لاول مره جرب الشكشوكه بالجبن المثلث وبدون ملح ولاتشيل هم التكسير

[ابولولو]

العنوان واضح جرب وانت الكسبان خاصه الي عنده حساسيه من البيض وارتفاع الظغط والكشاته الي يعانون من تكسير البيض والطعم الجيد ادري احد يقول وش الخلطه او المزاج اقول جرب وبعدين حش ههههههههه

[النداوي HZ2AF]

طيب جزاك الله خير ومشكور

[ابولولو]

شرفني مرورك يامسدح الغزلان وراعي الكبده ههههه اخت لولو خير الكلام ماقل السالفه بسيطه الجبن المثلث بدل البيض واضح شرفني مرورك اي سوال بالخدمه بس بدون ملح الجبن بديل

[اشهب]

حسب فهمي
انك تقصد ان نستعيض بالجبن بدل البيض
يعني شكشوكة جبن
الطريقه
نقطع بصل ونكشنه شوي وبعدين نضيف الطماط ثم نظيف الجبن المثلث بعد ان نقطعه الى قطع صغيره
اذا كان فهمي صحيح عطن الاوكيه علشان يطبقونه الاعضاء
نبتعد عن اضافة الملح علشان ملح الجبن يكفي

[mo7taj]

رحم الله والديك
لو فصلت اكثر
ولو صور كان افضل
في انتظارك
موفق لكل خير

[ابولولو]

اشكر كل من مر علي الموضوع اخوي اشهب كلامك في محله والملح ذكرته ان الجبن بديل راجعي مداخلتي وشكرا لك انك فهمت بنتي لولو هههههههه والمفروض الحرمه يالولو تفهمه قبل الرجال صح والا انا غلطان ياناس اخوي منتاج 7 صح الاسم تراي غشيم لغه المساله واضحه حبيبي بدل البيض حط قطع جبن مثلث وبدون ملح وكشن البصل وبعده الطماط وقطع الجبن وقلبه شوي وبالصحه والعافيه انتبه علي اصابعك هههههه والصور اشوف انها سهله واحول انزله علشان خاطر عيونك الله يخليهن للمدام

[ابو شكاع]

والله ياخوك يابولولو ان الشرح الأخير اللي قبل ردي ذا انه مغاير تماما لأصل الموضوع
يعني اقصد اننا بردك الأخير فهنا أكثر
طيب أي جبن مثلث يعني مثلا لو نحط نجدية أو لازم البقرة الضاحكة
<<< تراه دعابة كككككككككككك
مشكور وماقصرت
تحياتي وتقديري لك

[ابولولو]

اخوي ابوشكاع شرفتن بمرورك يوم اكتب الموضوع وعيالي بالسياره شابين علي يبون الاستراحه وعندي ضيوف علي العشاء والكتابه معكم والفكر مع الضيوف وابشرك انتهت علي خير العزومه وعلي فكره كثرنا لهم الجبن المثلث البقره الحلوبه هههههه والله يكثر من مداعباتك والمندي وانا اخوك ماحط الي للفائده والكلمه الطيبه والمداعبه الظريفه الله يسعد وين ماوجهت وكتبت علي الاذان المبارك بالرياض ياحبيلكم ياهل الرس ولا يهنون باقي الاعضاء

[ابولولو]

سبحان الله اللهم صلي علي محمد وعلي ال محمد

[ألأطلسي]

مشكوراخي على هيك شغل

[ابولولو]

انتي اخي الاطلسي مشكور علي الطله الحلوه شرفتنا ولا كلفتنا

[عاشق السيل]

اخوي منتاج 7

أما منتاج 7 خخخخخخخخخخخخ رهيبة ذي !!!!

اسمه (( محتاج )) والسبعة بالإنجليزي تقرأ ( ح ) ،،،

ومن ناحية طبختك والله مافهمتها إلا من الردود ،، وباين إنها رهيبة ولذيذة وعلشان كذا وبإذن الله بسويها !!

بس أخوي تكفى إذا بغيت تكتب موضوع خلك مروق واكتب بالبيت ولاتكتب بالسيارة وليش أنت مستعجل ؟؟

بيض الله وجهك وشكر الله سعيك وتقبل مروري يالغالي .....

[ابولولو]

اخوي عاشق السيل الله يضحك سنك جلست ساعه وانا ادقق باسمك اخاف اغلط وتفظحن عند الاعضاء هههههههه وبعدين الرجال مشاها انت خليه تعدي كبري ههههه المهم جرب الشكشوكه وعلمنا والا اعزم علي مفطح والحلا شكشوكه هههه وتقول لاتستعجل وراك بزرين وامهم وعشاء رجال بالاستراحه وشكرا علي المداخله وسعت الخاطر

[ابولولو]

[quote=ابولولو;2962379]اخوي عاشق السيل الله يضحك سنك جلست ساعه وانا ادقق باسمك اخاف اغلط وتفظحن عند الاعضاء هههههههه وبعدين الرجال مشاها انت خليه تعدي كبري ههههه المهم جرب الشكشوكه وعلمنا والا اعزم علي مفطح والحلا شكشوكه هههه وتقول لاتستعجل وراي بزارين وامهم وعشاء رجال بالاستراحه وشكرا علي المداخله وسعت الخاطر وبعدين انت بلبل انكليزي وانا دجاجه انكليزي

[اشهب]

ابو لولو
يا حبيلك
شكلك سيرلنكي بالانترنت
كتابتك تشبه طريقة الصكوك
جالس ادور رهن صندوق التنميه بردك
من جد صك صادر من ديوان المظالم