان ذلك بشهر 6

اخي بدوي جنوبي ياليت توضح لنا هالسالفة لاهنت واعذرونا ياجماعة اتعبناكم

[ساري 111]

العكوس تحتاج تشحيم بعد فترت طويله

اخوي بدوي جنوبي
وش طريقه تشحيم العكوس ؟؟
وهل هي تحتاج تفليش ؟؟ او الأمر أسهل ؟؟

لاهنت عزيزي

[هلي ديزل]

ماشاء الله عليكم ::

حبيت اسألكم بكم يشحمون الورش؟

[سرطوقا]

غالبية الورش عندهم شحم خفيف مايتحمل

الأفضل البحث عن الشحم الثقيل الاصلي الاماني

[terke mekshat]

بعد اذن صاحب الموضوع الله يجزاه خير

سيارتي بدون مشاحم اكسبلورر 2006 وبدأت اسمع اصوات من تحت .. هل يمكن تشحيمها ؟ او يعتبر ذلك عبثا.

وهل هذه الاصوات بسبب عدم التشحيم او بسبب جلد او ماذا؟

نفس السؤال؟؟؟

[رحال البحر]

السلام عليكم
احب اوضح شيء اغلب السيارات الجديدة بدون مشاحم يعني إذا خربت تشتري جديدة وهذا خسارة
لان الشركة تبغى تكسب بأي طريقة
لاكن فيه حركة وهي تجيب ابرة ( المستخدمة في المستشفيات ) وتعبي الابرة شحم وتحط الابرة في الجلدة وتبدا التشحيم
تحياتي

[abo rakan om]

السلام عليكم
احب اوضح شيء اغلب السيارات الجديدة بدون مشاحم يعني إذا خربت تشتري جديدة وهذا خسارة
لان الشركة تبغى تكسب بأي طريقة
لاكن فيه حركة وهي تجيب ابرة ( المستخدمة في المستشفيات ) وتعبي الابرة شحم وتحط الابرة في الجلدة وتبدا التشحيم
تحياتي

نحط مسحه طبيه قبل ولا مايحتاج

[الوقيدي]

السلام عليكم : التشحيم مهم لبعض الاجزاء في السياره ومنها :
1- جميع الجوزات والمقصات والركب خاصه في سيارات الدفع الرباعي .
2- مفصلات الابواب والشنطه وقفل الكبوت .
3- الدركسون لطاره البوري - صليب الدركسون - ماسوره الدركسون .
4- رمانات الكفرات الاماميه .
5- ماسوره رأس القير الذي تركب عليه فحمه الكلتش.
6- دعاسات الفرامل والكاتش .
7- فريولات السيارات التي فيه الدفع الامامي .
ولكي تتحقق الغايه من التشحيم لابد من سلامه المكان الذي سوف نقوم بتشحيمه بأن تكون جلده سليمه . وان لايكون متأكل زياده .
ويتم التشحيم بواسطه المشحمه اليدويه . او مشاحم البناشر الهوائيه .
ويكون الشحم جيد وليس خفيف مره حتى تتحق الفائده من التشحيم .
ولكن بعض السيارات ليس فيها مشاحم للجوزات ولكن تستطيع المخرطه وضع مشحمه لها . والبعض الاخر لايمكن بسبب ضيق حيز الجوزه . غالبا الجوزات الاصليه لايمكن وضع مشحمه فيها عكس الجوزات التجاريه يمكن اضافه مشحمه فيها.
ويمن التشحيم بواسطه ابر الحقن الطبيه وهي من اخر الحلول . ولكن يجب تسكير مكان الفتحه بقطعه جلد استك ضغير بواسطه الغراء الامريكي . سوبر جلو او ماشابهه .
او ادخال الابره من اعلى الجوزه بعد فكها وهو من اسلم الحلول . الى اللقاء

[jt26]

رفع للفائده