مشكلة الرجة في الجيب الباثفندر عند الـ 110

[majdi18]

سلام عليكم ياشباب

عندي مشكلة في الباثفندر 2005 اوتوماتيك لما اتعدى تقريبا ال 100 الى الـ 120 رجة بسيطة لكنها ملحوظة

وكثير قالولي من الترصيص وسويتلها ترصيص مااختلف شي ولما اكون في ال110 يبدا

الدركسون يهتز يمين ويسار بس بسيطة جدا ولما اتعدى ال120 يثبت الدركسون والرجة تخف

بالله ياشباب

الي مر بالمشكلة ذي يقولي وايش اللي سواه وراحت المشكلة لاني اتوقع انه اكثر اللي عندهم جيب

الباثفندر يعانون من ذا الشئ علما باان الجيب اللي معايا ماشاء الله نظيف وحتى مامشي كثير ومن

النوع اللي محافظ عليه عند المطبات والحفر وعندي سؤال ثاني من وين القى الجناح باثفندر خلفي؟

واسف على الاطاالة ....

[شمساوي]

السلآم عليكم

محلولـة بـإذن الله :

1- أخرط آلهوبآآت ، بـ تصير مضبوطه

وإذآ لآ قدر آلله مآ ضبـطتَ روح لـ آلخيـآر رقم

2- شيـك على آلجنوط يمكن يكون فيهـآ مشكلـه [ طعجـه ] أو عفـطه آللي هوَ



ويمكن آلعكس آلموصل بـ آلقير ، هذي نـآدرة تـكون ، أو تصير بس مآ تسوي رجـه ، بس تطلـع صوتَ لمـآ تسوي دوآر أو تلف بـ قوة يمين أو يسـآآر

وإن شـآء الله تنحل مشكلتك

[محمد الرميثي]

ركب فرارات وتروح المشكله
لان غالبا يكون من عمود الدبل

[majdi18]

يعطيكم العافيه شباب اشوف اللي قلتلولي عليه وان شاء الله تنحل

[nice path]

شيك على الكفرات وعمود الدبل

[mhammd]

الرجه اللي تتكلم عنها من الكفرات او الهوبات لاتنسى تشحم عمود الدبل

[محمد 2002]

فك عمود الدبل ب30 ريال عند اي ميكانيكي وبعدها جرب امش على السياره فاذا راحت فالمشكله منه وممكن تكون صليبات العمود فقط

[محب الهيف]

شيك على الكفرات ليكون محبل وتاكد من الجنوط وبالتوفيق

[قمة افرست]

اذا الرجه على السرعه 110 كما ذكرت وبدون ماتمسك فرامل
يعني ونت ماشي

المشكله فقط بالكفرات ترصيص او تحبيل
رجع كفرات وراء قدام او اعكسها على شكل x
رد واحد من قدام عكس لوراء
وجرب اذا الرجه خفت غير كفرات او مش حالك فيها لين تغيرها

[abo tayyar]

حيااااك الله ..
المشكله من عمود الدبل وحلها :
١-- اذا ما تستعمل الدبل فك العمود وخله عندك بالبيت ..
٢- اذا كان الصليب حق الدبل خربان غيره وتروح المشكله لكن اذا عندك فضاؤه بالعمود نفسه لازم تغيره وسعره غالي شوي حوالي ١٥٠٠ ريال تزيد او تنقص مدري بالضبط .. رح لأقرب ميكانيكي وخله يشيك عليه ..
٣- ركب قرارات وسعرها حوالي ٥٥٠ ريال وميزتها تفصل الدفرنس ما يدور وانت تمشي واذا احتجت الدبل تشبكها .. ومن مميزاتها تقلل صرفية البنزين بشي بسيط ويخف الموتر وتروح الرجه لانها تخلي عمود الدبل ما يدور ...

[ابودعسان]

شيك على صليبات عمود الدبل صارت لي قبل مرتين
واذا العمود مايل او به فضاوه ترا عمود الددتسن الدبل يركب عليه

[Topstars]

أتوقع كفرات السيارة
أو عمود الدبل اذا رصصت الكفرات وما تغير فهو أكيد عمود الدبل.

[حاتم البدراني]

اول حاجه تسويها قبل لاتخسر فلوس


ركب الكفرات والجنوط الي قدام ورا والي ورا قدام



واسال مجرب


تخسرت واخرتها الرجه من الكفر مع العلم اني رصصت مرتين ومارحت المشكلة الا يوم بدلت الكفرات

وجرب وعطنا علوم الموتر


وان شاءالله تلقالك حل

[sa-z71]

اخوي نصيييحه قبل لا تخسر

غير كفرات اذا الجنوط سليمه
ترى بعض المرات لو تعكس الكفرات ماتروح الرجه
صارت معي بكم سياره رجه او صوت وبعد خساير طلعت المشكله من الكفرات.

بعد التجارب الآن عندي بموتري اليوكون صوت على 130 مثل صوت ونة دفرنس قلت قبل الخساير خلني اجرب كفرات موتر اخوي جديده مالها اسبوعين ومن فضل ربي اختفا الصوت مع ان كفرات موتري نظيييفه جداً تاريخها 2011 الشهر الخامس

[وجعين]

ترصيص اذا ما فاد عندك احد الكفرات مصعرر لزم تغيره بعدين انقل الكفرات الي قدام وحطهن ورى ومورك تزبط اذا مافادعندك احد الجنوط فيه عفت اذا ما فاد اوزن الاذرعه