مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
عندي استفسااار يا اخوااان وياليت الكل يتفاااعل مع الموضووع حتى لو ما يعرف بس اهم شي يعطينا
رااايه ....
بسم الله الرحمن الرحيم ....
جت في بالي فكره الي هي: قعدت اطلطل تحت الموتر تخبروووون من الفضاااوه
فيه دبتين صغار وحده يمين والثانيه يساار
فكرت افكهن واحط مواصير ....
والدبه الكبيره الي بعدهن ابحطها دبه يوكن نص تفريغ
...........
السوال الي يطرح نفسه هل يضر الموتر وسمعت واحد من العيال يقول بتولع عندك لمبه المكينه
الزبده موتري ما فيه الا العافيه بس ابي صوووت الموتر يطرب لاني والله ماااش ما احس الجيب جيب الا بصووته
وش راايكم .........
وان شاء الله ابنزل تقرير مصور اذا شفت ارااائكم انه ما يضر الموووتر
بانتظاااركم يا الربع على احر من الجمر موتري قير عااادي 2005 ......
عذرا على المداخلة يالمنيعي ،،
ولكن احب اذكر بشيء
اذا كان الموتر قير عايدي او اوتو مركب فيه بواجي وكالة اصلية وكفرات مقاس شد بلد
يطبق طبلونه سواء فك مسامير الثلاجة او لحمها ( اصلا مالها دخل بسرعة الموتر)
واكبر دليل موتري اوتو مع المكيف وبواجي مهب حقة وكالته ( بواجي كابرس وتعتبر اضعف من حقة الوكالة ) ومع ذلك طبق 190 سلام سلام ( ما شاء الله تبارك الله )
ولو كنت مركب بواجي وكالة اصلية لكان تعد 200 بالراحة اذا مارده الهواء طبعا
وعلى فكرة ترى منب راعي سرعة 140 ما اتعداها
ولكن اسرعت للتجربة فقط واتمنى وصلت الفكرة
وبعدين انا اتوقع مصلحة الحفاظ على المكينة
اولى من ان الموتر عيى يتعدى 180 حتى لو انت راعي سرعة ( اذا بوشت المكينة مهب نافعتك 180 وفوق)
لأن الموتر اصلا رفيع و سرعة 150 تعتبر خطير عليه
لأنه جيب ولا يقارن في رساوته بسيارت سيدان
هذا كل قصدي وعلى فكرة ما اتعمد الفلسفة وكثر الكلام ولكن احب اوصل الفكرة لأي واحد وبأي وسيلة وشكرا
ما شاء الله تبارك الله
موترك قير عايدي الله يطعمك من خيره ويكفيك شره << مسكين مع اوتو
لو معي قير عايدي مخليت محل ترهيم ما مريته
طبعا انا من سكان الرياض لو معي قير عايدي وتوه لا زال باقي فيه مكدة
ان كان ما تلقاني الا بشوارع الامارات افرفر فيها اخليهم يرهمون الموتر من والى
سواء دبات او بواجي او كويلات او كلتشات كل ما يطري بهالراس من ترهيم ومعي دراهم بخليهم يسوونه ولاني شايل هم خراب << هم عاد في الترهيم شغلهم نظيييييييييف بالحيل يعني ركب وازهل امرك
ولا يردك شيء عقبها سواء تطعيس او مقاوم او تفحيط بالنمر الين يتحفر الزفلت
^
^
^
^
^
الله يستر عقب هالكلام وش بتسوي في سيارتك
أنا معي اوتو 2005 وش ارهم فيه
اوتو ما يصلح لا لدبات ولا ترهيم ولا شيء
حق عاقلين وسط البلد وطرق سريعة وتطعيس على خفييف
وواجد عليه
طلعت معي هالصورة بهاردسك حويــــــــــل مليان غبره
اتاريني نيساني متعصب
ياحليله بين هالهروش
ترى هذا مرقدي ... الي يبيني اخاويه الله يعينه على قش المطلقة
شكلي باخليها موضوع مستقل .. نريش بحقين النياسين
نسيت اقولكم ..
العم ابو محيميد يسلم عليكم فرداً فرداً ويعدكم هالشتوية بمطاريش واجد ..
الي باع الباث هالصيفية لا يتلزق
السلام عليكم.....
ياخوان ودي اركب كفرات بالون للباث بس تعرفون مشكلة المقاسات للجنط والكفر فيها مشكلة.....حبيت اشاوركم وشرايكم بجنط 15 مع بالون تنفع ....
لكم جزيل الشكر
شباب بالله احد يدلني وين احصل الفلتر حق باثفندر 2004
وعندي مشكله الا وهي اني من اعدي 80 احس الموتر يرج
شيكت على عمود الدبل وسوينا ترصيص بس مافيه فاايده اسعفونا بالحل
الذين يشاهدون الموضوع الآن: 2 (0 من الأعضاء و 2 زائر)