من منكم هجم عليه حيوان ؟؟

[عبدالله22]

هههههههه والله سواليف مضحكه

انا عندي سالفة

مره كنت بالبر مع واحد غالي على قلبي الا ومع السواليف ولا فيه شي يتحرك

وهو قدامي احسيت فيه يوم شغغلت الجوال ولافه فار يا اني ارتعت

المهم صار في الجلسه كل 5 داقيق يجي عندنا يحوسنا ويمشي

وخرب الطلعه كلها الله ياخذه عجزنا عنه ما قدرنا نذبحه

عاد غيرنا المكان لشان ما يزعل هههههههه

[كاشت وحداني]

من جد ضحكنا كثير جزاك الله خير ياصاحب الموضوع وكذلك الشباب وعلى مواقفهم .
من افلامي مع الحيوانات رحنا الديره وفرحان ذيك السنه معاي ساكتون تو الوالد شاريها والبيت وسط مزارع وغابات ماحولنا جيران ابد .
المهم صليت الفجر وجلست شوي لين نورت الارض واخذت الساكتون بطلع اصيد ( باقي ما تعلمت اقنص ) بس طاير في العجه وانا افتح باب الحوش واطلع برا وقاعد اسحب الباب بهدووو علشان ما ازعج الوالد والوالده وانتهيت من الباب والتفت للطريق بمشي الا هالكلب اعزكم الله بوجهي ( وابتلشت ماحطيت رصاصه بالساكتون)
ولايمديني اكسرها واركب الرصاصه وانا اقوم امسكها بالسبطانه واصفق الكلب على راسه بخشبة الساكتون بسرعه وهو يدور دورتين ثم ولى عني .
ومره خروف بيلحقني يبي ينطحني وانا اركض منحاش منه لقيت علبة حليب وادي فاطمه والقطه واوقف انتظر النطحه وانا اوزن الفتحه على راس الخروف هو صحيح نطحني وطيحني بس نشب راسه بالعلبه وصار عليه ضحك ما ننساه ذاك اليوم .

[H5N1]

ياجماعة الخير
اسمعوا قصتي
أنا سنتن من الأيام أمشي مع ولد خالي طالع مع جنوبي قبة رشيد ورحت مستقبل من عند أم حزام اللي تبيع ديتسه ورابطتهن باصابع رجلينه
وانا متوجهن جهة البوطه وألقى بيت طين مقلوعن بابه يفتح جنوب وعنده سلوقي أعزكم الله وقباله جمس عبارتين ومن زود لقافتي قلت أبمر أشوف هالتسلب ودخلت منبين البيت والسيارة والله لايوريك يدعس وراي التسلب ورجليني يصكن بعلباتي من الركض ولا أقدر ألتفت ويجيك يمغط رقبته ويعضن هالعضة مع (..........) وسنونه تقل خرامه همن رجع لبيته وجاء عندي ولد خالي وجاء واحد يضحك ويقول وين اللي عضه الكلب ؟
قلت له راح من هناك وأنا قاعد أفرك عضته حسبي الله عليه يوم رحت للبيت تجي أمي منيره وتدهنه والحمدلله على كل حال وآسف للإطالة!!!!!!!!!!

[الصخري - تبوك]

بعير مجهم اسود يفضخ القلب .. طلع علي بالمزرعة .. وانا اللي اديور وطيران للبيت
الحمد لله فكنا منه .. شكله حاقد علي مع اني ما سويت له شي

[عزٍيزٍ]

هههههههههههههههههههههههههههههههههههه

يازينكم ويازين قصصكم ,, فطستوني ضحك

سسسالفتــي ,,,

مره من المرايت , يوم انا بزر كتكوت , كنا مسافرين عوايل , لمدينه أبهآ ,, وكآنت شلة العيال كلهم بالسفرهـ ,, إلمهم ,, انا كنت اصغر منهم , بس احشر نفسي معهم , راحو للقرود , وطرت بساقتهم ههههه
عاد مايعرفون شي اسمه رأفه بالحيوان ,, مافيه الا تفليق بالقرود ههههه
عاد زعيم القرود عصصب , نص افراد قبيلته , يخرخرون دمامين ههه ,, مادرينا الا وهو صارخ ذيك الصرخه , ( اعلان شـن الهجوم ) شلتي كل واحد عض ثوبه , وحـط رجله
انا ركضت شوي , وتعكرفـت وطحت , يوم قمت والتفت ابشوف الزعيم بعيد والا لا , لقيته يبعد عنـي يمكن 15 متر ,, وجاي مجلعد يبي رقبتي ,, انا (( جـتن اووم الركـب ) عجزت اتحرك , وخـذ صياح , لعل وعسى يرحمن ههههه ,, مافيه فائدهـ
فجاهـ جاء (زورو ) ولد خالي الكبير , يركض , يوم قرب القرد خلآص مابقى شي , ويششوته شوته والله مادري وشلون اعبر عن الموقف ههههههههه القرد طار شوي بالجوء , يوم طاح قعد يناظرنا , وهج
الى الحين وانا اذا شفت ولد خالي امططططخه ههههههه

آسف على إلآطآله

[السلوم 2005]

انت حيوانات ههههههه
انا حشره ... عاد وشي ذي الحشره الله يبعدنا عنه (عقرب)
كنا انا والوالد وصديق الوالد بصمان تونا واصلين قعدنا نتعشى قال ابوي رح جب المويه
رحت جبيت الماء عطيته ابوي حسيت بشي على رقبتي يمشي وشي...
قسم بالله العظيم ياشباب انه عقرب كبيييييييييييييييييييييره وسوووووووداء
ومن غير شعور نزلته من رقبتي من كبيرها يوم طاحت بلأرض بينت مكان
والحمد والشكر لك يارب علىى السلامه

للمعلومه ترا فكن الله منها بفضله وبفضل الأذكار الصباحيه والمسائيه
كل الطريق من الفضاوه اردده
يااااااااااااااااااااااااااااااااااااااااااااااااا ااربي لك الحمد
ومع السلامه

[الستانس]

فيه حيوان اعزكم الله اسمه تنين كومندو

هذا ورر كبير يجي طوله ثلالث امتار او اكبر الله اعلم

قد طردني وانا في سرلانكا في منطقه ريفيه الله لا يعوده من يوم كان يمشي وانا رايح اكلم واحد من الربع الا واشوفه وراه واقوووول له الهجه واديور وجاب الله وراي حوش بقر والله واطمره انااثر خويي راح يحيوط على حوش البقر خخخخخخخخ
واسبقه وارقى على مدخنه ((مشب)) البيت اللي ساكنين فيه وخويي وراي ويوم سألنا اهل الديره قالو لنا مالم خخخخخخخخ
بس انا ما اقتنعت


بتلقون له صور بالنت

[النمر]

زين أحسن ما أكلكك
ومرة ثانية لو شفته تقدر تركض

[النمر]

خخخخخخخخخخخخخخخخخخخخخ

[حوات جده]

مره انا والوالد كنا بطريق السفر لقينا جمل وقفنا السيارة والكاميرا معانا
قال لي الوالد روح جنبه اصورك قلت له ما يحتاج الا وأصر يصورني
فوقفت جنبه واسحب حبل مربوط فيه
الا واسمع صوت الجمل قودزيلا وقسم قلبي طار
وأحط رجلي وهو يلحقني والوالد يلحقه انا من الخوف ما عد شفت شيء رجولي تدق بظهري وجاء الوالد الله يحفظه سحب الحبل الا والجمل يلف عليه ويلحقه ودعس انا طليت حزنان واش أسوي
الوالد اندس ورا السيارة والجمل حايص يدور عليه لما مشي

و لا أخذنا صورة ولا شيء

[شحبار]

الحمد لله الذي حفظكم من هذي الحيوانات القرد والجمل والعقرب والكلب اعزكم الله وحيوان سيلان لابدمن الحذر ومن خاف سلم والواحد دائما يذكر دعاء المكان وادعيت الصباح والمساء والله الحافظ

[هوى يالبر]

السلام عليكم ورحمة الله وبركاته
السالفه له 8سنين كان عند الوالد مزرعه
وكانت حصينه لاتدخله الاكلب ولاغيره
وتدخل هاكل الكلب وتولد بالمزرعه
مدري وش لون دخلت وهي
وجراوته واجي اتحرش فيها ملقوف
وهي ماغير وه وه وه وه وه وه وه
وتحمق علي وتلحقن واصف رجلين واركض
وهي وراي وقلت خلاص رحنا ولتفت يمه واشوفه مدبسه يمي
امر وجي وقلت ياولد وشلون اتخلص منه واخذ حجر ويوم رفعت
ايدي وتهج والله الي يومكم مدري معين هجت من الخوف خخخخخخخخ

[الأجودي]

ههههههههههههه موضوعك حلو ياخوي
انا عظني ببغاء الف مرة لاني مقرود

[أبو_خالد]

مرة قضى بي ديزل العايدي بجمب المارد والله ورحت يم راعي الخيمة اللي على المكينة يمكن كان نص كيلو .. والا الله لا يوريكم هكالكلب الصايل اللي تقل أسد ماهو كلب ..!
أنا قلت بيقرب شوي ويقعد ينابح ثم ياقف والا يدور علي .. ولا توقعت الصراحة اللي صار!!!

الحاصل إنه قرب حيـــــل وهو على سرعته الجنونية! .. وألتفت للأرض أبي آخذ حصاة إلا شيء عشان ألزخة بها .. وإلا والله الأرض تقل منظفة من الحصى .. والكلب وصلني وإلا قوطي صلصل وآخذه وأغرف به تراب وأصكه فيه وقعد يهنوص الكلب لكنه ما زال صامل علي!!
وأقعد أنا وإياه بالشماغ أهشهش عليه .. مادريت إلا راعي المكينة جاء ويصيح من بعيد (لا تخليه ينووووشك) المهم جاء وفرقنا بالعصاء وقلطني عنده بالخيمة..

وقال لي : الحمد لله على سلامتك من هالمسعور الله فكك وقال لي : الكلب هذا عض بنقالي قبل يومين ولا زال بالمستشفى !!


والحمد لله

[ي ح ق 517]

السلام عليكم

انا اردا منكم مره من المرات كنا بمزرعة جدي الله يرحمه واموات المسلمين...امين..
وكان وقت ظراب البقر ( التزاوج) وفيه عمال جايبين من مزرعة ثانيه بقره بسيارة (الدينا)
وكان عند جدي ثور اكبر من البعير من كبره واقشر وكنا صغار هاك الايام والثور داخل
الحوش والشبك حقه من حديد مواصير ويوم شاف البقره استلج وهو يعف الحديد ويكسره وطلع علينا
وماتلقانا الا فوق النخل قسم بالله اننا راقين فوق النخل من شدة الخوف...ولكن فكنا الله من شره...