ooOoo....بيالة شاهي ع الماشي ....ooOoo

[وسم 29]

موضوع رائع واحببت ان اشارك فيه بقوه
طبعاً الأستيل الكوري ابو مقاضب سود لا يعلى عليه
طبعاً جربت انواع كثيره واحياناً ازبط فيها براد من باب الذكرى
منها
الغضار الأصلي

وأيضــــــــــــــــاً
الهندي سواء صناعه الهند او بومباي
استيل او معدن

وأيضـــــــــــاً
الستيل الكوري وهو جيد

طبعاً في اعلى القمه عندي
كيف الشاهي وابو الكيف بعد
هالمجموعه ( منتخب كوريا)
هم ما استعمله في الحل والترحال

اما الشاهي
فهو الكنق ربيع

شكراً يابو سعود على الموضوع

ماشاء الله أخي فيصل مجموعة رائعة
شكرا لك

[نمر بن حثلين]

نداء من عنيزة الى اهل الرس حوووووول

الاخوان عاج وفيصل المنصور

وين يباع ذا البليه بالقصيم ؟؟

[خيال نجد]

عند الصانع والفوزان

ببريده

ولكن

الحجم الصغير فقط

[نمر بن حثلين]

يا مال العافيه اخوي

بأذن الله تعالى تتم مداهمة الصانع ومصادرة المذكور اعلاه

[سرهيد]

وش صار على الموضوع ؟

[شنطة عده]

السلام عليكم

شف البريق الجائزة انا متنازل به اشوف نفسي واثق مني ابي افوزززززززز ههه

المهم طال عمرك

يقولون مريت على كذا بريق من بين الاستيل الى المعدن الى الغضار والى كل نوع واليوم راسي على بريق لقيت للشاي فيه كيفة يعرفها راعي الكيف





اما الشاي فالربيع ما يحتاج يحبه قلبك وينقع في الرأس نقعه تكيفه وتجعلك تضبط رأسك ، لكن اذا لك خاطر وتحب التجريب جرب ابو جبل ، ترى له طعم ثاني ينافس الربيع واسأل مجرب

عندنا شايب الله يغفر له ويرحمه ، اذا صلحنا الشاي له قالوا ازنطوني ، قلنا ليه ، يقول : ابي طعمه يروح لرأسي ما يروح لبطني من حبه للكيفة مع الشاي .

ومن مبالغاته الله يرحمه ، يقولوا اذا حطيت مع الشاي نعناع اغسله سبع مرة وحدة بالتراب الله يستر

اقوله ليش ، يقولوا النعناع ينجس البريق

تعصب ما بعده تعصب

بس عاد تبي الجد انا مع الشاي ومدمن شاي ولا احب احطه مع اي شيء حتى النعناع نادر اني اشربه مع النعناع وكيفتي الشاي سادة اذا حكره له راعي الكيف

السؤال اللي يطرح نفسه : كيف تصلح الشاي


طبعا انا استخن الماء في البريق المطلوب ، بعد شوي وقبل ما يفوح الماء احط السكر ، وبعد ما يفوح السكر ( ويميع ) اطفي النار واقعد البريق ، واحط الشاي ، بعد عشرة دقايق خذ لك شاي كيف كيفك .

وعلى فكرة انا سمعت ان تفويح الشاي مضر ويذهب فوائده ، سمعت ولست متأكد ا .

تقبل احترامي

هذي هي الطريقة الصحيحة لاعداد ابريق شاهي يقعد الراس
سريهيد انشهد انك كييف شــــــــاهي

[أمير الصيد]

موضوع ممتاز بالحيل خاص أني كييف شاهي .
ولدي عدد 2 اباريق شاهي واحد ستيل صيني لأني ما لقيت كوري ؟ ولدي الصيني المعدن .
اما الشاهي عندي ياربيع يا أبو جبل .
والف شكر على الموضوع الرائع .

[سطام vip]

الابريق الاصفر انشهد ان الشاهي فيه ع الكيف

والشاهي ربيع واذا فتله ربيع اكسبرس

[بالون]

طيب ياجماعه ابي رايكم بشاهي الوزه الي علبته حديد حمراء انا جربته ممتاز وبعدين يزكي على طول واقتصادي يعني حط شويي وعلى طول يلون معك وطعمه شي وابي الراي واقبل النقد..

[العارف ضرم]

ياخوان انا اشوف شاهي شاكر الهندي افضل من ربيع اتمني تجربته والحكم على المذاق

[البضيع]

بالنسبه لي

هذي هي مشاركتي

الشاهي

شاي الربيع اللي بعلبه معدن

والأبريق

بنظري هالأبريق هو الأفضل

بشرط أن يكون الأصلي ..كوري..

طبعاً منقطع من السوق إلا في بعض المحلات

ولم أجد منه إلا مقاس 8-18

وهذا صغير جداً

والمقاس المظبوط 10-18

ودمتم سالمين

خيال نجد

هذا الكوري ... طبعاً متين جداً والشاهي فيه ((أكّه)) مظبووووط

هذا الصيني ... طبعاً مايصلح

يا سلالالالالام ان أشهد انك كييف شاهي

انا مثلك تماماً

ومشكور على الموضوع الجميل

[البضيع]

بالنسبة للبريق الكوري اذا فيه احد يعرف مين اللي كان يورده نروح نسأله ليش ماصار يجيبه؟

وشكرا لكم

[عاشق السيل]

بيض الله وجهك يالذيب على الموضوع الأكثر من رائع

وعلى قولتك كل واحد له ذوق بالشاهي وأنا أشوف إن الشاهي إذا صلحه واحد عنده نفس وكييييييف شاهي أكيد بيضبط مهما كان نوعه بس اهم شي يكون الأبريق مستخدم بكثرة والماء يكون تحلية !!

وعن نفسي أفضل شاي ليبتون ( فرط ) وبعضهم يسميه كشري بس أهم شي اللي يسويه يكون عارف له لأن وزنيته دقيقة جدا ،، ويتميز هالشاهي إنه يستمر على لون واحد بعد مايخدر وإن مذاقه قمة في الروعة ،،
واللي جربوه ماغيروه !!!

ومن ناحية شاهي الأكياس ( تعليقة ) أفضل شاهي (( ممتاز )) العماني وهذا المستخدم عندي بالبيت ،،

وبالنسبة للبريق أنا استخدم الكوري نفس اللي عندك لكني أفضل الهندي بطلعات البر وعندي منه مقاسات كثيرة

7

7

7

7

والله يعافيك ،،،، وتقبل مروري يالغالي ....

[سنا البرق]

ماشاء الله موضوع ممتاز
الشاهي الربيع ثم اللبتون
البريق الكوري الأصفر
وهذا موضوعي قد طرحته سابقا أرجو أن تفيدنا إن شاء الله
http://www.mekshat.com/vb/showthread.php?t=150654

[المجنوني]

والله ياشباب خليتوني اخرم للشاهي ..ذلحين رايح اسوي براد شاهي على الحطب بالاستراحة حقتي ( الحوش) وبعدين اكمل على المنتدى سلام ...........