ايهما افضل جيب المازدا cx-9 او fj

[الشقردي911]

شباب انشاء الله قررت شراء احدا السيارتين
جيب المازدا cx-9 او fj
ايهما افضل
ارجو سرعة الرد تكفى لااحد يبخل علينا

[Magellan]

أخوي الشقردي
خلني أتكلم عن المازدا cx-9 بحكم غموضه ،لأن ال fj له من يتحدث نيابة عني
الفئة هذي تنتمي لفئة الكروس اوفر اي فئة السيدان متعددة الأغراض
تتميز بالدفع الأمامي بنسبة 60 % وخلفي 40%
أي أن المكينة بالعرض ،والشاس مدمج بالهيكل أي لايوجد فيها شاسيه
أما بالنسبة للقير فأتوقع أنه بـ6 سرعات أمامية
وتفصل عند 160 كلم
وبالنسبة للداخلية فالبعض يشتكي من التكييف الخلفي للمراتب بالصف الثالث
ويتوفر بنوعين أحده بسعر 107 والآخر بـ120 الف
أما الدفع الرباعي فليس لك القدرة بالتحكم به أي لايوجد فيه أزارير ولادفلك
إجمالا السيارة تجتذب نوع من الجمهور الذي يعشق سيارة الدفع الرباعي الأنيقه المخصصة للمدن والنزهات البرية الخفيفة جدا
والله أعلم

[عاشق z71]

كلام ماجلان ماعليه غبار <<< ولو اني اعتب عليه الفتره الاخيره معد اشوفه بغيت انزل موظوع عنه

عموما يبقى الاف جي تويويتا وسياره لاعتماديه بعد الله درجة اولى

[Magellan]

كلام ماجلان ماعليه غبار <<< ولو اني اعتب عليه الفتره الاخيره معد اشوفه بغيت انزل موظوع عنه

عموما يبقى الاف جي تويويتا وسياره لاعتماديه بعد الله درجة اولى

كل عام وانت بخير ومن العايدين ولك حق تتشره
لكن من تالي مواضيع المقاومات وتجاليد السيارات في هالخيمة تجيب لي ضيقة الخلق وأنا أخوك

[الشقردي911]

يا شباب وين الرودود تكفى تراي متحمس جدا جدا

[ابو دنانه]

غير تويوتا لا تأخد انتبه من المازدا ووكيلة وقطع غياره نار - واذا بغيت تبيع بتخسر نصف القيمة , وتقبل مروري اخي في الله ...

[النادر666]

انا انصحك بالاف جي
تويوتا وبس

المازدا ما جربتها ولا اعرف عنها اي شي

[عاشق z71]

كل عام وانت بخير ومن العايدين ولك حق تتشره
لكن من تالي مواضيع المقاومات وتجاليد السيارات في هالخيمة تجيب لي ضيقة الخلق وأنا أخوك

اي والله انك صادق صارت جميع المنتديات كذا مواظيعها بس ولو مفروظ ماتجحدنا

تحياتي لك واسف على مداخلتي ياراعي الموظوع

شاكر لكم جميعا

[أبا مجاهد]

مافي مقارنه بنظري بين تويوتا ومازدا

عليك بالتويوتا اذا فلوسك زاهبه

[شامخ ألهيلا]

اخوي والله اني خاايف اقول اترك جيب المازده يجي احد يطمر في حلقي مثل بعض الاعضاء

بس وانا اخوووك

سوقنا وورشنا والمجتمع من حوولك واهل الخبره

حطو ترتيب لسيارات وهم اعرف مني ومنك

الاول تايوتا ونيسان للياباني
والامريكي جمس وشفر وفورد وشروكي

واذا تبي الافضل من السيارتين عليك بالفوجي

[أبو LAMeS]

شباب انشاء الله قررت شراء احدا السيارتين
جيب المازدا cx-9 او fj
ايهما افضل
ارجو سرعة الرد تكفى لااحد يبخل علينا

أخوي العزيز الشقردي لو تحدد أغلب أستخدامك يعني إذا كان الأغلب خطوط وسفر ومن ديرة لديرة وبر على خفيف خلنا نقول 70% سفر ومدينة 30% للبر الخفافي أرشح المازدا والسيارة مواصفاتها حلوة وسعرها منافس جدا وعليها أقابل يقولون وكيلها توحش من الإقبال عليها ما يلحق
إذا كانت المسألة العكس أرشح الأف جي والكثير ما يمدحون راحته في الخطوط لكنه نشيط في النفود

ملاحظة : أستغرب من الكثير عندما يقول خلك على الياباني .. الياباني فيه ... وفيه ... لكن عندما يكون الياباني مازدا أو ميتسوبيشي أو أيسوزو أو سوزوكي أو هوندا ينسون عبارة ( خلك على الياباني ) طيب كل هذه صناعة يابانية !!!

على فكرة الجيب الآف جي يصنع في مصانع تويوتا في أمريكا والمازدا في اليابان

الله يكتب الصالح ولا تنسى تستخير ربك مصرف الأمور وأيضا ما يمنع إنك توسع خياراتك

[بر الأمان]

اخوي
اذا عاجبك شكل المازدا خذ لك اكاديا من Gmc افضل من المازدا
اما Fj فلي تحفظ حتى لايزعلون ملاكه

[.أبوعبدالرحمن]

ماشاء الله تبارك الله


ماخلوا شيء الشباب و(الشيبان) ههههههههههه لاحد يزعل ههههههههههههههههههههههه



ومن رأيي ان الاف جي افضل بمراحل اكثر

[مقلع الرمث]

خذلك تايوتا وبس ويكفيك انه لو يخربك بأي مكان تحصل قطع غيار ولو يخربك المازدا بجمب الرياض بلشتبه وده للوكيل عشان يعلمك وش فيه

[بدر911]

السلام عليكم

بالنسبه لموضوعك اذا كان استخدامك في الغالب مدينه وروحاتك للبر قليله جدا وخفيفه فالمازدا تكون افضل رغم اني لم اجربها ولاكن بحكم الشكل الخارجي لها يبدو انها مريحه

اما اذا كان طلعاتك للبر حليله وتكثر بالشتاء فالتويوتا لا غبار عليه في المدينه والبر بشكل عام

انا جربت الاف جي ومن وجهة نظري الشخصيه الموتر رائع في البر والمدينه .

اما بالنسبه للصناعه فلا اعتقد انه كما قال اخوي أبو LAMeS انه مصنوع بأمريكا

لأنه بالستيكر حق السياره اللي مثبت في الابواب مكتوب عليه صنع في اليابان
والسيارات اللي تجي مصنوعه خارج اليابان يكتب في نفس هذا