رابطة ملاك الباترول (من موديل 98 وفوق)

[قطن]

السلام عليكم والرحمة الله وبركاته ياخوان شريت باترول تم فحصه بالكمبيوتر نضيف 100 ورحةعلى السياره وبعد 400 كيلو توقفة دعست البانزين طلع من الشكمان دخان ازرق بياض وعيار الزيت 100 شنهو الدخان هل هو صرفيه ولا شين ثاني ارجو المساعده ونشاء الله في موازين حسناتكم

[شقن بقا]

السلام عليكم والرحمة الله وبركاته ياخوان شريت باترول تم فحصه بالكمبيوتر نضيف 100 ورحةعلى السياره وبعد 400 كيلو توقفة دعست البانزين طلع من الشكمان دخان ازرق بياض وعيار الزيت 100 شنهو الدخان هل هو صرفيه ولا شين ثاني ارجو المساعده ونشاء الله في موازين حسناتكم

أخوي الله يبارك فيك الظاهر إن الدخان الأزرق على بياض غالبا مايدل على صرفية زيت يعني بداية ( تبويش ) ويكون السبب إما أن تكون جلد البلوف مقطعة أو الشنابرفيها كسور أو متوسعة وعشان تتأكد شف ( أروح ريحة الدخان إذا كان فيه ريحة زيت - حط بطن كفك على فتحة الشكمان وشف إذا يجي فيها رشح زيت ) وإن شاء الله مايكون هذا فيه ولو طلع مثل كذا معناته السيارة تحتاج إلى فك المكينه وتنزيلها والتأكد منها على مراحل ( الأولى التأكد من جلود البلوف الثانية التأكد من الشنابر يمكن ماتحتاج إلا إلى تسقيط شنابر ( نصف توضيب ) الثالثة إذا كان فيه مخوش في السلندر فالله يعينك على توضيب كامل - أسأل الله أن لا يكون ذلك وأن لا يخسر مسلم وأن تكون المشكلة أبسط مما أفدتك فيه

[الفليحاني]

سجل عندك باترول 99 فتك 4500

[المحترف800]

وش حل حنة مروحة الفتك 2003 ؟؟

[ابو فيصل 2011]

السلام عليكم ورحمة الله وبركاته
اخواني انا صارلي مشكلة في راس مكينة ربع باترول موديل 96 ومالقيت مستعمل لافي التشليح ولا في الصناعية والله العظيم اني تعبت من الحوس والجديد بـ3750 ريال بس راس بدون جلد ولا اي شي يااخوان اللي خابر لي راس مستعمل نظيف ماانخرط يعلمني الله يرضى عليكم او هل هناك بديل لراس الاصلي او توجيهي لاي شي يكون مضمون للمعلومية المكينة كلبريتر

[R2R8]

بالنسبه لاخوي ابو فيصل 2011

هاذي ارقام بعض تشاليح مدينة بريده وباذن الله راح تحصل وانا شبه متأكد..

تشليح ابو عبدالله العجلان 0663290111
تشليح الحجيلان 0505144145
+ 063292230
تشليح الزمام 0509643418
+ 0505145906
تشليح السلام 0553290333
تشليح العجلان 0553290222
تشليح خضير 0505140009
تشليح خضير 063292810
ابو عبدالله الصمعاني 0500241000

تحياتي لك وبالتوفيق

[شخًااااط]

فيه باترول للبيع ربع موديل 98 م اللي له شف يراسلني على الخاص !!

[باترول 1998]

السلام عليكم ورحمة الله وبركاته

حياكم الله

سجل باترول 98

تخبرون طلعات البر والكشتات جاية
ومن السنوات اللي راحت كنت اطلع البر واذا جيت للبيت لازم اروح للورشة واغير المساعدات
لاني مركب دعامة ثقيلة
و في المنطقة الخلفية مركب تانكي ثقيل ايضا
ومع المطامر تتفقع المساعدات
وودي ارفع الموتر كله بس من وراء ارفع بشوي
فقررت اركب يايات استرالية مع مساعدات استرالية
سؤالي هو :
هل اليايات ضغط 400 تلين مع الوقت
هل اركب مساعدات او اخليها عـ اللي متعود عليها ( جبريال )
كم المقاسات اللي احطها للي قدام واللي وراء ( انا فكرتي اركب قدام 5 ووراء 7 ) او ( قدام 3 ووراء 5 )
وكل هذا من الرماية ( كم بيطلع السعر )

معليش طولت عليكم
لكن كل هذا من حر ما اونس

فلكم جزيل الشكر والعرفان
اخوكم :
باترول 1998

[shabrsh]

سجل طال عمرك باتروول 1991 بابين احمر ذهبي

كلبليتر (( اول مشاركة ))

[ابو تفليقه]

سلاام يالربع

ناخيكم الي يعرف لي ميكانيكي مزبوط يركب لي كربريتر "ٍسفاري 92"
ويكون مكانه في الرياض ينقذني به

[باترول 1998]

ياشباب ما ينفع ذا الشغل
الرابطة هذي للفائدة وتبادل الخبرات
فياليت نتفاعل شوي

اسف على الاسلوب لكن والله هذا اللي حاصل
يعني اكتب رد ولا اجد الجواب
ويروح الموضوع تحت
فياليت نرفعه

لكم ودي واحترامي

[المعرقب]

هلا بخواني ملاك ملك الصحرااااء ((الباترول))
عندي بعض الاستفسارات ياليت تتفاعلون معي
عندي باترول ربع مديل 97 وبسئل كم سعر الدسك والكلتش الاصلي
سوال الثاني ابنضف المكيف هل فيه فلتر هوء حق المكيف وان كان فيه وين مكانه
او المديل هذا لايوجد فلتر مكيف يتنضف من طريق ثلاجه

[alfazza3]

سجلو عندكم باترول ربع 2006

[و د ب السعوديه 22]

[الغاااااطي]

سجلو عندكم باترول ربع 2006

[و د ب السعوديه 22]

اللوحة ملكية؟؟
مشبه

[أبن المدينة]

السلام عليكم ورحمة الله وبركاته

الله لايهينكم ياشباب ودي أعرف أيهما أفضل الجير العادي ولا التماتيك بالنسبة للباترول4500 موديل 2000 لأني بصراحة ناوي أشتري واحد على قد فلوسي ومحتار وتراني ما أطلع البر إلا بمواسم الصيد فقط
وياليت إللي جرب التماتيك يفيديني بهذا الموديل

ودمتم بخير