من منكم هجم عليه حيوان ؟؟

[شحبار]

السلام عليكم
ياريت كل من حصله موقف هجوم من حيوان مفترس او اليف يذكره لنا لنعرف كيف التصرف معه ونستفيد من المواقف
وانا اذكر لكم موقف صارلي قبل 14 سنه تقريبا كنت في السياره وهي باب واحد ومعي اثنين
ودخلنا استراحه وكان بها كلب اعزكم الله يهاجم عندما نزل السائق من السياره هجم عليه الكلب وعضه من الخلف وكنت انا راكب المقعد الخلفي فغفز صاحبي الذي بالمقعد الامامي الي الخلف وعندها ترك الكلب صاحبنا ودخل معنا بالسياره وكان يحاول عض صاحبي انا من الخوف دفعت الكلب وبعدها عضني على يدي اليسرى والله بعدها لااذكر ماجري لكن اذكر انه تحتي وانا فوقه ويدي الثنتين على عنقه وبعدها جائ البنقالي يصرخ على اتركه بابا وتركته وانا في هاله يمكن هستيريا هههههه
انتظر مشاركاتكم

[ولد دوارد]

انا اقول قد عضي ضب يانشاما وادور ولافكني واجيه بعامود الكهرب لين فك وهو دايخ

[شحبار]

الحمد لله انه فكك يقولون الضب اذا عض ما يفك
وجزاك الله خير على المشاركه

[شحبار]

سنه 1408 كنا بالصيف في عسير وكان هناك مطل فيه قرود وكان واحد من الشباب يصور في كامره الفيديو وهو ينزل لهم بالوادي وكان هناك قرد كبير يراقب وكنا نحذر صاحبنا منه
فجأ هجم على صاحبنا من الخلف ومسك رأسه يصرخ ويهز بقوه والله كانت عنده انياب لو عض صاحبي يمكن يضره فكه الله

[جمعان 22]

عقاب ..... وجدناه لا يستطيع الطيران ..الظاهر انه مصاب بجناحه


حطيته في غرفة وجيت ابعطيه قطعة دجاج ....... وبسرعة البرق يدي كلها دم تقل قاطعها بموس

الشرهة علي يوم جيت ابوكله واخليه يتغذى وتتحسن صحته



لكن اخذناه وبعد فترة من العناية - اسبوعين تقريبا - في بيت العم ... استطاع الطيران و تركناه يذهب من الحي الى موطنه الاصلي:d

[فهد بن مشبب العاصمي]

ياهلا بك ياخوي ..

ذكرتني بسالفه مضحكه حصلت لي . .

كنت في الصف الاول متوسط ورحت انا وولد خالي الى بقاله تبعد عن مكاننا حول كيلو والمنطقه قليله البيوت فيها اغلبه خلاء .. رحنا مع طريق ورجعنا مع طريق سوينا بنختصر ..

وحنا مقبلين على هاك الحوش . .فيه حوالي 8 كلابه بوليسه 2 كبار والباقي وسط تكرم . . المهم ونشوفه تنبح وتركض لنا .. قلت له وبكل ثقه خلنا نركض لها عشان تهرب لأنه يقولون الكلب اذا لحقته يروح وان رجعت لحقك خخخ مسوي حكيم بس مهو دايم

قالي يله ونركض لهن .. الا ووالله نشوفهن مقبلات مانفعت الحكمه ونديور وكل االاغراض بالارض .. خخخخخخخ يازين الحياة .. ونوصل للبقاله وقلوبنا بتفجر من الخوف صغارين والكلاب تكرم بوليسيه و8 . .

ورجعنا مع طريقنا الاول بلا اختصار بلا هم وجابنا خالي بالموتر عشان ناخذ الاغراض هههههه . . واخذته قاعده مهو كل الكلابه تهرب اذا واجهتها خخ

تحيتي لك

[شحبار]

الحمد لله الي فكك ياجمعان من العقاب وجزاك الله خير على الموقف
الحمد لله ياخوي فهد النحشه نصف الرجوله لانه هذا بهيمه مايعرف الرجال
مثل يوم قالوا حق عنتر في ثور هايج تعال قال وش عرف الثور اني عنتر
والي تطري عليه سالف صارت او شافها او سمعها لايبخل على اخوانه

[الكرتون]

السلام عليكم
أنا قبل ثلاث سنين كنت جاي من البر وجايب الشويه
ونويت الأستراحه على شان الشوي
شبيت النار وقمت أشوي
وباب الاستراحه مفتوح وجارنا عنده الله يعزك كلب بوليسي
وشوي الآ الحس وراي
فريت راسي الآ الكلب فاتح فمه ونيبانه واضحه وضوح الشمس
وماله عن المحساس داخل فمه لاشعورياً
وليا صريخه ويعطيها من دربه اللي جا معه
ومن يومها لاشافني عانه حط رجله
وراعيه يقول أنت وش مسويله على شان يذل منك هلون
وقوله خلها مستوره ماني معلمك

[مالقيت نك]

هههههههههه هاهاهاهاها .. موضوع .. انيق جدآ جدآ ...

مره ياطول العمر .. سيارتي بالورشه .. وانا بالبيت

وابي اروح للبقالـه ..

قلت ياولد مالها الا ادقها مشي

يوم مشيت ووصلت للبقالـه .. والقا كلب { اعزك الله } منســدح

<_ ملقوف

قلت قم عسساك ماتقوم << واخذت عصا وجيت ابضربه

ويقوم الكلب ويهج وانا اجــدع العصا ... وديورت ابي البقاله ..

يوم التفت لقيت الكــلــب ررررررررااااجـــع علي يمشــي مليووووون

<<< هــج راجـع للبيت

مامداني اروح للبيت .. وهو وراي يبي يعضـن
وادخل بيت جيراننا << خواف هههههههه

اهم شي اني حلفت ماعاد اتلقف على اي شي لو دجاجه ميته هاهاها

[قناص اماراتي]

هههههههههههههههههه
تسلم على الموضوع
سالفتي الله يسلمك قبل ثمان سنوات في مدينة العين بالامارات وكان شتا برد موت وكنت انا لابس كوت من الحجم الثقيل وكنا موجودين فالعزبه وكان موجود هناك حمار الله يعزكم وكانو العيال يركبون الحمار فأنا كنت ماشي من قدامه إلا يهجم علي ويعضني من كتفي وماهو راضي يفك والعامل يحاول يبعده لاكن ماشي فايده لين ما وقعت على الارض وبعدها يجي ولد عمي ويضربه على راسه لين مافكني الله منه ولما ناضرت لقيت كتفي كله دم
( والله الحمار طلع يعض وانا ماادري بعدها ما اقرب صوب الحمار )
وذاك الحمار ماكمل 20 يوم وبعها مات........
تسلم ياراعي الموضوع

[أبوقزاز]

هههههههههههههههههههههههههههههههههههههههههههه انا مت عليكم ضحتس

لااناا الحمدلله حذر مع الحيوانات^_^
ماقد بغاا يعضني تسلب(كرمتم)ولاا شي

بس قد عضني ضب صغنون^_^

موضوع رااااااااااااااااااائع

موفق خير،،
فمان الله

[حق الفيتو]

انا مرة كنت طالع بمخيم لنا بالسلي يوم كان خلي


المهم وكنا بشتا وانا كنت بروح للخلى وانا امشي قطعت العقم وامشي مرت كم عقم وانا شارد الذهن ووما اشوف الا ثلاث كلاب تنبح وانا الي اديور وطيران على اني سمين الا اني ما حسيت بالعقوم كنيس

[حق الفيتو]

واذكر مرة كان عندنا عصافير الي تشبة الببغا بس قزمات

المهم مرة مسكت معي بطلعهن من القفص وانا الي امس واحد ويعض اصبعي واطلع يدي ممن يطلع الطير وامسكة بالطاقية

[تميم الحلوه]

اخوي مشكوور على الموضوع الطريف

أخواني يوم من الايام أنا ولد خالتي نمشي رجليه

وفيه برااحه محطوط فيها ملاعب كوره ترابيه تقريباً كبرها 200 متر في 200متر

وفيه كوم حصى و تراب محطوط على يسار البرااحه وفيه واايت يبعد عن كوم الحصى والتراب 20 متر تقريباً وعاد الله يكرمكم في 6 من السلق متسدحين عند كوم الحصى والتراب

وانا نمشي كان ورانا مجموعة هنوود حدود 5 قلنا ياولد تمنذل على الهنوود

رحنا وحدينا السلق على الهنود والهنود تفرقعوا واحد منهم راح يم الوايت

وكان تحت الوايت سلقه ذكر مغطيته الكفره يوم شاف الهندي طلع في وجه الهندي


الهندي

من الروعه داخ انا شفنا الهندي داخ قلنا لا من دري ولا من شاف العطه بس العطه

وارجعنا للبيت ... ولا يندرى وش جاا الهندي

:d

[نسكافيه]

بعد مطارده لمدة يمكن 10 دقايق ،،، قدرت أوصل المخيم و أدخل بيت الشعر ومنه الى خيمة خلفية.

بعير هايج وسط الأبل ما دريت عنه، أحسبه مقيد....

والله أنه مرعب صدق