السلام عليكم ورحمة الله وبركاته
هلا وغلا بالجميع
هذه القصيدة من كلماتي وهي في شريط . أخي الغالي / أبونواف .. وفقه الله
الذي يحمل عنوان ( الخيمة تناديني ) وقد نزل للاسواق قبل حوالي سنتين
اليكم القصيدة وأتمنى ان ترتقي الى ذائقتكم الغالية
لسماعها صوتيا وتحميلها من
هنا
*********
قم ياولد زهب لنا جيب جقـس آر=دام الوسـم أقبـل علينـا بـنـوّه
وزهب معاميلي على شبـت النـار=ومن السمر زوّد لجل طيب ضـوّه
يامحلا مجّلاسنـا جنـب مجمـار=وريح النفل غطى على كـل جـوّه
وحليـب خلفـة طيبـة بيننـا دار=بكريةٍ تـوّه علـى العشـب تـوّه
وفنجال صيني ناقـعٍ بـن وبهـار=بنٍ علـى المحمـاس لا ماتشـوّه
واليا طرى الشاهي له القرم بيطار=قم ياسعد سوّه على الكيـف سـوّه
وسط النفود اللي بها خوش تذكار=طعسٍ حمر توّه مـن الوبـل تـوّه
فيه الثرى يلحق ثراهـا بالاشبـار=مسقيه ربـي مـن تباشيـر نـوّه
ودارت سوالف كلها طيب وأخبـار=فيهـا الميانـة سايـده والاخـوة
وهلت قرايحنا على ذكـر الاشعـار=حتى العليمي بالشعـر قـد تفـوّه
واللغز جاء دوره على عصر الافكار=نرمي على عينه ولـو قـد تمـوّه
واليا رقدنـا مانسينـا بالاسحـار=نوتر وهاذي سنـة أهـل المـروّة
تحية وتقدير
رد مع اقتباس
