ربيع السفانية " صور في 21\11\1424"

[حفرلوجيا]

هلا والله بمن جاب صورأراضي الفقع والخير .. وبعدين أي متواضع .. أنا ياواحد من ربعك اللي جبت لهم الصور .. اللحين مدقر عند الصورة الأولى .. يازين ذيك الأراضي ( الممغوطة ) ومثلها الدبدبة لأنها أرض بلا ( عوائق ) أو جروف .. ولا تحتاج دبل ولا هم يحزنون خصوصا وقت لقط الفقع .. سيارتك لو هي ( صني ) خلها ( تمشي براحتها ) ولاتناضر طريقك ..... اكلف ماعليك تلتفت يسار وتلقط الفقع وهي تمشي ..
عاد عن اذنك أخوي عروان ودي أشوف باقي الصور

[نفل]

السلام عليكم ورحمة الله وبركاته

اخوي عروان

اولا مشكور على الاخبار الزينة والله يبشرك بالجنة وثانيا مشكور على الصور الحلوة وتصدق يوم
شفت الصور تذكرايام لقط الفقع عام 1418 هـ وعقبال اخوي عروان ما تجيب لنا اخبار الفقع
والله يعطيك الصحة والعافية

اخوك ابو محمد

[ابوياسر]

99CC66

[الحاتمي]

صور رائعة أخي عروان
والله يسلمك ويجزاك خير
ماقصرت يالغالي

[الطبيب]

اثريك ياولد محترف تصوير وحنا ما ندري

وعلى العموم ما ادري لو الله يكتب ونتواجه بالسفانيه

لاني بعد ما شفت الصور ابي اخيم هناك ان شاء الله

عشت يا شراب الدم

اخوك

الطبيب

[laith]

السلام عليكم ورحمة الله وبركاته

اخي "عروان"

عندما رايت الربيع ..لم تؤثر نفسك بذلك ....!

فقد ... نقلت الخبر, واخذت الصور , وامتعت بذلك كل من حضر , ف لك الشكر ...!

[عروان]

مرحبا والله يا نقا هشال, يامبرك هالصور اللي خلتك تمر علينا .

تسلم يالغالي


الهلالي: تسلم أخوي على الاطراء الجميل. تحياتي لك


ذيب البر: هلا وغلا بذيبان, أسعدني حضورك والله.


أبو سعد: صحيح كلامك الشرقية هالسنة شبعت من المطر, الله يطرح البركة. تحياتي لك


تحياتي للجميع

[عروان]

فتى الجوف الشكر لك على مرورك يالغالي


أبو فارس شكرا لك على حضورك


سامي أهلا وسهلا بك أخوي سامي

بخصوص الابيات هذي يالغالي جتني في قصيدة بالايميل. أخذت هذه الابيات منها. أما صاحبها والله ما عرفه.

تحياتي لك

[عروان]

من حفرلوجيا " الجيلوجي بنفسة في موضوعي" ياهلا ومرحبا

صح لسانك يالغالي, صدقت السفانية والدبيـّة أو الدبدبة اراضي سهلة و أراضي فقع مثل ما ذكرت.

اذا جت عطلة الربيع تشوف هالمخيمات فيها صافة جنب بعض. والجهاز ماتلقى لك موجه تراسل فيها خويك من الزحمة.

والخدمات متوفره في كل مكان. أضف الى ذلك النعيرية وسوقها المشهور.

تحياتي يالغالي.


مرحبا مليون واهلا بـ نـفـل

الشكر لك ياعزيزي على مرورك. ذكرتني بربيع عام 98 سنة الفقع مثل ماذكرت.
يقولون أنه هاك السنة من كثر الفقع أصحاب محلات الخضرة مالقو زباين للبطاطس
أما من ناحية الفقع هالسنة بأذن الله بنلقط فقع وبتسمع الاخبار بعد العطلة. اصلا هالايام كلها مطر
الامطار على السفانية ما أنقطعت لها عشرة أيام. كل يوم يجيها مطر. والفقع مثل ما تعرف ما يبين
في الامطار.

تحياتي لك

[عروان]

الحاتمي

تسلم يالغالي. الاروع هو حضورك


ابوياسر

شكراً لك يالغالي

[عروان]

الطيب

يارجل لاني محترف ولا شي. هي صدفة .

عسى الله يكتب و نتواجه أن شاء الله في السفانية علشان تفسرلي وش قصدك بـ "عشت يا شراب الدم"

لآني ما فهمتها..!!


تحياتي لك.


أخوي ليث

سلمت على ما كتبت يداك.

أشكرك على كلماتك الطيبة.

أسعدني مرورك يالغالي.

أطيب التحايا لك

[samee]

اخوي عروان لو تبلغني عن صاحب الابيات او تكميلتها
ولك مني جزيل العرفان

[راعي عنيزة]

يعطيك العافيه اخوي
ولا تنسانا من الفقع

[المواكب]

اخوي عروان ... السلام عليكم ورحمة الله وبركاته ....
الحقيقة ما كنت اعرف ان السفانية فيها ربيع هالسنة والمناظر الحلوه الا منك . الله يديم عزك ... وجزاك الله خير على الصور الحلوه لااكن لو وضعت احداثيات كل صورة ... الله يكثر خيرك . اخوك المواكب

[عروان]

samee

أبشر بس خلني أبحث لك عنها في ملفاتي.

وأن شاء الله القاها و ارسلها لك.

تأكد أني حريص على طلبك.

تحياتي