البكره وجعانه الفززززعه

[هدد 1]

عندي بكره ام سته شهور مفروده من امها البكره تركز راسها فوق ويهتز وتنحاش من البل والحشو واذا قرب منها احد ترغي واكلها زين قالي واحد يمكن تكون وحده من الأبل معورتها وتخاف او بيكون فيها ورم بيطلع ويعورها او قراد في اذنها وفتشتها اليوم مالقيت فيها شي حتى فمها فتحته مااادري وش علتها

[نديم الغرباء]

يمكن فيه مرض الطير الي يهز راسه ويحطه ب الارض

[ابو الشبرميات]

اخوي هدد
انت وين موقعك فيه ؟؟؟
الابل فيها شي يعض بعض ؟؟؟
او حولك شي من الحصاني او الكلاب المسعورة ؟؟؟
البكرة وش اللي يهز فيها راسها بلحاله او كلها تتنافض ؟؟؟
اذا وقفت توقف طبيعي او فيها رعدة وهزة ؟؟؟
كم لها على ذا الحالة ؟؟؟
وبالتوفيق لك وللجميع
...

[هدد 1]

يقولون الطير مايجي الصغار والطير يذبحها على طول وهذي من اخر رمضان وهذا حالها وراسها بس هو الي تهزه بس الأيام هذي خفت شوي احس فيها شي يعورها في رقبتها وماتحب احد يقرب منها وفتشتها مالقيت اي اثر

[هدد 1]

واكلها زين والبكره صحتها وعافتيها زينه بس تهز راسها على الخفيف وتجلس في اخر الشبك خايفه

[نادر القلادي]

الله يشفيلها

[ابو الشبرميات]

الله يبشرك بالخير
يمكن ان الابل الكبار او الفحل
عاضينها او محاولين نهشها ويوم ضغطوها لمسوا شي من الاعصاب وموب شرط تلقى اثر عض او غيره
مما سبب لها الهزة
ودامك تقول ان اكلها طبيعي وحالها زينه
فالامور طيبة ولله الحمد
لكن عطها ابر فيتامين ( ب ) لانه مقوي للاعصاب
ولامنه ضرر باذن الله
...

[هدد 1]

بيض الله وجيهكم ماقصرتو