أنا أنصحك بالبالون أكثر لأنه يرفع السيارة إذا كانت متعلقة أما البلاستيك ماينفع السيارة بشي إذا تعلقت على الشاص !! والبالون ينفعك إذا بنشرت أسرع من العفريتة !!!
وتقبل مروري يالغالي .....
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
أنا أنصحك بالبالون أكثر لأنه يرفع السيارة إذا كانت متعلقة أما البلاستيك ماينفع السيارة بشي إذا تعلقت على الشاص !! والبالون ينفعك إذا بنشرت أسرع من العفريتة !!!
وتقبل مروري يالغالي .....
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
يااخي ماله داعي كل هالتعب نسم الهوا وحرك السياره مره او مرتين وتطلع السياره وبالنسبه للصاجات تلقاها في الاحساء او في قطر اهل الربع الخالي واهل التغاريز صح ومصنوعه من الحديد الخفيف جدا ومخرقه ويضعونها قوف شنب الشاص والا رحت لمهم سلملي على اهل العيون 000
فكرة الصاجه الحديده مره ممتازة وسهلة اللأستخدام والتصفيط
بس يا ترى وش نوع الحديد المستخدم ياليت احد سواها يعطيني شرح وافي لها
خالص شكري وتقديري للأعظاء النتدى
انا استخدمت البالون الأصفر بالنفود ويجي معه قطعتين ربل تحت وفوق اشتريته قبل 3 سنوات ب 90 ريال
البالون به بلف من داخل يمنع خروج الهواء يعني يمديك تتقهوى عند الكفر وهو مانسم
،،،،،،،،،،،،،،
عندي فكره للصاجات
وهي انك تجيب قطعة خشب سميك وتثبت عليه صواميل 10 مل على شكل <<<<
هذي خطرت على بالي الحين بس باقي التجربه
اخوي كنق السلام عليكم ورحمة الله وبركاته
يالغالي البالون من ابدع ما يكون وكان عندي وحده زمان
واستخدمتها صراحه فله وسريعه وجربتها على كابرس صابونه
في الهاف مون لقيته مغرز شالته كانها شايله بزر انهبل راعي الكابرس
وطلعناه بها وانا كنت استخدمها على سياره كورولا يعني محركها على قدها ولله الحمد ما صار فيه شي ابد
وصراحه اطلق من العفريته مليون مره وللمعلوميه كنت احط الدواسات( الدعاسات )
كعازل لها عن بدي السياره والارض وحده فوقها ووحده تحتها وصراحه انصحك وبشده
بس اهم شي تتوخى الحذر دوووم ولا تدخل تحت السياره وانت رافعها وتعتمد عليها
لانها في اي لحظه ممكن تنفجر والا شي انا اذا حبيت اشتغل تحت السياره ارفعها بالبالون
وعقبها احط بلك او الجحش مثل ما يسمونه بس للاسف من زمان ما ادري وينها حطيتها في المستودع
وشكلها راحت في الزباله تكرم
طريقة التركيب اول شي تختار المكان الي بترفع معه السياره وتتأكد ما فيه مسامير او شي حار
تحط الدواسه على الارض بعدين تحط البالون فوقه وتحط الدواسه الثانيه على البالون من فوق
وتشغل السياره وتدعس لها خفيف ثواني الا السياره مرتفعه تطفي السياره اذا وصلت للارتفاع المناسب
او اسحب الخرطوش من الشكمان لان في البالون بلف ما يخلي الهواء يطلع وبعد ما تخلص منها
تفك الخرطوش من عند البالون تنسمها مثل ما تنسم كور الاطفال اذا تذكرها الملونه ومثل لساتك السباحه
فيها بلف تضغط مع نصف البلف وتنسم
وصلى الله على نبينا محمد وعلى آله وصحبه آجميعن
الذين يشاهدون الموضوع الآن: 1 (0 من الأعضاء و 1 زائر)