والله وألف مرحبا بالسنافي وكل السنافيه مثلك وشرواك ..
وهلا بك في منتداك بين إخوانك وربعك ..
ومشكور على كلماتك الرقيقة ..
أغلى تحية ..
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
والله وألف مرحبا بالسنافي وكل السنافيه مثلك وشرواك ..
وهلا بك في منتداك بين إخوانك وربعك ..
ومشكور على كلماتك الرقيقة ..
أغلى تحية ..
السلام عليكم يا الطيبن وأقول عساكم بخير وعسا قمركم ما يغيب وعسا لياليكم تطيب
ولدي يا السمح وصدق الاسم بك سماحة وطيبة أصل والجميع ودي أسألك الحقيقة أنا ولدي جاب لي غارمن وعلمني عن بعض الأمور فيه وبس وأنا بوك صادفتني بعض العراقيل وهي اني احاول ادخل احداثيات وما ضبطت معي ولان ولدي مسافر وعساه بسفره ورده سالم والجميع ما قصر حفيدي الفري سجل لي بهالمنتدى وقال اللي أبيه أسأله وهو يكتب لي على فكرة ترا اعرف اقرأ واكتب بس مالي بهالنت وشغلاته المهم لا نجرف عن سيل السدرة ارد لسؤالي وابي منكم تعينوني اشلون ادخل الأحداثيات مع العلم ان موديل الغارمن اللي عندي الآن هو GPSMAP 176C ولكم تحياتي واتمنى لكم جميع من أعضاء والمشرفين بالعقل الوافي والقلب الصافي والجسم المتعافي وجزاكم خير على عطاءكم وما تقدمونه . أبوكم ( جد الفري )
أبشر والله بسعدك ياعيوني ..
وهذا أنا اشتغل ليل نهار علشان أخلص من موضوع كامل عن استخدام GARMIN MAP 176C بما فيه طلبك يالغالي .. ولكن العيد ومشاغله وطلعاته .. وسفراته جعلت الواحد يتأخر عليكم .. معليش السموحة ياجماعة ..
وزين إن حفيدك سجل لك بهالمنتدى .. وهو صادق لا يردك إلا الكيبورد إذا احتجت شي ترى الشباب ما يقصرون أبد ..
ومشكور على كلماتك الرقيقة وما قصرت ..
تشكر على المعلومات التي يستفاد منها و انا اتحسف على جهلي قبل الدخول بالمكشات وجود هذة المعلومات بالكميات الهائلة و الله يرحم و الديك و يدخلهم فسيح جناتة 0
اخوك
الخادم
حياك أخوي الخادم ...
وزين اللي جيت لمكشات علشان نكسب رجل من الرجال ..
جزاك الله خير على الدعوة .. ورحم الله والديك ..
مشكور ..
السلام عليكم جميعكم
اخوي السمح سمح الله دربك قل امين وانتم بعد ياللي تقرون
والله لا اخفيك يكمن انت وامثالك من الشباب اللي بالمنتدى هذا دفعوني دفع علشان انظم لركب هالموقع الطيب
ويعلم الله اني لا اقول ذلك مجاملة لانك لا تعرفني وانا كذلك ولكن شهادة لك وعلى تميزك ( ولا يهنون جماعة الربع).
لكن اخوي اذا عندك معلومات عن القارمن الجديد الملون ( ستريت بايلوت 111) تكفى الحقني لانه عندي جديد واخوك مايفك الانجليزي وصار لي من شريته وانا شغال بالمحاولة والخطا وبيني وبينك خايف يندمر ولا هو برخيص ولك جزيل الشكر ودي منك كلمة راس اذا حبيت a_M_alfaleh@hotmail.com
مع السلامة
سبحان الله وبحمدهسبحان الله العظيم
الله يخليك أخي العزيز مشراف .. ويشرفنا انضمامك إلى أصحابك في منتديات مكشات ونيابة عن بقية الأعضاء أقول حللت أهلا ونزلت سهلاً ..
بخصوص الستريت بايلوت لم يسبق لي أن استخدمته ، ولكن سأحاول أن أعطي ولو بعض الأشياء عن استخدامه في القريب حسب الفرصة إن شاء الله ..
أقدم اعتذاري أنك لم تجد ما تريد حاضراً الآن .. ولعل ممن يجد في نفسه القدرة على المساعدة من الإخوان الأعضاء أن يتفضل مشكوراً بطرح مالديه ..
أحلى تحية ...
مشكوووووووووووووووووووووور
أخي / السمح :
السلام عليكم
حيقية موضوع تشكر عليه ولاهو غيريب منك طرح المواضيع المميزة والمفيدة
أخي العزيز: أنا قرأت عن موضوع دراسة استقبال الإشارات من النجوم بدلاً من الأقمار
الصناعية ، إلى أي مدى وصلت تلك الدراسات.
_______________
لك خالص تحياتي وتقديري
موضوع ممتاز
و عندي اضافة بسيطة
في النظام نسبة خطأ اختيارية ( selective error ) من وزارة الدفاع الامريكية لان الاقمار تبث المعلومات
على موجتين، عسكرية لاستخدام الجيش الامريكي و نسبة الخطأ فيها تقريبا صفر، و موجة مدنية لاستخدام
الجميع و فيها نسبة خطأ حوالي 10 -15 متر على ما أذكر، لان وزارة الدفاع الامريكي لاحظت في البداية
ان الاجهزة اللي على الموجة المدنية كانت دقتها عالية مرة فزادوا نسبة الخطأ فيها
و بالنسبة لوقف النظام من وزارة الدفاع الامريكية فما أظن توقف النظام في اي وقت لأن الطيارات المدنية الجديدة تعتمد على النظام للملاحة في الرحلات الجوية
تحياتي
الله لا يهينك يابوتركي
على هالموضوع الشيق والمفيد
ويعلم الله اني من زمان استخدم الماجلان وبعده القارمن ولكن لم يكن لدي هذه المعلومات الدقيقه
عن كيفية عمل هذه الاجهزه المفيده.
ومشكلتي انا مع اي منتدى مثل الشايب اللي له طريق يروح فيه للمسجد ما يحب يغيره
وانا مشكلتي اذا سنحت لي الفرصه و دخلت المكشات مغير ادوج في مكشات القصص والاشعار
ونادرا ما ادخل باقي المنتديات
من القلب اشكرك على مواضيعه اللي توسع الصدر وياخوي انت والله اللي متعدد المواهب وعز الله
اللي حطك مشرف المنتديات عرف يختار الشخص المناسب.
الله يوفق ويسمح امرك دنيا وآخره
تحياتي لك
اخوك
ابن شارخ
فاهم :
حياك في مكشات .. وهلا بك في هذا الموضوع ..
أشكرك على مجاملتك الرقيقة ..
ما قصرت ..
=======
akhan :
والشكر لك أيضاً على المرور ..
والمشاركة ..
وهلا بك ..
=======
hkald :
كل الغلا ..
ومشكور على المعلومة الجديدة ..
بس ياليت تبين لنا أكثر .. لأني والله أول مرة أسمع عن استقبال من النجوم !!
وأي نجوم تقصد ؟؟
نورنا الله ينور عليك ..
=======
برنو:
نعم كلامك صحيح عن نسبة الخطأ ، وقد وضحت ذلك في أول الموضوع ..
كما أن وزارة الدفاع الأمريكية هي التي تتحكم بنسبة الخطأ .. بل أبعد من ذلك تتحكم ببعض المناطق في العالم التي تود أن يكون فيها نسبة خطأ ومقداره ..
=======
ابن شارخ :
حياك يابعدي في هالخيمة اللي نورت بوجودك ..
وزين إنك عرفت الطريق إليها ، قاصر عمرك الله يهديك على خيمة الأشعار والمطبخ ..
الله يعافيك ولا عليك زود يالغالي ..
أحلى تحية ..
ترى عجزنا عن شكرك .........والله انك اثقلت علينا بجمايلك ....يابعــــد حيي
تســــــــــــــلم على المعلومات وبورك فيك
عتبي كبير على مكشـــــــــــات .......!!
أخي العزيز/ السمح :
السلام عليكم
أنا من تلاميذك يا أبو تركي وليس عالماً ولكني حصلت على هذه المعلومات من كتاب :
( الرحلات البرية واستخدام أجهزة تحديد الإحداثيات ) عبد الله بن علي الدبيخي
الطبعة الأول 1997 ـــــ 1417 الصفحة ( 28 ).
أنظمة تحديد الإحداثيات المستقبلية:
والنص كما يلي : " يجري حالياً إجراء تجارب جادة في استخدام الإشارات الكهرومغناطيسية الوافدة للأرض من النجوم في تحديد الإحداثيات.
ويتم اختيار النجوم الثابتة والمعروفة لاستقبال إشاراتها وتحليلها وحسابها وبالتالي تحويلها إلى إحداثيات.
ولا تتوفر معلومات كافية عن هذا النظام حتى الآن . إلا أنها طريقة ممكنة وفعّالة" .
______________
لك خالص تحياتي وتقدير
اخوي السمح
ماتجوز عن هالسوالف
كل ما غفلنا شوي طقيتنا بموضع احسن من الي قبله
الله يجزاك خير وتسلم اصابيعك
الي يبغى يشوف سلطان (شقيران الصغير ) يطلع فووق
الذين يشاهدون الموضوع الآن: 1 (0 من الأعضاء و 1 زائر)