من منكم هجم عليه حيوان ؟؟

[Octopus]

يوم كنت فالابتدائي طالعنا نتمشى وقلت لولد عمي خلنا نطلح الضلع ندور بشام ويوم وصلنا نص الضلع لقينا كلبين ونطردهم وشردوا وطلعنى شوي لقينا جراوه حليوين قلت خلنا ناخذ واحد قال طيب المهم قعدنا نتنقى لقيت جرو ابيض واخذته وقعت امشي بين الكلاب الصغار و وطيت رجل واحد منهم وانا ما ادري الا ويصرخ ذيك الصرخه الي تسمع صداها فكل الضلع والا نسمح صوت نباح الا الضلع فيه فوق 11كلب وحط رجلك والجرو الابيض معي ويطاردونا واخش لك فيك القشعة الله لا يوريكم تمليت شوك ونقزت صخرة ما ادري كيف نقزتها وبرضهم ورانا وارمي الجرو وتوقفت المطاردة يوم جيت عند الوالد قعد الوالد ينزل فالشوك ويسب وبكل شوكه ضربه هههههههههههههههه والحذيان الله يعزكم ما ادري كيف انقطعت نصين وترى هذي كلها فخطوتين من الخلعة
تحياتي للجميع

[شحبار]

اشكر كل من شارك بهذا الموضوع واسعدنا

[حسـام]

قبل يومين كنت أتعشاء في مطعم وطلعت براء لقيت ثنين قطاوه متخاصمين ويبون يتهاوشون لاكن للحين ماتهاوشو واحد يقوا ميوووو والثاني يرد عليه بـ ميووووووو وهكذا وأنا أجيهم بفرقهم وقول لهم لا لا لالالا أعقلو يا حيونات..ولا عبروني ولا شي وأنا اجلس عندهم ولا ألتفتو فيني .. وأنا أمسح على راس واحد منه أهديه . وانا أرجع للمطعم واجيب لحم من بقايا عشاي وانا أعطي واحد وياكله كله وانا ارجع للبوفيه جنبهم قلت عطني حليب سايل مركز في صحن ويشربه كله وانا امسح على راسه ورقبته تصاحبت أنا وياه أخر شي رفع يده وخبط يدي بمخلابه شق اصبعي قلت يالله الحمد لله على كل حال

[abaady]

مشكورين على المواقف المضحكة

انا قصتي غير عنكم هههههه انا و انا صغير طلعت مع جدي (الله يرحمه ) و مجموعة شيبان و ملتفين حول النار نتدفا
و الله و احس شئ يتحرك على ظهري و انقز من الخوف و ما ادري اش الي في ظهري و الله و يشغل جدي الكشاف
الا هو الداب الاسود يمكن طولة متر او اقل او اكثر بقليل : لا: و الله و يسحبه واحد من الشياب و يصقه جدي بالاشتراك
هههههههههههه (رب ضارة نافعة ) الموتر تعطل قبل ما نجلس و نسوا الاشتراك ما رجعوة السيارة ,,, و الله و نناظر الداب
الله يجيركم و نلقا راسه مقسوم نصين و الحمد لله على سلامتي و اعذروني على الاطالة

[قرم التميمي]

هههههههههههههههههههههه تعليقات حلوه

[قاهر الخيل]

انا مره كنت رايح للمدرسه المهم يوم طلعت من الحاره عندنا مستوصف في برحه كبيره مرره المهم كنت متاخر انا واناضر لقيت سلوقي منسدح بالبرحه وحلت عليه حصى ومشيت مادريت الا هو وراي يمشي مليوون وركض لمين المدرسه وكانت بوابه المدسه الكبيره مفتوحه دخلت ودخل وراي هو كان هايج ويلا تعال شف الطلاب واحد معضوض منا ووحاد معضوض مناك المهم ربع المدرسه ذاك اليوم طلعواا هههههههههههههههههههههههههههههههههههههههههههههههاي

[واحد 123]

للرفع
ادري ان الموضوع قديم بس بصراحه راااائع

[حمدي الرشيدي]

ههههههههه موضوع رائع وافضل طريقه اذا الضب عض اصبعك اضربه باصبعك علئ راسه قويه شوي راح يفكك طريقه مجربه -

[درجلان الشمال]

قبل 8سنين قررت اني اقضي شهر العسل بالهند ومن ضمن برامج السياحه زياره حديقه الحيوانات نظام الحديقه اكثر الحيوانات الاليفه منفلته وفيه زاويه فيها قرود المهم نتمشي بينهم وانا نافخ صدري اقالي شجاع ومايهمن وانا اللي باحميك يازوجتي العزيزه وبجنب القرود فيه كشك شريت جوز الهند وقعدنا نقدع ونشوف القرود بعد دقايق جاء قرد واخطف شنطه الحرمه طبعا وضعك هنا صعب جدا مالك الا تجزم عليه واللحقه 5امتار بسرعه البرق ويترك الشنطه ويديور علي طبعا انا كانت مشغل التيربو ماامداني اوقف واكمل وانطه الان صار بيني وبين المعزبه راح واخذ الشنطه وطلع للشجره الموقف ذا ماانساه ابد واروح للمسؤول الحديقه واشواء فزعولي نزلوله اكل ونزل هو والشنطه وعطوني اياها وكل ذاك الشهر وانا احاول اعوض الموقف واتلقف واقرب للفيل ويلف خرطومه علي رقبتي اثره يمزح مع الزوار واصارخ ابي النجاه انصح اخواني العزاب المقبلين علي الزواج هجوا عن حدايق الحيوانات
وشكرا

[فراولة حادقة]

هههههههههههههههههههههه
حلوة القصة الله يعافينا والله انا عندي كلب مثل قطة كلها حيوانات

العاب

[عدد وحدد]

درجلان الشمال
هههههههههههههههههههههه الله يسعدك ماحناب قاربين الحدايق بعون الله بناخذ نصيحتك في عين الأعتبار بس لو انا منك مارد اعتباري بفيل ادور قطو اشوته ولا شي بسيط ههههههههههههههه بالتوفيق

[ابوريان 1414]

قبل فتره يمكن سنه او زود
كنا في مزرعة احد الاقارب مع الاهل والاقارب
الشاهد انهم حاطين شبك وفيه وعل كبير لكنه هادي و عمدي اخو الله يصلحه في خامس ابتدائي بثر ودخل عند ومعه عصا و قام يطقطق عالوعل هههههههه
المهم جانا اخوي وريحه خياس وفيه جروح وفنيلته مشقوقه ... وش بلاك ياولد قال لالا مافيني شي
وتمسكه الوالده وتشيل فنيلته وتشوف اثار المعركة هههههههه

الزبد اخر شي يذكره اخوي انه يشوف الوعل موجه عليه ( عاد انتم خابرين قرونه )

وسلامتكم

[Lover Albatru]

هههههههخخهخهخهههههههه موضوع رائع

[الدعجية]

من المواضيع المفضل عندي وكل فتره اشطفه وشوف جديدكم هههههههههههههه