مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
هلا والله بالسمي يالله إنك تحييه
بالنسبة للفلتر تلقاه في الوكالة أو عند أي موزع معتمد لشركة نيسان
وإذا إنك تسأل عن موقعه من السيارة فهذه الصورة تبين لك مكانه
بالنسبة للرجة شيك على كفراتك يمكن بها تحبيل وشيك على الجنوط ما بها طعوج ورصص ترصيص أرضي ليزر بالكمبيوتر إذا إنك بالرياض روح للعضيب
لو تفك عمود الدبل وتتركه برا وتجرب الموتر يمكن الترصيص إلّي عملته له ما ضبط بالشكل المطلوب
ياخي أنا رجال راعي تجربه وطاحت على مسامير الثلاجه مرتين شلت المسامير وجربت الموتر ثلاث شهور وبعدين رجعته ولحمته وفرق معي الموتر.
وانت كلامك كله توقعات !! خلك من التوقعات ولا تفتي إلامن تجربه.
ولكن لتسهيل الفكره أنت تقول موترك يمشي 190 فاك المسامير لومعاك موتر ثاني فيه الهات والمسامير يمشي 200 ألى 205
طبعاً كلامي هذا كله وأنت مريح الموتر وممكن تحشره بثالث يوصل الى 220 والمسامير مفكوكة بس مجرد ما يريح يرجع الى 170/180 ويوقف.
أما كلامك عن السرعة وأنه مامنه فايده فالجميع يعلم هذا وليس لها مجال في هذا الردالكل يعرف مايضره وينفعه ولكن للعلم بشي ولتجربه فقط .
بخصوص لمبة المكينة ما ولعت لأني غيرت الدبة الكبيرة فقط
واعتقد انها تولع إذا فكيت الدبات الصغيرة إلّي بها حساس الكربون
حكاية تبديل الدبات الصغر بمواصير يزود العزم صحيحة لكن الفرق بسيط
ولو فتحت الدبات الصغار وشلت الرصاص منها برضه بيزيد العزم لأن الرصاص بداخلها يتسدد ويكتم الموتر ويقلل من عزمه
يعني مثل ما قلت لك افتح الدبات وشيل الرصاص منها وبكذا كأنك ركبت مواصير
اتمنى من الأخوان إلّي له تجربة او وجهة نظر يشاركنا للفائدة
هلا بك أخوي ،،
التمرين له دخل بنسبة لا تزيد عن 50 %
ولكن اتوقع انك حاولت ووقت المحاولة عندك فيه هواء راد الموتر
لأن اذا صار فيها هواء يردهـ ما يتعدى 170 - 180 ( عن تجربة شخصية )
ولكن جرب الموتر على نزلة في خط سريع مثلا وادعس الى الاخير وشف كم يجيب
اتوقع بيطبق طبلون على على 210 او 220
جرب وشف
اخي الكريم هي وحدة من ثنتين
يا تقنعني يا اقنعك اوكي
انت راعي تجربة ما اختلفنا ،،
وانا بعد جربت موتري وحكمت عليه
جربت في طريق سريع مع المكيف وجاب 190
لو كنت مركب بواجي اصلية يشيخ يجيب 200- 220
طبعا انا ما بعد ركبت بواجي وكالة << بركبها قريب وبعطيك تجربتي ..
لو افترضنا ان كلامك صحيح وشلون يجيب موتري 190 مع المكيف وايضا كنت مريح الموتر
يعني لو بدون مكيف وشديت عليه بيوصل 200 او اكثر بشوي عشان البواجي مهب اصلية
لوكانت اصلية اضمن لك توصل الى شاشة عد الكيلومترات
وبعدين كلامك الاحظ فيه تناقض وشلون تقول ما يتعدى 190
ثمن تقول اذا شديت عليه بالثالث توصل 220 ثمن يرجع
اذا وصل 220 هذا المهم << يرجع ما يرجع مالي دخل اهم شيء يطبق طبلونه صح ولا لا ؟؟
واكبر دليل على كلامي
العضو / الباثفندر 3,5
المسامير واللهات مافكها ولا سوى فيها شيء
ومع ذلك بالطقاق يوصل 190 ؟؟؟
ولا تزعل مني يالمنيعي في الكلام هي كلها وجهات نظر
والاختلاف فالرأي لا يفسد للود قضية
الى اللقاء ^_^
هلا ومرحبااااا اخوووي
طيب الدبات الصغار وين مكان الحساس برا الدبه ولا داخلها ...
والله بيني وبينك ما ودي افرغ دبات الوكاله لاني ابحطها عندي ومتى ما طاح الي في راسي رجعتها
وازين ما في هالحركه انه بدون تلحيم يعني الدعوه فك وربط فقط
لكن الدبه الكبيره لازم تلحيم صح ؟
السلام عليكم
يغلق الموضوع ويمكنكم متابعته على هذا الرابط التالي
http://www.mekshat.com/vb/showthread...40#post7129640
الذين يشاهدون الموضوع الآن: 1 (0 من الأعضاء و 1 زائر)