وش تسوي في هالحاله ؟؟؟ مشكلة صارت لي ... واكيد صارت لكل طباخ

[مكشوتي]

السلام عليكم ورحمة الله وبركاته

يالله حي الشباب ..
ما ودنا نطول في الموضوع ندخل دغري اسحن

تعرفون يا شباب ان في كل رحله للبر الواحد ما يستغني عن قدر الضغط "الكاتم"

طيب اكيد انه حصل ان واحد منكم جاب قدر الضغط ونسى الصمام

هنا مشكله كبيييييره ... وش فايدة الكاتم بدون الصمام ؟؟
اكيد ماله فايده ..

طيب نفترض اننا نسينا الصمام فقط .. في هالحاله وش تسوي ؟؟؟؟

نبي كل واحد يحط فكره حتى اذا نسيناه نكون حاسبين الشغله صح

[مكشوتي]

ببدا انا اول واحد ..
بس لا تضحكون علي ..

ذكر في سنه من السنين طلعنا نتغدى برى ونسينا الصمام ..
اخذت عود خشب من شجره صغيره ودخلته في فتحة الصمام ومشت الامور صح ..
طبخ الغداء والعود مقفل على البخار صح .. جينا نشيل العود ما قدرنا .. يعني نشب داخل الله من هالبلشه ... !!
وشلون تبي تفك الكاتم حاولنا وحاولنا لين طلعناه بزراديه لانه انكسر داخل وطالع شوي من راسه ..
المهم طلعنا العود ونسم الكاتم ..
بس يوم جينا ناكل الا فيه طعم بالاكل غريب .. تقل شي محروق !!
اثاريه العود طعم بالاكل من داخل صح ان الطبخه هاك اليوم مش ولا بد لكن الجوع يخلي الواحد ياكل اللي قدام واللي ورى ..

يالله عاد نبي مالايقل عن 30 فكره او اقتراح ..

[ابن سبلان]

السلام عليكم ورحمة الله وبركاته
اخوي مكشوتي نسيان اوفقدان الصمام في البر تصير بعض الاحيان ولاكن وضعك للعود خطير جدا حيث انك ماسمحت للبخار بالخروج واحمد الله انه ماانفجرفيك والحل الامثل هو انك تجيب قطعة قصدير اوقطعة قماش وتلفها حول فتحة الصمام وتجعل البخار يخرج بصوره قليله واذا توقعت استواء الاكل انزع القصدير اوالقماش وبالعافيه (مع العلم اني استخدم القصدير الى اليوم مدري عجز ولابخل والاكيد انه نسيان ) وشكرا

[شاهد عيان]

فنجال القهوة هذا أحسن حل ...

[مكشوتي]

ابن سبلان ..
قضية اني حطيت العود و ما سمحت للبخار انه يخرج ... نفس طريقة الصمام هم بعد هو ما يسمح للبخار انه يخرج
لكن قل وشلون اطلع العود اذا نشب داخل !!

عموما فكرتك حلوه وبسيطه

[مكشوتي]

شاهد عيان شي جميل ..

وش دعوه يا شباب وين الناس ؟؟؟؟

[النبراس]

بصراحه افضل طريقه هي
وضع عود كبريت بمكان البلف لكن تحطه بصوره ان القدر ما ينكتم كلياً


عموماً الكاتم ينفجر هذا كان زمان لأن الحين فيه بلف التأمين يعني اذا كان
بلف التأمين شغال ما عليك ابد
وهي الطريقه مجربه اكثر من مره
<== دايم مضيع البلف

[عاشق الجبال]

السلام عليكم ورحمة الله وبركاته

اخي الكريم مكشوتي : عامل الكاتم معاملة القدر العادي
تقبل تحياتي

[العنكبوت]

خخخخخخخخخخخخخخخخخخخخخخخخخخخخخخخخخخ
والله يابه كلكه تمشي مليوووووووون فوق بس ماعلينا

عموما اذا نسيت احمد الله على كل حال واطبخ به عااادي
كنه قدر عادي او كما قال الاخ شاهد عيان انك تحط فنجال
او اي شي ثقيل مع نفس الوقت ينسم لاجل لايفقع

تحياتي

[قتاد]

اتوقع ان افضل طريقة هي الوقاية
يعني مثل برادات المساجد

اربط البلف بققيز وشده مره ولو تلحمه افضل وتربطه بسلسلة في حلقة ميدالية كبيرة وتثبثها في يد القدر
ولا تطول السلسلة علشان ما تبلشك وتدودل وتطيح بالجمر وكل شوي غسيل

هذا اتوقع افضل حل خاصة الي معه قدر غالي مثل سب حيث انه افضل قدر ضغط

والله أعلم......

[بر الوالدين]

والله على ما قال الاخوان إنك تطبخ طبخ عادي وخلاص

[عابر]

مثل ماقال ألأخ نبراس سكره بعود وبلف التأمين إذاكان يعمل يكفي والطريقة مجربة كثيراً .