تحذير للشباب مرتادي خليج سلمان (بجدة)

[hani1234]

مشكور أخواني على تفاعلكم مع قصتي ، وأشكر إدارة المنتدى على ترحيبهم بي وحبيت أرد على العضو nowornever بأن الموقع هو الحوش أمام االبرك والمعروف عند بعض الشباب بالسور الأحمر ، وبعدين حبيت أبشركم بخبرية إنشاء الله طيبه طيبه بأنه تم التوصل لسارقي السيارة وبحيت اقولكم مهما كان زكاء (من زكاء السارق إنه سرق السبارة بدون ما يفتح الباب عشان لا يطلع صوت الإنذار- وكسر القزاز بمفك من الزاوية الأعلى من القزاز وهي أضعف منطقة في شباك السيارة حسب إفادة المهندس إلي ركبلي القزاز وقالي هذا سارق محترف) ولكن السارق لازم يرتكب بعض الأخطاء إلي ممكن توديه في دهيه والحمدلله عملت طعم لسارقين وأكلوه ............ ووعد مني لمن يتم القبض عليهم حا اسرد لكم القصة بالتفصيل ...... ومشكور أخواني على المتابعة

[hani1234]

مشكور أخواني على تفاعلكم مع قصتي ، وأشكر إدارة المنتدى على ترحيبهم بي وحبيت أرد على العضو nowornever بأن الموقع هو الحوش أمام االبرك والمعروف عند بعض الشباب بالسور الأحمر ، وبعدين حبيت أبشركم بخبرية إنشاء الله طيبه طيبه بأنه تم التوصل لسارقي السيارة وبحيت اقولكم مهما كان زكاء السارق (من زكاء السارق إنه سرق السبارة بدون ما يفتح الباب عشان لا يطلع صوت الإنذار- وكسر القزاز بمفك من الزاوية الأعلى من القزاز وهي أضعف منطقة في شباك السيارة حسب إفادة المهندس إلي ركبلي القزاز وقالي هذا سارق محترف) ولكن السارق لازم يرتكب بعض الأخطاء إلي ممكن توديه في دهيه والحمدلله عملت طعم لسارقين وأكلوه ............ ووعد مني لمن يتم القبض عليهم حا اسرد لكم القصة بالتفصيل ...... ومشكور أخواني على المتابعة

[ابوسلطان90]

افضل طريقه لحمايه الاشياء الثمينه والوثائق هي وضعها في كيس بلاستك ودفنها في مكان مميز معروف.
انا اسويها بعض المرات اذا كنت خايف ولايوجد احد يجلس عند الاغراض, وكذلك الجوال يكون شغال ولا تنقطع الشبكه

[hani1234]

المشكلة مو في الأغراض الثمينة وبس زي ما تتصور المشكلة إنه على الأقل على الأقل لو كسر قزاز السيارة بس هذي لوحدها كفاية بالنسبة لسيارتي المسروقة تكلفة القزاز الجانبي 1600 ريا ل تقريباً بعد التخفيض حوالي 1450 ريا ل وهذا سعر الشركة هذي الوحدها خسارة ( والله يخلي التشليح) يعني إيش ما تسوي في كل الحالات إنت خسران حتى لو جبت حارس خاص يجلس يحرسلك السيارة عبال ما تخلص غطستك .

[jwan]

اخي العزيز
عوضك الله خير
ولا تخاف مافي شئ يروح ولكن كان لازم تبلغ خفر سواحل المنطقة نفسها
وبلنسبة الى دفن المحافظ وغيرها من الاشياء الثمينة اعتقد انها افضل حل وانا افعل هذه الطريقة بستمرار
وانصحك اخي العزيز عند ارتياد اي منطقة لا يوجد فيها احد ان تدفن اشيائك الثمينة بعيدة عن السيارة ووضع علامة مثل قارورة ماء علبة ببسي خشبة حجرة مرجانة صدفة اي شئ
والله يعوضك في الاخرة

[بـلـيـهـان 1]

الله يعوض عليكم و ان شاء الله ينمسكون إلي سرقوهم و الله يهديهم و يوفقكم

[r0555]

اسأل الله ان يجيركم في مصيبتكم ويخلفكم خيرا منها
والله يعوض عليكم

[عريـق]

اخواني الله يعوضكم كل خير وانا اعطيكم حل باذن الله جيد الا من اراد الله ان يعوضه بالاخرة عن الدنيا عليكم بتوكيل الامر قبل ما تنزل الى الله وان تستودعوه اماناتكم فما يضيع الله امانه والله خير حافض وجربوا والله ورسوله اعلم والحمد لله ولا اقول اتركو الحذر ولكن الحذر لا يمنع القدر.

[speed 557]

لاحول ولا قوة الا بالله
الله يعوضكم

[سيف الناصر]

اسال الله ان يعوضكم خير انت خويك والله انه كاسر خاطري لان المحفظة على قولتك مافيها فلوس، عاد احيانا فيه حراميه عيال حلال لو ماحصلوا فلوس يرجعون المحفظة وان شاء الله يطلع ابن حلال .

[الجنك]

حسبي الله ونعم الوكيل الله يعوض عليكم

[الغواص البري]

حسبنا الله ونعم الوكيل
والحمد لله على كل شي
أخي حبيت اذكرك تدور بالأماكن القريبة من موقع السرقة عادة السارق عندما يأخذ المسروقات يكون عنده شعور جارف بمعرفة حجم ما لديه فيتوقف بأقرب مكان يرمي البطاقات ويأخذ النقود وكثير وجدوا بطاقاتهم على بعد أمتار قلائل.
اسأل الله أن يعوضك خير

[hani1234]

ياشباااااااااااااااااااااااااااااااااااااااااااااا ب المتندى حبيب أبشركم بالبشارة إلي وعدتكم بيها الحمدلله تم القبض على السارق يوم أمس ،،، بتاريخ 14/10/1429هـ ، ولآن هو في السجن والحمدلله وتوفيقة هذا كله بفضل لله ثم بدعوة أم العيال الله يحفظها بكلمة منها لمن قصيت عليها قصة السيارة إنها أتسرقت ودعيت على السارق قالت لي لا تدعي عليه بس قول حسبي الله ونعم الوكيل وربنا ما يضيع حقك وبالفعل الحمدلله تم القبض على السارق وبحوزته كل الأشياء حتى محفظة صاحبي كانت معاه ما دري وشبسوي فيها يعني القضية راكبته راكبته ،،، وزي ما قلت عملت له طعم وأكل الطعم بتوفيق من الله ، وانا بدوري أشكر المباحث الجنائية وأشكر الشرطة التي ساعدتني على تقصي الحقائق وتعاونهم معي في القبض على السارق

سؤالي يا شباب يا محترمين لو إنتوا مكاني برى وبعيد ما أفاول عليكم إنكم توقفوا نفس موقفي بس إيش إلي ممكن تسووه في واحد سارق لسيارتك وحسب ما سمعت من الضباط في الشرطة يقولوا حتى ابو السارق وأهل السارق يشتكوا منه وعلى قول الضابط أنه في ( كل بيت لازم يكون في حمام قصده دورة مياه وإنتم بالكرامه وهذا حمام أهله ) أستغفر الله العظيم ربنا كرم الإنسان ولكن هذا هو أقرب تشبيه ، مع العلم أن الشرطة وجدت معاه أكثر من المطلوب يعني جوالات ناس ثانية وساعات قيمة بحوزة السارق لكن للأسف حاولت أقابل السارق لأتعرف عليه الشرطة منعتني .

ولكن الفرحة والله والله والله مشسيعاني على قول أخوانه المصريين ، المهم يا شباب أبغا رأيكم ورأيكم يهمني كثير إيش أسوي مع الساااااااااااااااااااااااااااااااااارق ؟؟؟؟؟؟؟؟؟؟؟؟؟؟؟؟؟؟؟؟؟ هل أكمل الإجراءات وأنكب عفشه وما أتنازل ؟؟؟

ولا أتنازل عنه وأسيبها لرب العالمين على قول بعض اصدقائي المقربين وربنا ما يضع حق أحد؟؟؟؟

[حمد الأحمد]

لا حول ولا قوة الا بالله

الله يعوض عليكم ان شاء الله بخير منها

[ابو شهد جدة]

اولا الحمد لله على سلامتكم. والحمد لله عادت لكم اغراضكم سالمه.

نصيحتي طالما انه اهله يشتكو منه فلا تتنازل ابداً. وخلي الشرطة تطبق فيه النظام.

وانصحك انشر الخبر في كل منتديات الغوص امكن في احد صارله نفس موضوعك ويلقى اغراضه عند هذا الحرامي.

وبالنسبة لأخوياك خلهم يشيكو في ارقام صدرت بأسمائهم ولا لأ.؟؟
ترى صارت مع واحد من الشباب.

والحمد لله على سلامتكم. فعلا هذه المنطقة كثرت بالسكرجيه وكثرت بالناس الي هدفها الوحيد اذية الغير.

حسبي الله ونعم الوكيل...