يا عين موقك حايرن في مجاريه=خليه لصفوق المحاجر يهله
يسرب على خدن سريعه مباديه=مبداه صنبور الخفايا يحله
يدلق عليه الدمع حزة مواريه=من طارين باقصى ضميري يتله
واخفيت سرن محكماتن عراويه=اخاف يفقد بالمحاني محله
قررت ادسه بالمغاطي واخفيه=من خوفتي يلقى من البوح عله
ودرست مع فكري خبايا معانيه=واشارت حسوسي عن الشور كله
وبيحت مكنون الضمير وخطاويه=وعجزت عن سرن لوقف خطا له
غصبن يهل الشوق صافي مثانيه=من خاطرن سادت عليه الجبله
ما بالحياة الا زخارف وترفيه=وامكاثرن بالمال شاته وبله
لكن تقي الله تبقى مرافيه=ساحل بحر منفوعة العلم ظله
احدن مشبه كاثراتن مراكيه=عشرة اباريقن وعشرين دله
واحدن مشبه حامل الكتب حاليه=علمن وكانونن وضيفن يدله
ودلة عويدي والحطب نار تشويه=وان غارت الدله سحبها وزله
وعنده كتب يقرا من العلم صافيه=صحيح مسلم والبخاري يسله
والترمذي ومحمد ابن راهويه=والشافعي واحمد العالم ايبلله
والترجمان وكل عالم يباريه=العلم الاوثق ما تقين يمله
تنهل صحيح العلم من كف راعيه=اخير من علمن شكوكه مخله
( يوسف الخليفة )
رد مع اقتباس
المشاركة الأصلية كتبت بواسطة مطلاع
