أحب المطر واشتاق له شـــــــــــوق= شوق صيد الحر لكل صقــــــــــــــــــار
و حب البر باق قلبي بــــــــــــــــوق= مشجاره وجباله وشبت النـــــــــــــــــار
ينشرح صدري ويعتلي فـــــــــــوق= بطرياه لوه طيرن أمداه طــــــــــــــــار
أزهب زهابي من قبل الشــــــــروق= واخاوي شروى الطيب الاخيــــــــــــار
هذا اخو وذا خالن شفـــــــــــــــــوق= وعمن وابن عمن واصحابن ابــــــــرار
أعسف الجيب و اسوقه ســــــــــوق= ينطلق رصاصه لي وطا القــــــــــــــار
اشهبن اغبرن دايم سبــــــــــــــــوق= وعلى الغبراء ما ينشق له غبــــــــــــار
والسحاب اطرده لكني ملحـــــــــوق= أخايله بلهفة لكني على نـــــــــــــــــــار
والغيوم أدورها لوطالت الطــــروق= ولو هطل ماها على دروب الاسفــــــار
المزن مصطك مابينه فتــــــــــــوق= محرين بالخير وين ماســـــــــــــــــــار
وهبت رياحن تلقح سحابن طبـــوق= جنوبية نسناسها لا باردن ولاحـــــــــار
أتشوف وينك يا شعاع البــــــــروق= ياللي ما تفصل وللسماء نـــــــــــوار
مكحل عيني يا مقصد النــــــــــــوق= يا مضوي الدرب خطاف الابصـــار
والرعد تراه بمسمعي مايعـــــــــوق= مجلجلن مسبحن للواحد القهــــــــــار
أزعج الصوت اتوق له تــــــــــــوق= صاعقن كله عبر و اســــــــــــــرار
يرجف فؤادي ويمتلي شـــــــــــــوق= شوق غريبن حن للـــــــــــــــــــــدار
لي شفت غيمن يشعشع بالبـــــروق= ولي سمعت رعدن مثل أسد زمجـار
يفـــز قـــلبـي و يـنــتابــــه خـفـــوق= واتحــرى بشـــوق هـل الامطـــــــار
*******= *******
ثم ابتهل مضطر ابتهال مبيــــــــوق= ينشد حلاله وما سرق من الـــــــدار
استغيث المغيث من قلبي المحـروق= من لهيب الشمس وجدب الديـــــــار
قلبن يخفق كما طيرن بصنـــــدوق= يـبي الماء من ضماه منهـــــــــــــار
يالله ياللي كل يومن بابه مطــــروق= يا مجيب دعوة الداعي بالاسحـــــار
تزيل جدب مهوب مطيــــــــــــــوق= يشكي منه البهم واهل الاقفـــــــــــار
وجفافن محق عشبها محــــــــــــوق= يـبكي منه الرضيع والشيوخ الكبــار
ما نيب قانط ولا بي جزع مطفــوق= راضين بقضاء مقدر الاقـــــــــــدار
كريمن ارجوه من قلبن صـــــــدوق= ينزل علينا ماء السماء مــــــــــدرار
الغيث عسى يجيبه اللي فـــــــــــوق= يسيل الوادي ويملى الابيــــــــــــــار
يغيثنا من مغيب الشمس للشـــــروق= ومن شروقها لمغيبها تالي النـــــهار
اطلبه ودمعي يجري على الشـــدوق= هطالن مبطين للديار مــــــــــــا زار
يالله بديمتن في صبح وغســــــــوق= تدوم بالخير ليل ونهـــــــــــــــــــار
وسيلن على نجد يطوقه طـــــــــوق= سحن يحده ويسوره باســـــــــــــوار
ويالله تسقي مشرفه للعــــــــــــروق= وتروي بهمها ونخلها والاشجــــــار
وتغيثها بهتانن يغدقها غـــــــــــدوق= يسر راعيها وين ما ســـــــــــــــــار
يستاهل بالكرم دايم سبــــــــــــــوق= واكتب له واحبابه طول الاعمـــــار
يارحيمن يا رؤوفن بعباده شفــــوق= يا كاشفاً عن ايوب باسه والاضرار
استــجــب دعــــــوة قلبـن خفـــــوق= يـا منـجيـن يونس من عمق الابــحار
*******= *******
أبشركم المخيلة ورى المخيله لحوق= حي الحيا يحيي به الحي الاقفـــــار
أول الخير قطرة ثم الحَقـــــــــــــوق= له الحمد استجاب ربي الغفـــــــــار
و هلت دمعتي تراها سبـــــــــــــوق= تسبق من الفرحة قطر الامطــــــار
ألقط البرد واذوقــــــــــــــــــــه ذوق= نصيته يوم جتني عنه الاخبــــــــار
الماء بين الحصاء يمرق مــــــروق= والشعبان تجري مثل الانهــــــــــار
والسيل يتقلب تحت فـــــــــــــــــوق= سيّل رقيعي نعام والشبــــــــــــــــار
ارتوى النخل وتدلت العـــــــــــذوق= وارتوى الشجر لحد الثمــــــــــــــار
وغدرانن يحلق فوقها الغرنــــــــوق= بالفياض والرياض وسرب الاطيار
يا فرحتي بشلالن يصب من فـــوق= وبجارفن من على السد عبــــــــــار
ربعت ارضنا وفاح العبــــــــــــوق= عقب هطالن دايمن ســــــــــــــــــار
والنفل والخزامى بالانفاس منشـوق= ريحن كما المسك وعطر عطــــــار
والعشب شق في الصحاري شقـوق= واستهل البهم وغردت كل الاطيــار
يا فرحت هل الغنم والنــــــــــــــوق= كان راعيها في بيعها محتــــــــــــار
واليوم تدر له صبوحن و الغبـــــوق= لو تجيب له المليون ما بـــــــــــــــار
يا لايمي هذا معشوقي ولك معشوق= بالحيل احبه وفي عشقي له اســرار
وترى هذا ذوقــــــــــــــي ولك ذوق= لو خيرت اخترت المطرعلى المحار
واشكـــر منزل الوبـــل من فـــــوق= سبحــانه محصــين قطـــر الامطـار
ثـم الصلاة علــى خـيــر مخــلــــوق= عــدد نبت العشـــب بكــل الاقطـــار