صوروخطه عمليه تدعوا الكشاته لتطبيق مقولة(اجعل المكان افضل مما كان) ...!!!

**((( الحر)))** · 17/01/2004, 07:37 AM

اخواني اعضاء وزوار منتدى مكشات...!!!

السلام عليكم ورحمة الله وبركاته...!!!

في يوم الثلاثاء الماضي طلعت مع كشاته اول مره اطلع معهم في روضة من رياض المستوي الي على حد الجال...!!!
ولاحظت عليهم قل الاهتمام بنظافة المكان لانه حسب كلامهم مكان بعيد ولا فيه امل ياصله كشاته لانه يبعد عن اقرب خط ازفلت حوالي 30 كم صحراء حزوم ونفود...!!!
وقلت ياولد انصحهم واعلمهم اهمية النظافة ولو كانو في (قفر من الخلا) وان فيه موضوع بمكشات مسويه ابو عبدالله شقردي الله يجزاه خير عن النظافة على انهم مايعرفون مكشات الا باسمه ولاكن لعل... وما فيه فايده ماهتموا...!!!
قلت ياولد تدري خل اسوي لهم خطه ودرس عملي يمكن يفيد فيهم افضل من النظري نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

محاضرات جامعه...!!!

بعد ما جمعنا العزبه وحملناه بالسياره وركبنا ولا بقى الا تسكير الباب...!!!
نزلت من السياره قالو وين يابو محمد... قلت دقيقه تفرجوا انتم بس... قمت واخذت كيس فاضي وقمت اجمع كل المخلفات الي بالمكان ولا اخذ معي دقيقه...ثم صورت المكان...!!!

والله العظيم انهم استغربوا من جمال المكان بعد تنظيفه......... وقال واحد منهم والله انه من جمال الكشته وأناستها انك تلتفت لمكانك بعد ماتمشي تلقاه نظيف وجاهز للي يجي بعدك والله انك ماقصرت يابو محمد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

تشققت يوم مدحوني...!!!

والحمد لله الي من علينا بهذا الخير والربيع واعاننا على نفوسنا حتى نحافظ على حسنه وجماله...!!!

وهذي صورتين توضح الفرق...!!!

الاولى .....قبل تنظيف المكان ...!!!

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الثانيه...... بعد تنظيف المكان..... ولا بقى اي اثر الا مشب النار...!!!

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**ابوجوري** · 17/01/2004, 08:08 AM

السلام عليكم ورحمة الله وبركاته

ليت كل الكشاته مثلك بأخوي (الحر). أنت أعطيت درس بسيط لاكنه كبير في الفائده.

شكراً لك اخي الكريم على هذا الجهد

راعي عنيزة · 17/01/2004, 08:15 AM

اي والله انك ما قصرت يابومحمد
وبفعلك هذا صرت قدوه حسنه لزملائك في الكشته وبدورهم كل واحد بيصير قدوة حسنه لربعه وابتل لحد ما يصير المجتمع كله محافظ على النظافه مثلك يابومحمد نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

ولو انك من تالي ما ودك تحافظ على النظافه وودك الا اقبلت على فيضة مربعه تسحب فيها جلنطات لما يغدي الربيع نسيا منسيا عشان ما يجيك علم عقب كم اسبوع انه طلع له اسفلت يشق البر وحوطت بشبوك وممنوع الاقتراب من مسافة قلايع وادرين نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**صقر** · 17/01/2004, 08:58 AM

مشكور اخي الحر على هذه البادرة الطيبة

والحقيقة انك رائع .... اصبحت قدوة لخوياك في الكشتة ... وايضا اصبحت قدوة لزوار مكشات...

بارك الله فيك......

**عاشق البابونج** · 17/01/2004, 09:33 AM

اخوي الحر
السلام عليكم ورحمة الله وبركاته

هذا يدل على إنك أنت أصلاً نظيف

وأتمنى من الكشاتة يتركون مكان كشتتهم بما يدل على اصل من ترك هذا المكان

**عاشقة البر** · 17/01/2004, 10:42 AM

ما قصرت

ويعطيك العافيه

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**Ra7aL** · 17/01/2004, 11:12 AM

يعطيكم العافية وما قصرتو

وحمدالله على سلامتكم

وهذا الشي الي أي أنتو سويتوه اندل فيدل على اصالاتكم وياليت كل الشباب
مثلكم.

وجزاك الله خير،،،،،،؛

**سمنان** · 17/01/2004, 11:22 AM

اخوي ((( الحر)))

السلام عليكم ..

بارك الله فيك .. وكثر الله من امثالك

بس عندي استفسار لا عدمتك ..

انا روحاتي للمستوي واجد بحكم وجود مزرعة خوال العيال هناك ..

وابي لو تكرمت وصف المكان اللي انتم فيه واحداثياته .. اذا ما فيه كلافه ..

ولك الشكر مقدماً ..

**عاشق الصفاري** · 17/01/2004, 11:30 AM

تسلم يمينك يابومحمد هذا الشغل الصحيح..بارك الله فيك اخوي على المبادرة الطيبة.. ومشكورر

**عجاج** · 17/01/2004, 12:09 PM

مشاالله عليك يالحر ويعطيك العافية فعلا انت قدوة حسنة .
المشكلة يوجد ناس تطهبل بالنظافة وتزبرق الكلام
الي يسمعه يقول هذا خطر يغمى عليه اذا شاف منديل بالارض
واذا طلعت معه تمشي وتلقط وراه المناديل الي يرميها بالارض
وماقول الا الله ينفع به واغديه مع كثر الطق يلين ويصير نظيف

**الحاتمي** · 17/01/2004, 02:10 PM

((( الحر))) شكرا لك على اهتمامك بنضافه المكان
وليت اي واحد يكشت يسوي سواتك اللي تبيض الوجه
مجهود قليل وعمل كبيرلا يشعر به الا من ياتي بعدكم الى
نفس المكان ويرى آثارمشي ارجلكم فقط
من دون وجود اي شي من نفاياتكم....
درس مكشاتي رائع من ((( الحر))) الرائع

**حفرلوجيا** · 17/01/2004, 02:40 PM

الحقيقة انك رفعت الرأس يابو محمد .. في سلوكك ... ومن هنا نعرف إذا قالوا ( الوعي ممارسة وسلوك ) وليس مجرد شعارات تقال وتردد بالمجالس والمنتديات ..
بس ودي الله لايهينك .. وعساك على القوة تكرر الكشتة مع نفس الربع .. وتسوي نفس السيناريو .. وإذا ركبوا ولا اهتموا يالتنظيف .. أيضا تنزل بشخصك الكريم .. بس هالمرة تروح لشنطة السيارة وتنزل المشعاب .. وإذا أنت تغليهم تنزل المسحاة .. ومنين مايوجس ( واحدهم ) .. إلا إذا عقلوا .. نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

وبكل الأحوال سلامنا لك ولهم..

**العبري** · 17/01/2004, 02:53 PM

يعطيم الله العافية وليت كل الناس مثلك

**ابو عايد** · 17/01/2004, 03:27 PM

مشكور اخي الحر على هذه البادرة الطيبة

والحقيقة انك رائع .... اصبحت قدوة لخوياك في الكشتة ... وايضا اصبحت قدوة لزوار مكشات...

يعطيك العافيه اخوي الحر على هذه الدعوه الصادقه

فإذا فعل كل انسان في هذا العالم لن تبقى بيئتنا ملوثه وننعم بالهواء النظيف والمياه العذبه

فهذه الدعوه في محلها ... فلنسارع الى تلبيتها

فتقبل تحيات اخوك// العاشق الولهان

**abos3d** · 17/01/2004, 03:37 PM

الله يجزاك خير يالحر وانا اشهد انك حر بتصرفاتك الي ترفع الراس تسلم والله يكثر امثالك

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: صوروخطه عمليه تدعوا الكشاته لتطبيق مقولة(اجعل المكان افضل مما كان) ...!!!

أدوات الموضوع

عرض

صوروخطه عمليه تدعوا الكشاته لتطبيق مقولة(اجعل المكان افضل مما كان) ...!!!

أنت أعطيت درس بسيط لاكنه كبير في الفائده

معلومات الموضوع

الأعضاء الذين يشاهدون هذا الموضوع

ضوابط المشاركة