15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
السلام عليكم ورحمة الله وبركاته
أخواني
الشاهي
كلاً له مزاج وكلاً له ذوق
فرغم قدم هذا المشروب
إلا أنه لم يزل هو الأبرز بعد القهوه طبعاً
ولذلك حبيت أطرح أستفتاء
عن
نوع الأبريق ...... و ....... نوع الشاي
أرجو ذكر نوع الشاهي و نوع الأبريق مدعومه بصورة الأبريق
كي تعم الفائده
ونشوف ذوقكم
ولأبرز مشاركه ... هديه أبريق كوري أصلي وعلبة شاهي
يالله ياشباب شدوا حيلكم نبي مشاركات فعاله
واللي ماله بالطبخه يطفي النور وينتظر و يستفيد
ودمتم سالمين
خيال نجد
بالنسبه لي
هذي هي مشاركتي
الشاهي
شاي الربيع اللي بعلبه معدن
والأبريق
بنظري هالأبريق هو الأفضل
بشرط أن يكون الأصلي ..كوري..
طبعاً منقطع من السوق إلا في بعض المحلات
ولم أجد منه إلا مقاس 8-18
وهذا صغير جداً
والمقاس المظبوط 10-18
ودمتم سالمين
خيال نجد
هذا الكوري ... طبعاً متين جداً والشاهي فيه ((أكّه)) مظبووووط
هذا الصيني ... طبعاً مايصلح
بالنسبة لي احسن شاهي تلقيمة هو شاهي ربيع له نكهة ممتازة جدا
واحسن براد هو البراد اليوغسلافي الاصلي وهذا مجسم الابريق اللي في الغاط
هذا البريق يابوسعود
كوري 10/18 مذهب
ومنذ مبطي وهو رفيقي
واما طعمه فخذ ذا البياله وذقها
وصدقني مهنا فرق بين ابوجبل وربيع الا بطول الورقه
وابوجبل يبي من يصبر عليه اكثر وهذا رأيي واللي يدعي انه خريم شاهي يجي اختبره بالشاهيين ابوجبل وربيع واتحداه يفرق
وسلمني على المعدن المربع ابو 14 ريال ويبي من يصبر عليه وتشرب شاهي
والصورة ليست لي ولكن لتبيين النوع المقصود
والحين غلوه الله يهديهم صار ب14 ونص
ياله يابو سعود هات الجايزه
حسن الظن,,,,أناقة عقل وراحة فكر
السلام عليكم
شف البريق الجائزة انا متنازل بهاشوف نفسي واثق مني ابي افوزززززززز
المهم طال عمرك
يقولون مريت على كذا بريق من بين الاستيل الى المعدن الى الغضار والى كل نوع واليوم راسي على بريق لقيت للشاي فيه كيفة يعرفها راعي الكيف
اما الشاي فالربيع ما يحتاج يحبه قلبك وينقع في الرأس نقعه تكيفه وتجعلك تضبط رأسك ، لكن اذا لك خاطر وتحب التجريب جرب ابو جبل ، ترى له طعم ثاني ينافس الربيع واسأل مجرب
عندنا شايب الله يغفر له ويرحمه ، اذا صلحنا الشاي له قالوا ازنطوني ، قلنا ليه ، يقول : ابي طعمه يروح لرأسي ما يروح لبطني
ومن مبالغاته الله يرحمه ، يقولوا اذا حطيت مع الشاي نعناع اغسله سبع مرة وحدة بالتراب
اقوله ليش ، يقولوا النعناع ينجس البريق
تعصب ما بعده تعصب
بس عاد تبي الجد انا مع الشاي ومدمن شاي ولا احب احطه مع اي شيء حتى النعناع نادر اني اشربه مع النعناع وكيفتي الشاي سادة اذا حكره له راعي الكيف
السؤال اللي يطرح نفسه : كيف تصلح الشاي
طبعا انا استخن الماء في البريق المطلوب ، بعد شوي وقبل ما يفوح الماء احط السكر ، وبعد ما يفوح السكر ( ويميع ) اطفي النار واقعد البريق ، واحط الشاي ، بعد عشرة دقايق خذ لك شاي كيف كيفك .
وعلى فكرة انا سمعت ان تفويح الشاي مضر ويذهب فوائده ، سمعت ولست متأكد ا .
تقبل احترامي
** غير متواجد في الوقت الحالي **
** غير متواجد في الوقت الحالي **
انا اتحداك واقبل التحديالمشاركة الأصلية كتبت بواسطة بواسامه
وبقولك الفرق بالطعم بعد ، لان الشكل طبعا معروف لأن ابو جبل اطول وادق ورقه من الربيع
وتراني باقبل التحدي في الطعم ، لاني راعي مزاج في الشاي ومدمن شاي ، واعرف الربيع من ابو جبل
بس قبل التحدث وش جايزك
تقبل احترامي
مكشاتي متقدم
يعطيك العافيه خيال نجد على الموضوع
افضل ابريق عندي هو اليوغسلافي
وكيله سعد حباب الجبر
وعندي منه 3 اثنين للشاهي وواحدالازرق القديم
للحليب (ادمان الله لايبلانا)
والشاهي هو الربيع اكس برس خطيررررر
سبحان الله وبحمده سبحان الله العظيم
جايزتي ملقاط ياراعي الملاقيط
ولا باقي علب الشاهي
قصدك جايزتك يعني تقصدنيجايزتي ملقاط ياراعي الملاقيط
ولا باقي علب الشاهي
شوف مع ان ايام الملاقيط جاء وقتها الا اني ما ابي ملقاط
ما عندك شيء من البريموس
السلام عليكم
طبعا الشاي و ما ادرك ما الشاي...الشاي انواع و كل واحد و ذوقه جربنا انواع الشاي نوع زين و نوع بس صبغ..ولكن طحت مع شباب بشاهي اسمه هياتي و رخيص جربوه ودعولي.
ام الابريق فهوا الهندي الابيض مع بيالات بدريق
بعض الصداقه تختصر كل الاصحابنخلة تجدد كل موسم رطبهابعض الصداقه حدها ضحكه النابتضيع في وقت الشدايد نسبها
بالنسبة لي الإبريق الهندي طعم روعة لكن يبقى معدن مضربالصحة مع الوقت
لكن الإستيل الكوري أصح من رأيي
لكن يوجد بالسوق إبريق كوري8\18ممتاز جدا وسعره فوق 50ويأتي مقاسات أخرى
وإذا سمحت لي خيال نجد أنا عندي كذلك هذه الهدية لثاني أبرز مشاركة استيل كوري 8\18
وبالنسبة للشاي ربيع علبة معدن وكل له رأي ومزاج
وشكرا للجميع
ردود سريعه وحماسيه متعصبه
وهذا مانريد
نتظر المزيد من المشاركات
والمشاركات السابقه قويييه
خيال نجد المكشاتي
ماشاء الله استفتاء ممتاز
بالنسبه لي عندي الربيع واللبتون بالترتيب
أفضل البريق الكوري الأصفر وعندي بريق آخر له 28 سنه وإن شاء الله راح أرفق صوره إن أمكن
ولي استفتاء سابق على نفس الموضوع بس زايد عليه في الاستفتاء (حطب- قدور- دله -القهوه-بريق-شاهي)
(هذا هو رابط الموضوع)
http://www.mekshat.com/vb/showthread.php?t=150654
التعديل الأخير تم بواسطة سنا البرق ; 11/10/2008 الساعة 03:30 PM سبب آخر: إضافة
سبحان الله وبحمده سبحان الله العظيم
موضوع رائع واحببت ان اشارك فيه بقوه
طبعاً الأستيل الكوري ابو مقاضب سود لا يعلى عليه
طبعاً جربت انواع كثيره واحياناً ازبط فيها براد من باب الذكرى
منها
الغضار الأصلي
وأيضــــــــــــــــاً
الهندي سواء صناعه الهند او بومباي
استيل او معدن
وأيضـــــــــــاً
الستيل الكوري وهو جيد
طبعاً في اعلى القمه عندي
كيف الشاهي وابو الكيف بعد
هالمجموعه ( منتخب كوريا)
هم ما استعمله في الحل والترحال
اما الشاهي
فهو الكنق ربيع
شكراً يابو سعود على الموضوع
مكشاتي متقدم
ذا برادي اما شاهي مال انا حسب اللي ممسك معي
*شاهي ساده ربيع او ابو جبل مافي فرق الا شعره
*اذا عدني ليبتون فرط او الكبوس
*اذا ابغى نعناع او حبق او او ... ليبتون او ربيع اكياس
تراني راعي كيف
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
