قرب لنا بنن وابنظم لك القيف=قافن عدالن ما به اي انكساري
حلون رمقها يا فهد دلة الكيف=تصبغ على الفنجال لون الهراري
فيها من المسمار ما له تواصيف=مدقوق في نجرن بذيك الصحاري
ويضا على الثعبه قطيفن من الليف=من غيد حيرن ماها كل صبح جاري
ينقى بها الغثرب عن الصب ما شيف=هيلن هشيمه مثل ريش الخضاري
جلسة خلا ما فيها ضيق وتكاسيف=في بطن بطحا مرها السيل جاري
وغطاس يرشق من ثميله بتخفيف=صافي قراحن ما نقع بالخباري
يا ما حلاها يا فهد جلسة الصيف=احلا من قعودن بظل الكباري
في صحبتي واحد ولا به تخاليف=ورفيقي الثاني على الطيب ضاري
ناسن لهم في مهجة القلب تلحيف=مثل الفراش بورد رمل القفاري
ما بيننا في كل كشته تكاليف=داره وبيت صويحبي مثل داري
يا حلوها لصار برقه تلافيف=في مزنتن سودا بليلن غداري
تمسي رعودن في فضاها مراجيف=تسقي حزومن مقصيه بالبراري
تصبح بها نجدن جميله من الريف=ترعا بها القطعان عشب المذاري
هذي هي الدنيا سرور وتناكيف=يومن تجي راحه ويومن عزاري
( يوسف الخليفة )
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة قرية مهجورة
