جوال الثريــــــــــــــا .. استفسارات

[الحمدوالشكر]

للبيع جوال الثريا سويسري
نظيف معاه شاحن بيت السعر 200 دينار كويتي
للتواصل واتس اب / 0096599535176
ابوعبدالله

[كايد]

يالربع وين افصل جراب للثريا لحفظه من الغبار والماء

[كايد]

تسعيرة الثريا اليوم الجمعة 9-1-1437
ثريا xtلايت ب1750 ريال مع شريحة ثريا.
المرسلات -محل زنر .

[عليمي]

السلام عليكم
ياخوان اقدر اشحن بطاقة الثريا بالفيزا

[كايد]

راجع الخاص ....

[559]

السلام عليكم
لوسمحتو احد يفيدني جهازي أوروبي وشريحته ثريا حصلت فيه مشكله إذا شغلته وطلعت كتابة الثريا وتحتها Saudi Arabia يكلّم تمام،،، لكن اذا طلعت كتابة الثريا فقط مايكلّم تطلع الكتابه
(الرجاء إعادة المحاوله لاحقاّcc38)
علماً اني استخدمته قبلها بفتره ويتصل تمام.

[كشته وشاهي]

سلام عليكم
ابشركم جاني اليوم جوال ثريا هديه من اخ عزيز نوعه هيوز
وفيه شريحه ثريا بس ما تشتغل يقول راعيها من سنين ما استخدمتها
عطونا شوركم يهل التجارب اطلع شريحه اتصالات مسبقه الدفع او ثريا وانا رجال بحطه تحت المرتبه وبنساه

[جزاء الشمري]

ماشاءالله مبروك وتستاهل وبيض الله وجهك ووجه خويك .... حط فيه شريحة ثريا أفضل .

[كشته وشاهي]

ووجهك ابيض شريت شريحه ثريا سنتين ب 200 ريال مع رصيد 20 دولار من المرسلات في الرياض
والحقيقه لقيته يصرف يبيلك تحطه تحت المرتبه لا تكلم به الا في الضروره

[رسّام]

السلام عليكم ورحمة الله وبركاته

اخواني الكرام

انا ارغب بشراء جهاز الثريا
ولا اعرف عنه شيء ابد

ورغبتي ان يكون جهاز فقط واذا اضطريت استخدمه فإنني اركب عليه شريحة الإتصالات فهل هذا ممكن ؟
وماهي انواع الاجهزة اللي تدعم شريحة الاتصالات وافضلها

شاكرا لكم

[الازرق الجنوبي]

السلام عليكم ورحمة الله وبركاته

اخواني الكرام



انا ارغب بشراء جهاز الثريا
ولا اعرف عنه شيء ابد

ورغبتي ان يكون جهاز فقط واذا اضطريت استخدمه فإنني اركب عليه شريحة الإتصالات فهل هذا ممكن ؟
وماهي انواع الاجهزة اللي تدعم شريحة الاتصالات وافضلها

شاكرا لكم

جهاز ممتاز جدا انا حاليا مسافر للخارج وخذته معاي انا اشهد انه بعد الله انه الرفيق..

اشتري ثرياXT يجي معاه شريحه ثريا خاصه وابعد عن استعمال شريحة الاتصالات فهي خساره بعينها مكالمة الثريا تكلف دولار واحد يعني ثلاثه ريال بالدقيقه يارخصها قسم...

[الحربي حاتم]

السلام عليكم
الأخ رسام نصيحة مجرب ومستخدم للجهاز من أول مادخل لسوق المملكة 2004 وأنا أستخدمه من عام 2005 ، لاتاخذ غير الجهاز القديم الهيوز الأوروبي أو المكسيكي أو السويسري أسكوم وهذا نادر تحصله ، وتجربتي للجهاز جاء معها مقارنة وتجربة للجهاز الجديد الكوري واللي قبله أيضا ولا يقارن بالهيوز أبدا لو حكالك من حكالك .

[الحربي حاتم]

السلتم عليكم
الأخ 559 حاولت أرسل لك خاص ولكنك مختار عدم تلقي الرسايل
إستفسارك ومشكلتك وضعها طبيعي ومن تصميم إعدادات الجهاز حيث أنه بعد فترة وتغيير المكان إلى آخر لايقبل الإتصال ويظهر لك ماذكرت ، وعليك الذهاب إلى إدارة تحديد المواقع ، ثم الدخول على الموقع الحالي وسيبدأ الجهاز مع الأقمار الصناعية بتحديث الموقع الحالي وتنتهي المشكلة ، ولكن عندما تظهر لك جاري تحديد الموقع من الأفضل أن ترفع الأريل (الهوائي) وترفع الجهاز نفسه في مكان مكشوف وبارز للأقمار الصناعية ، وبالنسبة لنا في المملكة جهة الأقمار الصناعية عندنا في الجهة الغربية مع ميل للجنوب قليلا .

[اللهم اغفر لي]

السلام عليكم
اخواني
انا جديد في عالم الثريات
ابي اروح المرسلات
وبقول عطني ثريا وش افضل شي
والشريحة وش افضل الاتصالات ولا شريحة ثانية افضل
علمو اخوكم تراة عند لله ثم عندكم

[عليمي]

السلام عليكم
ياخوان عندي مشكله في جوال الثريا xt شحن البطارية يمتلي بسرعه ويفضي بسرعه واذا كانت يفصل مدري من البطارية والا الجهاز نفسه