15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
احبتي الكرام عندي بعض الاستفسارات عن سوق السمك بالقطيف اولا وين يقع بالظبط؟
ومتى افضل وقت عشان اشتري منه ربيان وسمك ؟
لاني بمشي للديره تبعد تقريبا 700 كيلو وابي اعرف كيف الطريقه عشان مايخرب السمك والروبيان
وودي اعرف كم تسوى الثلاجة ؟ روبيان وسمك هامور وكنعد وصافي
وماهو المن ؟ كم فيه من كيلو؟ وكم يسوى الروبيان بالمن ؟
وجزيتم خيرا؟
الحين سوق القطيف هو افضل من سوق الدمام وصفوى؟
مكشاتي متقدم
كان بودي أفيدك لاكن اعذرني
والمن = 240 كيلو على مااعتقد
مكشاتي متقدم
سوق السمك با لقطيف مايبيله اسأل اي واحد اذا رحت القطيف يدليك وبكل رحابة صدر
اما عن الاسعار تتغير كل يوم ولكن اعتقد انها مرتفعة بالنسبه للأسماك الهامور والكنعد
اما الروبيان المن تقريبا من 150-200 ريال قبل اسبوعين والحين ماادري عن السعر
اخوي المن 16 كيلوغرام فقط
ال240 هذا للتمر
وبالنسبة للتثليج الشباب بالسوق يفيدونك وعندهم خبره ممتازة
مكشاتي متقدم
كلا الاخ بحر الخير صحيح المن 16 كيلو
{لاتجعل الله أهون الناظرين إليـك }
مكشاتي متواصل
بالنسبة للروبيان الحبة الكبيرة المن 600 ريال انا اليوم مسعره
يفيدوك الاخوان بهذا الخصوص
مكشاتي متقدم
اقول ماتبي لحم حاشي ارخص لك ههههههههههههههه
مكشاتي متواصل
السلام عليكم ورحمة الله وبركاته
احبتي الكرام عندي بعض الاستفسارات عن سوق السمك بالقطيف اولا وين يقع بالظبط؟
صعب اوصفلك لاني كل مااروح اضيع بس احصله عموما اسأل وبتوصل بسهوله
ومتى افضل وقت عشان اشتري منه ربيان وسمك ؟
انا رحت بعد الفجر ولقيتهم يحرجون والظاهر فيه حراج بعد المغرب
لاني بمشي للديره تبعد تقريبا 700 كيلو وابي اعرف كيف الطريقه عشان مايخرب السمك والروبيان
موجود ثلاجات فلين وهم يثلجونه لك في السوق
وودي اعرف كم تسوى الثلاجة ؟ روبيان وسمك هامور وكنعد وصافي
ثلاجات الربيان على الحراج الصغير من 200 الى 300 وكل ماكبر يغلى
واذا جيت تشتري ربيان مايبيعون بالمن بل بالثلاجة ( وفيها اكثر من منين )
وماهو المن ؟ كم فيه من كيلو؟ وكم يسوى الروبيان بالمن ؟
المن 16 كيلو والربيان يبيعونه بالثلاجة او البانه ( وهي سلة بلاستيكية ) وفيها بين 35 الى 40 كيلو والسعر حسب الحجم ، الكبير يصل الى 400 واغلى والصغير بين 200 الة 300 وحسب الحجم يزيد السعر ، وعموما تراه يختلف لانهم يحرجون عليه واذا عجبك تزيد في الحراج خمسه ريال او عشرة الى ان يرسى عليك الحراج
وبالتوفيق اخوي
ياخي مايبيله وصف ادخل من عند كبري القطيف (من طريق الدمام السريع ) وتدخل على منطقة اسمها الجش كمل سيده وبعد الجش تلقى منطقة ام الحمام كمل برضو سيده تجيك اشاره مدينه عنك يمين او يسار تاخذ اليسار وتكمل سيده تلقاه على يمينك
انشاء الله تكون فهمت
مكشاتي متواصل
مثل ما وصفو لك اهل المنطقة
وبالتوفيق
مكشاتي
هلا يخوي أنا من منطقة القطيف وراح ادليك الطريق وان شاء الله ما تضيع
خليك ماسك الدمام الجبيل السريع لين تلقى مدخل القطيف قبله فيه لوحة المواساة انزل وخد يمين أسمه شارع أحد او الهدله واطلع سيده الين تعدي 4 اشاراة الاشارة الخامسه تأخد يمين وتطلع سيده هذا اسمه شارع المطاعم تلقى كذا مطعم على يمينك مشان تتأكد انك مو مضيع المهم اطلع سيده تعدى اول اشارة الاشارة الثانية خذ يسار وامشي بس شوي تلقى السوق على ايدك اليسار
والمن 16 كيلو والروبيان الحين موسمه بس للأسف للحين ما ساومت عنه لان انتضره يرخص بعد فترة يرخص في سوق القطيف مره
بالنسبة للاخ اللي يقول فيه حراج هذا الروبيان توه واصل البحر وبعضه يكون عايش حتى وهذا يباع على اللي بيو يبيعوا يأخدو بالكميات كبيره ويترزقوا الله لان البحارة يرجعوا من البحر الصباح وعلى العموم العصر ولا المغرب وقت مناسب لأن سوق القطيف أسماكها معروفه وطازجه كل يوم الا كل صباح ومسا يجيك جديد وطازج وسعره رخيص نوع ما هالايام اشوف وللكن بعد فترة بس يرخص اكثر واكثر ومعروف سوق القطيف من اكبر الاسواق في الخليج وقريت في جريده مره في الشرق الاوسط من ناحية الأنتاج والتصدير يعني يجيك دائماً طازج بس حاول تتاكد برضوا يكون افضل
والتخزين خد لك بانه ( فلينه ) ويعبوها لك ثلج ماالح مشان ما يدوب بسرعه وانطلق ولا تنسى حط لك كيس ولا شي تحتها اضمن ولو انها المفروض ما تخر
اتمنى اكون افدتك
مكشاتي متقدم
مكشاتي
بيض الله وجيهكم جميعا اخواني الكرام كلكم ماقصرتوا
بدون استثناء واخص بالشكر الجزيل اخوي الواهج واخوي m1000 بصراحه وصفكم واضح جدا جدا
تسلمون ماقصرتوا
لا تشتري من الدمام اذا تبي تشتري روح القطيف ارخص وافضل واطزززج
{ وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ } [ الذاريات: 22-23 ] .
ما يحدقك الا طويل البال
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
