ارجعوا يا ناس ما نقدر نسير=خلوا الميدان لذيخة الشباب
عندنا خمسين طوقانن سعير=من فصيلات السلق مثل الذياب
والضبي مسكين بالجسم الصغير=ينتظر حوض المنايا ما يهاب
وضعكم من بيننا وضعن خطير=يمكن كلاب الربع تفقد صواب
بعضكم مثل الضبي ما له فرير=نخشا يتلاه السلوقي للشعاب
يمزر الجرجور ويكب المصير=ويكسر عظامه بذاك السيف ناب
ما بقا الا نركب الريح ونطير=نرتفع بالجو من فوق السحاب
لازم رسوم الوعي فينا تصير=الامم تارد وحنا في سراب
السلق من دونكم تشخر شخير=مبغث الالوان فيها والخضاب
فيها الاسود والحمر وابيض صفير=وفيها الازرق واللي يغطاه الشهاب
ساحلياتن ترا منها تحير=ما بها هدبا ولا حتى هداب
شوفوا الذيخ الحمر كنه خفير=يرقب المجعل وينوي لغتصاب
والا الارقط كنه البارح سهير=عينه الحمرا تلاعج بالتهاب
واما الاخر مثل فسقان الحمير=ينقز وينثر ملاصيف اللعاب
ليت من حملها في بحرن غزير=فوق لنش وشال ربعه والزهاب
لين يرسي فوق منباتن خضير=في ديارن بالمداهيل الخصاب
تلقا صيد البر بالبيدا كثير=الارانب بالمزارع والهضاب
هذا حفل الرس كالشمع المنير=فيه ترفيه وثقافات وكتاب
قام ودار رسومها وجهن سفير=احتسب والله يجازيه الثواب
والربع ما قصروا كلن يدير=كلن يحصل حساني باحتساب
( يوسف الخليفة )
رد مع اقتباس
المشاركة الأصلية كتبت بواسطة أبو فهد العيد
