جميع تجهيزات الهايلكس ومركبات البيك أب (ددسن - جمس - سوزو .....) بالصور

[آل علي]

والمعذرة أحسن الله عزاكم

[السفير14]

السلام عليكم
ماشاء الله لاقوة الابالله
ارى ان التوصيلات والولاعة اللي في الامام قريب من الصدام موقعها غير مناسب
لانه خطير عند الغسيل اوالدخول في مناقع الماء.
الامر الثاني ان المكان غير عملي,اي ان مالها عمل مهم.
دام الجميع بخير.

وعليكم السلام,,

وجهة نظر احترمها اخوي سهيل,, ولكن اسمحلي ابين وجهة نظري..

اما من ناحية الخطورة فمثل ما انت تشوف التوصيلات والولاعة غير مكشوفة اي ان لكل منهما له غطاء حماية تحمي من الاخطار بإذن الله ,, ولو حدث شي من الاخطار مثل ما ذكرت يا الغالي فبيكون التأثير على الفيوز فقط,,

والش الثاني ان مكانها غير عملي ,, فبالعكس انا اختلف معك شوي ,, فيإذا بغيت تشحن جوالك او تشغل لمبات او اي شي فماله داعي انك تفتح وتسكر الباب حق السيارة وتشبكه داخلها , فعلى طور تشبكة على الفيش ,, والجوال بعد اذا جيت تشحنه ,تشحنه على الولاعة الخارجية ويكون قريب منك وتسمعه اذا اتصل عليك احد,, ولا له داعي انك تفتح دريشة السيارة عشان تسمع الجوال اذا رن

ماشاء الله تبارك الرحمن
بس ياليت اسم الورشه والكهربائي عافاك الله

يا هلا وغلى فيك,,

تم ارسال اسم الورشة والكهربائي على الخاص,,

ماشاء الله ربي يعطيك خيره...سيارة مجهزة من الى..وربي يرزقنا وياك الأمطار والربيع ونكشت ونوسع صدورنا...

الله امين ,, ويجزاك ربي كل خير ,, ويسمع منك

[السفير14]

ما شاء الله تبارك الله

مجهود رائع تشكر عليه

يعطيك العافيه على الصور

الشكر موصول لك اخوي ابو شوق على مرورك الجميل,,

مشاء الله لاقوة الابل الله هذا الموتر وتجهيز السنع اطربتنا والله
الله لا يهينك وبيض الله وجهك
تقبل مروري

ووجهك اخوي اسير القنص ,,

وتو ما تبارك الموضوع ,,

بالنسبة للهنقلين موجود لدى السنيدي كما ذكرت لي وفقك الله ولكن هل هو جاهز يعني اذا جيتهم اركب على طول ولا انتظر ؟


وكيف ركبته بدون تخريم البدي وفقك الله

لا وانا اخوك تروحلهم اول وياخذون القياسات وتختار اللي تبي من قماش وغيره,,

واما سؤالك كيف تم التركيب بدون تخريم , فتم تلحيم مسمارين في الهنقلين مع كل جهه من السيارة ,, وبعدها يكون فيه شدادت تشدها بمفك وهذ صورة توضيحية نزلتها في المووضع

[السفير14]

اللة يعطيك العافية اجمل ماريت من تجهيز للسيارات يعطيك خيرها ويكفيك شرها وتقبل تحياتى

اللهم امين ,,

ويسعدني ان التجهيزات اعجبتك,,

ماشاء الله تبارك الله متعوب على الموتر
تحياتي الحاره للجميع

ومرحبين فيك اخوي ,,

ومشكور على مرورك ,,

السلام عليكم شغل ما عليه كلام لكن بالنسبه لي اشوف انه لو انك خليت الدور الأرضي المستودع اللي فيه الغاز والشنطه يسحب بكفرات يكون افضل وأسهل للإستخدام ارجو للجميع التوفيق

وعليكم السلام,,

فكره جميلة ورائعه ايضا,,

الشكر موصول لك اخوي على المشاركة والاقتراح..

[السفير14]

هلابك بس بغيت اسالك البطارية الاضافية بكم وبكم ركبتها ؟؟


الله لا يهينك ..

تم الرد على الخاص

ماشاء الله تبارك الله ، ابداع لا يوصف ، بارك الله لك في رزقك وانار الله قلبك بالايمان

اللهم امين واجمعين,,

الله يجزاك خير اخوي على مشاركتك ودعوتك الرائعة,,

ماشاء الله تبارك الله
الله يهنيك بمركوبك ويعطيك خيره ويكفيك شره

اللهم امين ..

تشكر اخوي على مرورك الجميل

[شبراق]

مشاءالله تبارك الرحمن بيض الله وجهك ماقصرت والله يبارك لك بسيارك بس ماعلمتنا الكهربائي الي مزين موترك منهو ولا عليك امر

[ridan]

ماشاء الله هذا السنع ولا بلاش

[عاشق البسيتين]

ماشا لله تبارك الله انا اشهد انه موتر وبس
انا معي مثله بالظبط بس ممكن اعرف كم قيمته الشد هذا وين احصله لاهنت

[القضاع]

صبحك الله بالخير
اولا عظم الله اجرك واحسن الله عزاك. ثانيا الحمدلله عالسلامه ولا تعبت. والله يعطيك العافيه على الشغل النظيف واتمنى انه يكون عندي نفس الترتيب والتركيب والله يعطيك خيرها ويكفيك شرها انشاءالله. والسؤال هل بالمكان تعطينا الاسعار بالتفصيل او بالتقريب لان هناك الكثير من يود ان يركب مثل سيارتك ولكن يجهلون الاسعار والتركيب الممتاز والكهربائي الجيد الفاهم. لاهنت وشكرا

من لافرش للمرجله ماتغطيه ومن لايهز الناس ماحد يهزه
رجل تعزه قبل ماتلتقي فيه ورجل بعد ماتلتقي به تعزه
ورجل ترزه بالمجالس مباديه ورجل فلوسه بالمجالس ترزه
ورجل يموت ولا يجيبون طاريه ورجل يجي طاريه في كل حزه

[داااق اللطمه]

ماشاء الله تبارك الله عجبني حيل

[أبومصعب1]

شغل متعوب عليه لاهنك يالسفير..

[طاش]

ممكن عنوان المحل وكافة التفاصيل

[رقبة حاشي]

الله يجزاك خير وكثر الله من امثالك

[السفير14]

الله لا يضرك بسراحه خيالي
ماشاء الله تبارك الله

يا هلا وسهلا فيك اخوي هايلكس,,

وتسلم لبي على مرورك..

مشكوووور اخوي السفير على المجهود الرائع ورحم الله والدينك معلومات مفيده وننتظر منك المزيد00

ووالدينك بعد..

وابشر بسعد كل اللي عندي لرجال شرواكم..

ما شاء الله عليك يالسفير 14
شغل متعوب عليه ومحترم
فيه عندي لك اقتراح
وهو تركيب الآيكوم في مكان مناسب جداً

والصورة هاذي توضح المكان المقترح للآيكوم



كما يسرني ان اشارككم ببعض ما لدي من تجهيزات متواضعة

تركيب لنبة لصندوق الهايلكس <<<< صور
http://www.mekshat.com/vb/showthread.php?t=162717

اللي يبي يركب لمبة مراية

http://www.mekshat.com/vb/showthread.php?t=87774

اولا قبل كل شي اسمحلي اني اشكرك على تفاعلك بالموضوع ووضع تجهيزاتك والمشاركة فيها في الموضوع ..

وبصراحة الاقتراح رااااائع جدا وموقع ما طرى على البال ابد..

[السفير14]

نفس السؤال................... يعطيك العافيه

تم الرد في المشاركة رقم 63..

ماشااااااااااء الله تبارك الله ,,,, الله يبارك لك فيه ,,,, شغل ماشفت مثله الله يعطيك العافيه

اللهم امين ,,

وتشكر على تعقيبك على الموضوع..

ماشاء الله .. والله شغل نظييف ..

حياك الله وعقبال ما نشوف ابداعك..