=-. (( رابطة ملاك الباجيرو )) .-=

[ابو شهد جدة]

ابو شههد كم وديل سيارك وش غيرة من يوم شريته وهل هي تماتيك او عادي وشلون عزمه وهل هي 3800

موديلها 2005 ومن يوم شريته ماغيرت غير الفحمات والزيوت والكفرات وسلامة عمرك

هي اوتوماتيك تيب ترونيك، والله عزمه جيد جدا والمكينة 3000

بس انا جربت 3800 في موديل 2006 وموديل 2008

لأن العائلة عندنا اغلبها ماخذه باجيرو بس انا اولهم

[سطام vip]

الله يعطيك العافيه اخوي ابو شهد على هالموضوع الرائع

والرابطة الاروع وانا معجب جداً بالباجيرو ومعي واحد موديل 91 ربع

قديم بس والله متعه في القياده والراحه تكفيك كرسي السائق

على بستم والي محببني فيه اكثر بساطته في كل شي مو معقد مثل المديلات الجديده

ولاني ما احب السفر بالجيوب اشتريت الباجيرو للبر والمطامر وماركيز للسفر والطرق ومتحسف اشتري سياره جديده للبر

[حرف]

اخواني اصحاب الباجيروات على قولتهم انا من مجربي الباترول واشوف دائما الباجيروا وودي اني اجربه عشانه ياباني فقط
لكن مايعجبني فيه عده اشياء
اولا كفرات مع الوقت ومع التحميل يفحج ويبتل فاحج يعني جميع الموديلات نفس المشكله لان تعليقه الخلفي يسمى فريولات على ماااضن وصححولي لا صرت غلطان
وثانيا نزوله اللي ماله داعي يعني لو جيت تبي تركب مثلا كفرات كبيره تبي تحط بالرفارف ويشغلك بالبر ولابد من الحكحه لقربه من الارض عكس الاند والباترول مع انه صعب رفعه لا تقدر تركبله كعكات ولا غيره لانه تعليقه يختلف
وثالثا على طول يدخن مدري ليش يعني مايمشي 300 الف الا هو يدخن على طول واتوقع لانه ماياخذ زيت واجد عكس يعني هو ياخذ اربع علب زيت ومع السيفون اربع ونص عكس الاند والباترول ياخذ 7 ومع السيفون زد لك نص طبعا لاحد يجي يقولي انه مايدخن شوف عيني شفت كذا واحد يدخن
رابعا وكيله دمار الدامرين وانا من النوع اللي راعي روحات وجيات يعني لو تعطل بأي مكان ممكن تحصل قطع غيار اما الباجيروا لو تعطل مالك الا الوكيل بالررياض بجده بالدمام يعني مدن وانت راعي بران لذالك مايصلح لقله محلات قطع الغيار وقطع غياره نيرااان بس اصليه
وخامسا لاااحد يزعل علي وانا ودي اشتري باجيروا لان الحين سعره رخيص جدا مقارنه بامثاله الاند الفل كامل تقريبا فوق الميتين والباترول الفل وصل الي ميه وثمانين اما الباجيروا سالت عنه بالكويت قالي تقريبا يطلع عليك 130 يعني على مواصفاته صراحه سياره ماودك تنزل منه لكن
ودي اسال هل المراتب الجلد هي فيها تبريد وتسخين واسف اذا كنت ازعلت احد منكم مع السياره تراها معجبتي مره بس لولا العيوب هذي وخاصه فحج الكفرات الخلفيه اللي ماله داعي

أهلا يا مقلع الرمث ...

بالنسبة لسعرة بالكويت أرخص من هذا كثير ...

أنا توي شاري 2008 ماكينة 3800 فول كامل طلع علي حول 116000 ريال
بس بدون شاشة وكاميرا يزود عليك حول 2000 ريال إذا بغيت الشاشة و الكاميرا ( والشاشة ليست أصلية من الشركة الأم )
بس يروح عليك بعض المواصفات مثل 1- النظام السمعي ( 12 سماعة ) 2- والتحكم بالصوت عن طريق الدركسون
3- المسجل يقبل 6 سيديات ,, هذا ما أذكره ...

بالنسبة للمراتب فيها تسخين فقط ...

تقبل تقديري ...

اخوي ابو شهد

راجعت الكتاب الي يجي مع السيارة ...

وجدت مكتوب فيه نوع البنزين لمحرك 3800 هو 95 وأنت تقول 91 صراحة احترت !!!

ياليت من جرب البنزين 91 مع محرك 3800 يفيدنا ...

تقبل تقديري ...

[ابو شهد جدة]

الله يعطيك العافيه اخوي ابو شهد على هالموضوع الرائع

والرابطة الاروع وانا معجب جداً بالباجيرو ومعي واحد موديل 91 ربع

قديم بس والله متعه في القياده والراحه تكفيك كرسي السائق

على بستم والي محببني فيه اكثر بساطته في كل شي مو معقد مثل المديلات الجديده

ولاني ما احب السفر بالجيوب اشتريت الباجيرو للبر والمطامر وماركيز للسفر والطرق ومتحسف اشتري سياره جديده للبر

فعلا الي يشتري الباجيرو ماراح يندم.

نورت اخوي سطام.

[ابو شهد جدة]

أهلا يا مقلع الرمث ...

بالنسبة لسعرة بالكويت أرخص من هذا كثير ...

أنا توي شاري 2008 ماكينة 3800 فول كامل طلع علي حول 116000 ريال
بس بدون شاشة وكاميرا يزود عليك حول 2000 ريال إذا بغيت الشاشة و الكاميرا ( والشاشة ليست أصلية من الشركة الأم )
بس يروح عليك بعض المواصفات مثل 1- النظام السمعي ( 12 سماعة ) 2- والتحكم بالصوت عن طريق الدركسون
3- المسجل يقبل 6 سيديات ,, هذا ما أذكره ...

بالنسبة للمراتب فيها تسخين فقط ...

تقبل تقديري ...

اخوي ابو شهد

راجعت الكتاب الي يجي مع السيارة ...

وجدت مكتوب فيه نوع البنزين لمحرك 3800 هو 95 وأنت تقول 91 صراحة احترت !!!

ياليت من جرب البنزين 91 مع محرك 3800 يفيدنا ...

تقبل تقديري ...

شكرا لك
بالفعل سعره لدينا غالي يصل الفل كامل مذهب الى 138 الف ريال.

بالنسبة للشاشة والكاميرا الخلفية تباع في الشركة ب 9500 ريال وانا ركبتها خارج الشركة بالاضافة لقطعة ال جي بي اس وقطعة البلوتوث وما كلفتني 6000 ريال.

اما بخصوص البنزين ف ال 95 و 91 كلها ما فيها اي مشكلة.

بس الافضل ال 91 من باب تجربة..

[عصا الترحال]

أشكر الجميع على هذا الموضوع الرائع بصراحة
وقرأت كل ما كتب فيه
وأخص بالشكر أبوشهد صاحب الفكرة
وأنا سيارتي باجيرو 95 مكينة 3500
ماشيه معاي زي الفل والحمدلله
أطلع فيها البر وأسافر فيها
ومن خلال تجربتي الموتر
قوي التحمل
خفيف في الرمال بشكل ملحوظ
قليل العطل
رخيص السعر مقارنة بغيره من السيارات
وبوركتم جميعا

[ابو شهد جدة]

أشكر الجميع على هذا الموضوع الرائع بصراحة
وقرأت كل ما كتب فيه
وأخص بالشكر أبوشهد صاحب الفكرة
وأنا سيارتي باجيرو 95 مكينة 3500
ماشيه معاي زي الفل والحمدلله
أطلع فيها البر وأسافر فيها
ومن خلال تجربتي الموتر
قوي التحمل
خفيف في الرمال بشكل ملحوظ
قليل العطل
رخيص السعر مقارنة بغيره من السيارات
وبوركتم جميعا

نورت الموضوع اخي عصا الترحال

بالفعل الباجيرو مايندم اي يقنيه.

شكرا لك......

[رجل كريم]

لكن مايعجبني فيه عده اشياء
اولا كفرات مع الوقت ومع التحميل يفحج ويبتل فاحج يعني جميع الموديلات نفس المشكله لان تعليقه الخلفي يسمى فريولات على ماااضن وصححولي لا صرت غلطان
وثانيا نزوله اللي ماله داعي يعني لو جيت تبي تركب مثلا كفرات كبيره تبي تحط بالرفارف ويشغلك بالبر ولابد من الحكحه لقربه من الارض عكس الاند والباترول مع انه صعب رفعه لا تقدر تركبله كعكات ولا غيره لانه تعليقه يختلف
وثالثا على طول يدخن مدري ليش يعني مايمشي 300 الف الا هو يدخن على طول واتوقع لانه ماياخذ زيت واجد عكس يعني هو ياخذ اربع علب زيت ومع السيفون اربع ونص عكس الاند والباترول ياخذ 7 ومع السيفون زد لك نص طبعا لاحد يجي يقولي انه مايدخن شوف عيني شفت كذا واحد يدخن
رابعا وكيله دمار الدامرين وانا من النوع اللي راعي روحات وجيات يعني لو تعطل بأي مكان ممكن تحصل قطع غيار اما الباجيروا لو تعطل مالك الا الوكيل بالررياض بجده بالدمام يعني مدن وانت راعي بران لذالك مايصلح لقله محلات قطع الغيار وقطع غياره نيرااان بس اصليه
وخامسا لاااحد يزعل علي وانا ودي اشتري باجيروا لان الحين سعره رخيص جدا مقارنه بامثاله الاند الفل كامل تقريبا فوق الميتين والباترول الفل وصل الي ميه وثمانين اما الباجيروا سالت عنه بالكويت قالي تقريبا يطلع عليك 130 يعني على مواصفاته صراحه سياره ماودك تنزل منه لكن
ودي اسال هل المراتب الجلد هي فيها تبريد وتسخين واسف اذا كنت ازعلت احد منكم مع السياره تراها معجبتي مره بس لولا العيوب هذي وخاصه فحج الكفرات الخلفيه اللي ماله داعي

حياك الله اخوي مقلع الرمث واسمح لي اجاوبك على تساؤلاتك

1- نعم مع التحميل الزايد ومع مرور الوقت تطلع الكفرات للخارج تفرش وذلك بسبب ليونة اليايات والمساعدات الجامبينات ولا تظهر الا بعد سنين من مد وكد وامرها بسيط جدا تغيير الياي والمساعد بآخر رياضي ان احببت او تركب بالون حول الياي عند التحميل ومن ميزة نظام التعليق انه يفرش على سرعات عالية فوق 140 ويعطي ثبات عجيب في المناورات يعني نظام الماني ..

2- بالنسبة لنزوله ممكن تركب كفرات مقاس اعلى مثل كفرات اللاند او البالون وهذي صورة له بالبالون



3- حقيقة سالفة الدخان هذي اول مرة اسمع بها لاكن انت تذكر انه قطع 300 الف كم يعني ماهي هينة وبعد الفحص يتبين السبب وسيارتي ولله الحمد موديل 2004 وقطعت فوق 240 الف ولاظهر لي شي ولله الحمد والمنة ..وبالنسبة للزيت مع السيفون يشيل 5 لتر وبدونه 4.5 لتر ..

4-الوكيل افضل من السابق بكثير واحنا العرب اذا اخذنا فكرة عن شخص ما نغيرها بسهولة حتى لو هذا الشخص اثبت تغيره . وللعلم اذا شكيت باي شي في السيارة فهم يفحصونها بالمجان ويخيرونك باصلاحها لديهم او في الخارج وهذا قبل رمضان 1429 بيوم او يومين .. ومن ناحية القطع متوفر بشكل كبير جدا واي قطعة غير موجودة يضمنون وصولها لك من 24 الى 48 ساعة وبالنسبة لموزعي قطع الغيار فهم منتشرين وبكثر في الدمام اكثر من عشر موزعين من ضمنهم بقشان والعربية للسيارات وكذلك غير ان لديهم فروع خاصة للعيسائي ببيع القطع 3 منها في الدمام والجبيل والقطيف والخبر .. فما بالك بالرياض العاصمة وما جاورها وتقدر تتصل على الوكالة وهم يعطوك جميع موزعي الميتسوبيشي في المملكة وصدقني راح تذهل .. وحتى اسعار القطع مقاربة جدا للتويوتا وارخص من الهوندا الا اسعار البدي .. وبالنسبة لكامل المواصفات الفل يوجد بها مراتب جلد وتسخين اما التبريد ما عندي علم ..


تقبل خالص تحياتي ..,

[فيدورا]

اصلا العالي والواطي شمعة واحد ماتجي شمعتين.

روح خذلك شمعة خطين زينون ( تجي شمعتين في شمعة بعكس زينون الوكالة شمعة ومعها قلاب كهربا ) وخذلك جهازين لكل جانب. انا ركبتهم وافضل نوع الهيلا ويعطيك نور يحبه قلبك خذ ازرق وسط لا تاخذ ثلجي.

واذا تبغا الليل يصير نهار ركب زينون في الكشافات وادعيلي.

اهم شي روح ركبهم عند واحد متخصص.

ترى يابوشهد انا اتكلم عن الباجيرو ٢٠٠٨ ، فيه شمعة للواطي وشمعة للعالي.

[سسته]

يامرحبا بابو شهد سجلني معك انا معي باجيرو باب واحد ( سياحي ) 2002
وللمعلومية تراه للبيع .... ونظيييف

[ابو شهد جدة]

ترى يابوشهد انا اتكلم عن الباجيرو ٢٠٠٨ ، فيه شمعة للواطي وشمعة للعالي.

طيب الله يعطيك العافية انت ماعلمتنا من الاول.

تقدر تغيرها بس وديها عند ناس متخصصة.

[اسهيل]

ممكن ال 2008 ؟؟

انا بأتأكد وارد لك.

الفل انواره زينون.

سالت اخوي عن الموضوع ابوشهد وانا داري ان كلفتك واذا تبي شي من الرياض انا حاضر

[ابو شهد جدة]

1- نعم مع التحميل الزايد ومع مرور الوقت تطلع الكفرات للخارج تفرش وذلك بسبب ليونة اليايات والمساعدات الجامبينات ولا تظهر الا بعد سنين من مد وكد وامرها بسيط جدا تغيير الياي والمساعد بآخر رياضي ان احببت او تركب بالون حول الياي عند التحميل

( يعني عيب او مشكلة )

ومن ميزة نظام التعليق انه يفرش على سرعات عالية فوق 140 ويعطي ثبات عجيب في المناورات يعني نظام الماني ..

( يعني ميزة مثل الالماني )

اخوي سهيل انت كذا تناقد نفسك بالكلام مره تقول انه عيب ومره تقول انه ميزة

طبعا انا اتكلم عن التفريش.

[ابو شهد جدة]

سالت اخوي عن الموضوع ابوشهد وانا داري ان كلفتك واذا تبي شي من الرياض انا حاضر

على راسي والله اهل الرياض كلهم.

بس امس زي مانت عارف كان خميس واليوم جمعة.

[ابو شهد جدة]

عندي جنوط للبيع نفس الي في الصورة قيمة الواحد جديد 1860 ريال في الوكالة

الي عندي خمسة ونظيفة موجودة بجدة.