// أســعار الآيكــوم الجديد الياباني الاصلي 2100 و 2200 و 8000 // 26/10/1429

[موبايلي]

الله يعطيكم العافية جميعاً
اهم شي ان الواحد مننا يكون ملم وعنده معلومات عن كل الاجهزة عشان يشتري الجهاز اللي يبيه عن قناعه

[أبو عزمي]

شكرا لك أخوي



كنت احث عن أحسن جهاز


انت خابر الشتاء قرب والحين بدوا الناس يبحثون عن الأجهزة


وأسعارها بتصير والله العالم نااااااااااار

[سيف الظفير]

حياك الله يا الغالي ومشكورين على المرور المنتدى له حق علينا وانت لكم حق يا الذيابة

وبخصوص ارتفاع السعر مع الموسم وقرب الشتاء

فالارتفاع يا الذيابة بحدود 50 ريال لكل جهاز وهذا الشئ بسيط جداًً

[لصمت ملاك]

سيف الظفير ,,يعطيك ربي العافيه ع موضوعك الجميل ..

لاكن مااجبتني ع ماطلبته ,, ياليت تعطيني رقم المكان الي يبيع الجهاز بالرياض او وصف دقيق له ..

لك احترامي..

[عبدالعزيز_2]

اخي الكريم سيف
السلام عليكم
ما اسم المحل الذي وجدت به الاجهزه واسم السوداني
ولك مني جزيل الشكر
اخوك عبدالعزيز

[الــنــشــمــي]

الله يبض وجهك يا سيف الظفير
تحياتي

[أف جي كروزر20]

ياشيخ رح الله يبيض وجهك كنك داري إني أبشتري
الله يوفقك دنيا وآخره

وعلى فكره ياشباب أنا قبل فتره طويله
شفت عندكم موضوع عن
الطريقه اللي
تفرق فيها بين الأيكوم الاصلي والتقليد
بس بحثت ومالقيته وش السالفه
ياليت اللي يقدر يجيبه لي
أو يعطيني إسم كاتب الموضوع
ولكم جزيل الشكر والتقدير

[سيف الظفير]

اسم المحل العامة بالمرسلات

شارع الاتصالات المشهور بالرياض

[سيف الظفير]

ياشيخ رح الله يبيض وجهك كنك داري إني أبشتري

الله يوفقك دنيا وآخره

وعلى فكره ياشباب أنا قبل فتره طويله
شفت عندكم موضوع عن
الطريقه اللي
تفرق فيها بين الأيكوم الاصلي والتقليد
بس بحثت ومالقيته وش السالفه
ياليت اللي يقدر يجيبه لي
أو يعطيني إسم كاتب الموضوع

ولكم جزيل الشكر والتقدير

ووجهك يا الذيب وفالك التوفيــق

لاتاخذ الا جديد

لأن المستعمل بـ 600

والجديد بكرتون الوكيل وياباني وكامل بـ 800 و 50 ريال تركيب بالسيارة

ومدى المراسلة بالانتل الاصلي حوالي 60 كيلو

وهذا الشئ عرض مغررري جداًً

[لصمت ملاك]

يااخي الكريم ماوضعت المنتديات الا للفائدهـ للجميع وليست للتكتم ,,والاخوان وانا خوك لبعضهم ..

وترى مابينقص منك شي لو وضعت تلفونه او وصفه ,,لاكن لله في خلقه شؤون...

ماعاد نحتاجه ماقصروا الرجال المشاكيل بهذا المنتدى ..

[أف جي كروزر20]

ابشرك شريت اليوم 2200 بـ 850ريال مع التركيب

[شقاوي الأكلبي]

يعطيك الف عافية على المعلومات حقيقة نفعتنا ويجزاك الف خير تقبلو مروري

[سيف الظفير]

يااخي الكريم ماوضعت المنتديات الا للفائدهـ للجميع وليست للتكتم ,,والاخوان وانا خوك لبعضهم ..

وترى مابينقص منك شي لو وضعت تلفونه او وصفه ,,لاكن لله في خلقه شؤون...

ماعاد نحتاجه ماقصروا الرجال المشاكيل بهذا المنتدى ..

الله يهدك !!!


الوصف فووووق الله يصلك بأحد الردود

واذا انت من اهل الرياض ترا الوصف مايجهلك وراعي السلعه واللي يبيا لجهاز يروح يشووووفه ما يدور رقمة !!!!!

وترى مابينقص منك شي لو وضعت تلفونه او وصفه ,,لاكن لله في خلقه شؤون...

يا اخى انا رحت للسوق لأني شراي وكل ماشفته بالسوق من اسعار طرحته هنيا بالمنتدى




وماجزاء الاحسان الا الاحسـان

[سيف الظفير]

يعطيك الف عافية على المعلومات حقيقة نفعتنا ويجزاك الف خير تقبلو مروري

مشكور على المرور يا كحيلان

يسعدني مرورك يا الذيب

[سيف الظفير]

ابشرك شريت اليوم 2200 بـ 850ريال مع التركيب

كفوووو يا كحيلان

والف مبروك يا الغالي تنومس عليه يا الذيب

وفالك التوفيق بها الموسم