اخبار شبك الصقور للعـام (1428 هجري) .. (2007 ميلادي)

[رضوان]

السلام عليكم
اهلين بربع مكشات الكرام ابشركم انه في يوم 18_9 طرحت شاهين فرخ وبيعت وبعده يوم21_9انطرح صقرين فروخ نداويات وبيعوا وبعدين طرح خويكم رضوانوخاله عادل صقر فرخ نداوي بعد وكان هذا يوم 27_9 ويوم 29_9 طرحت شاهين فرخ وبيعت وبعدها يوم 2_10انطرح صقر وافي 17في17 وانباع وبعدها انطرحت شاهين قرناس هواء في الرمله وسمعت امس انه قبل يوم انطرح طير حر فرخ نادوي مقاس 18في17.5في الرمله والشباب عينوا طير يوم 25_9طير حر احمر ومسح على حمامه والله ما كتب فيه نصيب وما انمسك واول امس طرح خالي التاني توفيق وكريه مهاجره قرناس مقاس 14في14وفي يوم2_10 انمسك تبع حر فرخ مقاس 15في15 نداو ي بعد ريشته صفراء مشاء الله عليه وهذي العلوم الي وصلتني للحين وحبيت اوصلها لكم يا اخوان
مع تحيات خويكم رضوان

[ghazyy]

تم طرح شيهانه خلويه امس بالكويت 15*15 بكر باقي فيها ثلاث بثلاث

وعرضوها عند هاشم الصليلي وبيعت ب 1150دينار والله يبارك للبايع والشاري--

[حزام سبيع]

طرح امس حر نادر في جيزان وهاي الصوره

[سفتور]

تم طرح شيهانه خلويه بكر اليوم فلامارات في مدينة العين
واللي طرحها الطاروح الكبير السيد علي بن سعيد النيادي
بس حجم هالشيهانه عجييب العرض16,5 والطول 14
وبيعت في نفس الوقت بــ25000درهم بعد منازعات حاده عليها بين الصقاقير......

[اليبي]

السلام عليكم انطرح طير فرخ حر 17*17 طرح شمال قطر وسلامتكم

[التام]

السلام عليكم يا اهل مكشات

انطرحه شيهانه بكر في الحنو عند الدواسر يوم الاربعاء الساعه 12 الظهر وبيعت الطيره ب25000

والشاري ربع لهم دواسره من قطر

ولله يوفق الجميع

[صابي]

السلام عليكم اخر اخبار شبك مجيرمة وما حولها
طرحت امس في مجيرمة قرناصة تامة عند ابن زاهرالثعلبي
وفرخ شيهان تام عند ابن هاشم الحرازي
واليوم بعد صلاة الجمعة قرناصة عند السفري

الله يرزق جميع المسلمين

[رااعي غريب]

السلام عليكم
شخبار طرح الشواهين ؟

[رااعي غريب]

[تاجر طيور]

انطرح اليوم فرخ شاهين 15 في 15 لونه حمر ومزاده الليله الساعه 8

انشالله في مكتب هاشم الصليلي

[رااعي غريب]

السلام عليكم
ممكن لو سمحت ياتاجر الطيوور ترسل لي صورة الطير اللي انطرح في الكويت ؟

[فٍارِس ٍِظلمٍ]

بسم الله الرحمن الرحيم



السلام عليكم ورحمة الله وبركاته



انطرح مثلوثة قرناسه قبل اسبوووووع في مدينة ظلــــم



وانطرح فرخ شياهين تام قبل ثلاثه ايا م في ظلم بعد


المثلوثه من با عة

ام الفرررررخ انباه بعشرين الف

على سطام بن محمد بن عوووون الروويس الله يباررك لشاري ويرزق البايع



اخوكم فارس ظلم

[ماجد111]

البشرى اللي يبي الطير الطيب اليوم انطرح طير فرخ بمنطقة الحدود الشماليه طريف وذالك عن طريق صقار الشمال عوده البني والطير طيب بالحيل

[رااعي غريب]

لوسمحت اخووي ماجد 111
ممكن توضح فرخ حر ولا شاهين ؟
ولك الشكر

[ابووراشد]

اخوي اللي تسئل عن الطير اللي اشار اليه الاخ ابوماجد الطير فرخ حر وطير طيب حسب اهل الصنف طيب حيل وطير شيوخ مثلك وشرواك