بقرة ( اكرمكم الله ) + سلب ( اعزكم الله)
انواع الزبنات
مره طردني كلب و زبنت في قوطي فول مدمس خلطه سرية بعد
هههههههههههه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
بقرة ( اكرمكم الله ) + سلب ( اعزكم الله)
انواع الزبنات
مره طردني كلب و زبنت في قوطي فول مدمس خلطه سرية بعد
هههههههههههه
طبعا قصتي تعتبر الفريدة من نوعها
كان عندي وبران مربيهم في البيت وطبعا الذكور دايما تتضارب وشوي الا في ذكرين يتهاوشون واجيك انا مسوي ابو العريف رايح افرع بينهم وشوي ويقوم واحد منهم بعضة خاطفة ماكان يقصدها علي وشوي الا واصبعي يسيل دم وقعدت يمكن اسبوع ايدي مورمة ورحت ابغى انتقم منه وذبحته وسويته مشوي وكليته
انا من زمان كنت اتسلى مع زملائي احيانا بمطاردة الكلاب تكرمون ويوم من الايام مسوي فيها القائد الشجاع ولحقنا لنا مجموعه وهربت منا عاد تعرفون القائد لابد يظهر مواهبه للي معه قلت لازم اكمل وراهم وكان فيه شحنة رمل واطلع فوقها بكمل المطارده وما انتبهت الا ورجلي نازله على بطن كلب نايم واول ماحس انه بدوسه برجلي نبح علي وتعال تشوفون التربو دوران وفركه للحاره وصلت اول واحد ومن بعدها قررت اسلم القياده لاي واحد
هههههههههههههههه
ههههههههههههههههههههه
أشوف الشباب سوالف تضحك
هههههههههههههههههههههههههههههههههههههههههههههههههه ههههههههههههههههههه
وبنسبة ل أخوي قناص أمارتي البرد خفيف في الامارات وخاصة مدينة العين دار الزين
وأذكر مرة عندما كنت شفت مرة كلب جيرمين في الهند قرب بيت خالي
ودشينا داخل البيت من خوفه
ذكرتني بأخوي الكبير كان هو وولد خالي وخوالي عند الابل وجا ولد خالي ورمى حصاه على البعير والبعير مالقا الا اخوي الكبير وجا البعير وطرداخوي ذاك الطرد واخوي يعدي وعجته وراه ويبكي ويصيح وولد خالي مات من الضحك بس الحمدلله مافيه اصابات العير رجع ومن ذيك اللحظه اخوي اعاد يحب الاباعر
هههههههههههههههههههه
السلام عليكم
اضحك الله ضروسكم كلبوكم وخاصه صاحب الموضوع
في اسبوع المطر الماضي كنت متحمس مع التغطيات والتصوير المهم كنت انزل صور بمكشات وتعبان عليها الجهاز علق والصور اختفت عصبت قل اطلع اخايل البروق احسن لي وكانت عندنا بسه هره قطوه صغيره وديعه ومؤدبه المهم كانت جالسه بزاويه عند الباب يو م شافتني امشي بطلع وهي تجي قدامي ووتتمسح برجلي ولا شفتها زين كنت مستعجل وزعلان وطيت على بطنها بقوه الا واسمع صياحها وتقعد تخدش برجلي لا ويطير برازها (اكرمكم الله ) ويشرشر ع الجدار وتهرب ماشوف غير عجاجتها .والحمد لله انها بخير وماصار بها شئ.
انا اتذكر قبل ثلاث سنين على ما اعتقد او سنتين يوم كانت الشوكي على عزها وربيعها ...
كنا كاشتين بالشوكي ولقينا ابل احد الشيوخ الكبار المهم جلسنا حولهن ..سبحان الله اشكالهم حلووين ومشيهم سبحان الله في خط واحد ويقودهم الفحل صدق اول مره بحياتي اشوف فحل لو تحط بعيرين فوق بعض ماوصلوا له << يبالغ :d
المهم كنا قاعدين حولهم وجيت انا وثلاثة من عيال خالتي نتمشى على رجولنا ابعدنا عن قعدتنا ولقينا ناقه توها والده المهم جينا نقرب نصورهم ومادريت الا وهي جايه لنا يعني افهم يا آدمي لا تقربها :d
<< عاد شغلوا المخ شوي وشلون نوصل للصغير ونصوره بقرب سوينا خطه اربعه اربعه اثنين :d
حنا اربعه وكل واحد راح مع جهه وانا الي اصور ومعي الكاميرا المهم عيال خالتي يحاولون يقربون للصغير علشان تلحقهم الناقه واقرب انا بأسرع وقت علشان اصور عن قرب .. الخطه اوكيه ضبطت في البدايه لكن النهايه مصيبه ادري بتقول وشلون .. عيال خالتي قربو للناقه وكان قروبهم ورا طلحة فا بإمكانهم يهجون لو قربت لهم ..
المهم قربو هم وجزمو ولحقتهم الناقه وانا قربت للصغير على بالي انها راحت الناقة الأم و الكاميرا الي معي فديو ولازم تحط عينك بالكاميرا والعين الثانية تسكرها من الشمس علشان تركز على عين وحده المهم قعدت ثانيتين مركز على الصغير وعلشان اضغط تسجيل ... جيت وضغطت على تسجيل ومادريت الا وأحد من عيال خالتي يصارخ يقول ترا رجعت هج وانا جيت حولت اتجاه الكاميرا للناقه الأم علشان اخلي مشاهد المقطع يشوف وين راحت الأم ومادريت الا وهي بوجهي يعني الفرق بيني وبينها امتار بسيطه ....... وهج ياولد اول مره بحياتي اركض ركض مثل ذا المهم ركضت يعني مسافة 15 متر والتفت وهي وراي ملزمه تبي تدهسن لين لقيت مجموعة طلاح دخلت بالنص بينهن يعني عطتني جهتين اقدر اهج من عندهن وهي استسلمت للأمر الواقع وشكلها شافت الصغير ومتجمعين عيال الخاله النكبه عند الصغير ومير تركض لهم ... المهم قعدت اصارخ على العيال ابعدوا هجو عنها تراها عصبت من جد.... بعد ماشفت المقطع والله اني قلت الحمدالله انها ماسوت لي شي الصراحه خلاص توبه اتوهق اوقف قدام بعير .. راحت الطلعه كلها تلفت من الخوف تجيني هواجيس اقول لا يصير انها شافتن وجايتن تنتقم ههههههههههه والله لا عمركم تتوهقون وتهبلون بناقه تراها اذا نوت عليك نوت وماهمها .
أخواني مرة ماتقربون من صغار الحيوانات البرية
السلام عليكم
ما شالله قصص الشباب مضحكة واحلى شي الاخ اللي اخذ العصا وقوم الكلب
بالنسبة لقصتي هاكم اياها:
زمان قبل حوالي 8 سنين كان عندنا ابل المهم عمي كان يمسح لبكرة ويلمسها ويسلم على خشمها
وكنت انا معه المس فيها واسلم عليها , واثاري فيه بكرة ثانية( غيرانة ) تراقب الموقف من بعيد
وشوي ماندري غير هي عاديتن علينا وتتهبد بايدينها وتعال شوف منظري انا وعمي واحد طيرته شرق والثاني طيرته غرب وانواع الكدمات الله لايوريك
الخلاصة: اتمنى الجميع يستفيد من هالقصة ترا بعض الابل يغار غير شديدة سبحان الله لافضلت عليه
السوالف تطول
والحيوانات غير الانسان فلاتملك لسان وغضبها بالهجوم
وصارت لي حوادث مع الحيوانات كثيرة منذ الصغر فاولها هجوم كلب(اعزكم الله) من اشرس الكلاب بعد ماهدوه العيال علي بسبب رميي للحصا عليه كان عمري حول 5 سنوات وكتفني على الارض ووقف ينبح بوجهي وهو على صدري وانذكرت الحادثة مباشرة عند ابوي ومن عقبها كل العيال هربوا من الحي الي انا فيه (من خوفهم من ابوي الله يرحمه) والي ذكروا الحادثة ذكروا عني عدم خوفي وثباتي في وجه الكلب والحقيقي اني تيبست من الروع
اما السوالف الاخرى فمن هجوم قوي من تيس فحل (خبطني خبط ) الى فرس كادت ان تودي بحياتي والى مطية هجمت علي وما انتبهت لها الا وهي فوقي (والحمد لله اني حرفت عنها ) والي ذكرته بايجاز شديد الغرض منه الانتباه من الحيوان اذا غضب فغضبه شديد ولايطلع غضبه الابالهجوم
وانا صغير كنت رايح مع الوالد اطال الله عمره على عمل صالح وصحه
البر وكان صاحبه عنده غنم وانا حبيت اسرح معهم وحذرني راعيهم من فحلهم انه ينطح وكنت ملاحظ مشيه ولما فلت الغنم جلس بالارض معي عصا وكان الفحل يقترب مني ورأسه بالارض يرعى لمن اقترب يمي امتار جائني يركض ضربته بالعصى رجع الى الخلف واعادها وضربته ثانيه وانكسرت العصا وركضت الى مكان الوالد
انا مرة سافرت افريقه كنا مجموعه الله يعزكم اخترب علينا الرنج ورحنا نمشي على رجولنا والى نلقى وحيد القرن الاءبيض وكان معانا خبير سفاري طلع السكتون يبي يقتل والا السكتون مافية رصاص وراح قا لنا الخبير اركضوا على هيءت zig zagعلى قولة النجليز خخخخخخخخخخخخ وزين انا افتكينا منه
الذين يشاهدون الموضوع الآن: 1 (0 من الأعضاء و 1 زائر)