تحذير للشباب مرتادي خليج سلمان (بجدة)

[turkiq]

ببساطة اذا رحت للغطس خلي كل شي في البيت ما عدا رخصة السواقة
ومعها 100 ريال فقط .... ودسهم في مكان زين في السيارة ...

واذا سرقهم لا قدر الله تكون الخسائر محدودة جدا
وبدل فاقد رخصة السواقة امرها هين ....

ولا كيف؟؟


تركي

[NowOrNever]

ياشباااااااااااااااااااااااااااااااااااااااااااااا ب المتندى حبيب أبشركم بالبشارة إلي وعدتكم بيها الحمدلله تم القبض على السارق يوم أمس ،،، بتاريخ 14/10/1429هـ ، ولآن هو في السجن والحمدلله وتوفيقة هذا كله بفضل لله ثم بدعوة أم العيال الله يحفظها بكلمة منها لمن قصيت عليها قصة السيارة إنها أتسرقت ودعيت على السارق قالت لي لا تدعي عليه بس قول حسبي الله ونعم الوكيل وربنا ما يضيع حقك وبالفعل الحمدلله تم القبض على السارق وبحوزته كل الأشياء حتى محفظة صاحبي كانت معاه ما دري وشبسوي فيها يعني القضية راكبته راكبته ،،، وزي ما قلت عملت له طعم وأكل الطعم بتوفيق من الله ، وانا بدوري أشكر المباحث الجنائية وأشكر الشرطة التي ساعدتني على تقصي الحقائق وتعاونهم معي في القبض على السارق

سؤالي يا شباب يا محترمين لو إنتوا مكاني برى وبعيد ما أفاول عليكم إنكم توقفوا نفس موقفي بس إيش إلي ممكن تسووه في واحد سارق لسيارتك وحسب ما سمعت من الضباط في الشرطة يقولوا حتى ابو السارق وأهل السارق يشتكوا منه وعلى قول الضابط أنه في ( كل بيت لازم يكون في حمام قصده دورة مياه وإنتم بالكرامه وهذا حمام أهله ) أستغفر الله العظيم ربنا كرم الإنسان ولكن هذا هو أقرب تشبيه ، مع العلم أن الشرطة وجدت معاه أكثر من المطلوب يعني جوالات ناس ثانية وساعات قيمة بحوزة السارق لكن للأسف حاولت أقابل السارق لأتعرف عليه الشرطة منعتني .

ولكن الفرحة والله والله والله مشسيعاني على قول أخوانه المصريين ، المهم يا شباب أبغا رأيكم ورأيكم يهمني كثير إيش أسوي مع الساااااااااااااااااااااااااااااااااارق ؟؟؟؟؟؟؟؟؟؟؟؟؟؟؟؟؟؟؟؟؟ هل أكمل الإجراءات وأنكب عفشه وما أتنازل ؟؟؟

ولا أتنازل عنه وأسيبها لرب العالمين على قول بعض اصدقائي المقربين وربنا ما يضع حق أحد؟؟؟؟

اولا اخوي هاني الف الف الف مبروك الله يبشرك بالخير
بالنسبه وش تسوي معه
نصيحه لوجه الله اخوي هاني سامحه....واللي يخلى لك عيالك تنازل عنه...يمكن لحظه طيش وش تستفيد من سجنه غير ضياع مستقبله وانحرافه اكثر من كذا.....راح يتعرف على من شاكلته في السجن يمكن يكون هذا درس لاصلاحه...شكله انسان ماحصل احد يحتويه حتى من اهله...سجنه لن يكون حل ابدا...شكله صغير في السن وماعنده خبره واضح من سرعه القبض عليه....احتسب الاجر من الله وتنازل..
شكرا لمشاركتك معنا موضوعك تقبل تحياتي

[مشرف مكشات]

شد حيلك ولو تخلي احد يوصلك لموقع الغوص ازين تحياتي وانشاء الله معوضين بخير

[ابو شهد جدة]

اقولك انا غيرت رأيي

سامحة واتنازل وبتلقى الاجر عند الله.

ولو تتعرف عليه اكثر وتخاويه افضل له.

منها تكون حسنت من سلوكياته واخلاقه ومنها الاجر عند الله.

امكن ربي اراد بهذا الشيئ لتكون انت سبب في تغيير حال هذا الشخص.



انا عارف انه بيجي واحد ماشي مليون ويقولي انت متناقض في كلامك يا ابو شهد.

بس الرد الاول انا رديته من القهر وبعد ما قرأت الموضوع مباشرة.

[عاشق الموطن]

الله يعوضك خير وخذها قاعده اخوي قول الله عز وجل((ومن عفى واصلح فاجره على الله))

[hani1234]

السلام عليكم ورحمة الله وبركاته ،
شباب المنتدى أنا من جد من جد في حيرة من أمري فقد عزمت النية إنشاء الله على أني أسامحة ولكن كل يوم الأمر يزداد سوءاً ، تعرفوا إن أهل السارق توصلوا لأرقام جوالاتي وصاروا يتصلوا عليه كل يوم تقريباً من يوم القبض على السارق وتعرفوا مع الأخذ والعطى مع أهل السارق أتضح لي أن أهل السارق عندهم واسطة وبيطلع زي الشعرى من العجين وهذا على كلام اخوه الأكبر بس ناقص التنازل مني وهذي غلطة أخوه الله يهديه إنه قالي كلام زي دا إلي خلاني أتراجع نوعاً ما عن التنازل وقولت تعبي راح على الفاضي أنا كنت ناوي أأدب السارق بتطبيق النظام عليه بس في هذي الحالة حيطلع ويتجرء ويسويها في غيري وغيري وغيري وغيري مين هما أنا وإنتم يعني ما حميت المجتمع من أمثاله ، وحسب قولة يقول أوعدك وعد قسم إني حا أدبه تأديب بس أتنازل قولت في نفسي لو كان يبغاه يتأدب ما كان أتصل عليه وقالي تكفى طلبتك أبغاك تتنازل عن أخوية ...؟؟؟؟؟؟...... وأيضاً على كلامه إن أخوه هذا كل يوم وهو في مضاربات ومشاكل وبيروح وراه من شرطة لشرطة يطلع ويتزلل للي يسوى ولي ما يسوى .....؟؟؟؟؟؟؟...... سؤال يطرح نفسه طيب كم عمرة (سألته كم عمر أخوك قالي 27 سنة قولت في نفسي سبحان الله والله فكرته شاب صغير في السن يعني 15 لعشرين سنة يعني الولد منتهي ويحتاج لتأديب)
السؤال في هذه الحالة :
1- إذا سامحته وما لقي رادع قوي يخليه يتوب ويتعلم يعني أنا ضريت المجتمع بأكمله ولي خلاني اقول هذا الكلام كلمته ليه بوجود واسطة بتطلعوا زي الشعرة من العجينة يعني النظام ما حيطبق عليه .
2- إذا ما سامحته حكون إنشاء الله ريحت المجتمع منه ومن أمثالة حتى لو لفترة ألين يقول إن الله حق .

أرجو الرد ووعد وعد إنشاء الله حسوي إلي حضراتكم تقولوا عليه لأنكم إنتوا تمثلولي المجتمع ...... وأبغا أعرف رأيكم بصراحة ..... في إنتظار الرد
أخوكم
هاني

[صقر عتيبيه]

حسبي الله ونعم الوكيل

[speed 557]

الله يعوض عليكم

[سيف الظفير]

جعل من سرقها للذهاااااااااااب والله يوضكم خير

[الوهاج]

السلام عليكم ورحمة الله وبركاته ،
هذي أول مشاركة ليه بموضوع إنشاء الله يعود بالفائدة للجميع ، في يوم الجمعة 10/10/1429هـ رحت أنا وإثنين من الزملاء للصيد وممارسة هواية الإسنوركلينغ في خليج سلمان بجدة ونزلنا البحر على الساعة 8:00 صباحاً وعند رجوعنا على الساعة 11:00صباحاً قبل صلاة الجمعة هذي المرة الوحيدة إلي ما كان في بالنا إنه شي ممكن يصير لأني من عام 1408هـ وأنا أرتاد هذي المنطقة والحمدلله لم أواجه أي مشكله فيها ولكن ما شاء الله وماقدر فعل لمن رجعنا إلى الشاطئ أتفاجأ بأن شباك السيارة الأمامي بجانب السائق مفتوح فقلت لزميلي وهو أخر واحد كان في السيارة حرام عليك نسيت تقفل شباك السيارة ما كملت كلمتي وما أتفاجئ إلى بشظاية القزاز داخل السيارة يعني قزاز السيارة الأمامي أنكسر بفعل فاعل قمت فتحت السيارة للتأكد من الأشياء داخل السيارة موجودة ولا لأ وبالفعل ما لقيت شي حسبي الله ونعم الوكيل قاموا بسرقة عدد ثلاث جوالات وجهاز جي بي إس من نوع جارمن ومحفظة زميل لي آآآآآآآآآآآآآآآآآآآآآآآآآآه الله يعينه مافيها شي يفيد السارق حسبي الله عليهم (مافيها فلوس بالعربي) لكن فيها أهم من كدا بطاقة الأحوال وبطاقات صراف آلي ورخصة القيادة الخصوصي ورخصة قيادة خاصة بساحة المطار بالخطوط السعودية وبطاقة العمل ، الفلوس ممكن تتعوض لكن هذي البطاقات عشان تتطلع بدل فاقد ............... من أكبر المشاكل . ولكن الحمدلله على كل حال وجدت محفظتي وحقيبة زميلي الثالث فيها الجوال الوحيد إلي ما أنسرق الحمدلله عشان ربنا يحبنا بقولنا جوال نقدر نتصرف بيه بالجوال هذا قمنا بالإتصال على الشرطة إلي حولونا على شرطة ذهبان والحمدلله كانوا جداً متعاونين معانا وعملوا محضر وبصمات لعل وعسى إنهم يلاقوا السارق حسبي الله ونعم الوكيل.
آسف على الإطالة .


ولكم التعليق ..........

الله يعوض عليكم ،،، بس اتصالكم بالشرطة اعتقد انه مضيعه للوقت. بالعكس ممكن يأخركم بروتينهم واسالتهم التي ترفع الضعط والا مبالات التي يمتازون بها بجدارة،،، للاسف الشرطة عندنا قمة التخلف الا مارحم ربي.