تعرف سدير ؟ طيب ممكن طلب؟
السلام عليكم ورحمة الله وبركاته
وبعد
أنا متابع للمنتدى من زمان
ولكن لثقتي اني ما راح اضيف شيء يذكر على ابداعات الشباب
فضلت عدم التسجيل
ولكن لحاجتي لخدمتكم الله لا يحرمنا منكم سجلت
وأقولكم طلبي لعلي اجد منكم رحابة صدر بتحمل غلاظتي
وأقولكم طلبي
بكرا ان شاء الله بنطلع أنا وبعض الربع طلعة خفافية يومين الى ثلاثة ايام
والجدول المقترح أننا نروح لروضة نورة
ولكني ما أدري وينها سوى انها في سدير
فياليت اذا احدكم يعرف طريقها من طريق القصيم انه يوصف لي وجزاه الله الف خير
وسؤالي الثاني هل فيها تخييم ؟
وهل هي تستحق العنوة ؟
أتمنى اني ما طولتها
وتقبلوا تحياتي
ملحوظة :
انا ماعندي قارمن فياليت ماتعطوني احداثية ابي الوصف
وشكرا لكم
15 نوفمبر 2015 - 16:514 نوفمبر 2015 - 21:27
 |
رد مع اقتباس
