يعطيك العافيه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يعطيك العافيه
شاكر لكم على المرور والمشاركه والدعاء لي
انا مره من المرات كنت رايح افطر من البوفيه يوم طلبت وخلص الطلب وانا اخذ منقاش سنون (اسنان) يوم طلعت وانا اشوف دينه محمله بناقه ومعها ولدها وخويي يحتريني بالسياره جوعان وانا مسوي فاهم للبعارين جيت ابعطيها عود اسنان يوم قربت يدي من لمها
الا و بااااااععععع وانا انز ذيك النزه والله يا بغت تعضني و حرمت لا اجي ناقه عندها ولدها
>>>>>المره الثانيه خل البعارين لاهلها
ههههههههههههههههههههههههههههههههههههههه ضحك تجيكم سالفتي انا مره وعيال خالتي اثنين وولد خالي وولد خالي الثاني وولد حالتي المهم حنا سته طالعين مزرعه جدي وقت عيد الظحيه قبل اربع سنوات وكنا نهبلبه دخلنا ذيك المره حوش في ثيران وفيه سور وباب فيه دجاج ولازم اذا بغيته تمر مع هالحوش وللحوش بابين باب صغير خلفي وباب كبير امامي قال ولد خال واحد يروح مع هذاك الباب عشان ما تنتبه الثيران للي مع الباب الكبير نجحت الخطه ودخلنا عند الدجاج ونبغا نروح مع الجهه الثانيه وفيه حوش في 4عجل وامهم ويطب واحد من عيال خالتي وراح مابقي الا انا وواحد ولد خالي قلت منب طاب قال تطب ولا تجلس ويدري عنك جدي ويهاوشك ولاقدر تطلع الا من هنا او اذا درا عنك المهم وافقت وطبيت ورحت للجهه الثانيه عادي قلت ابرجع ثانيه .................مسوي قوي المهم قلت ابقرب العجل وقربت واسمع ولد خالي يقول افقع افقع جك البقره اتلفت وفي وجهي وانحاش واطيح وتجي تمشي مليون وطت رجلي بس الحمدلله ماانكسرت وكل ماجيت ارمي البقره بحصا
وهاذي سالفه ثانيه مره رحنا للبر وخذت ولد اختي صغير عمره سنتين اوريه البعارين ولا فيه ناقه واروح اشوفها واسمع رخض وصوت فحل مادريت ال اخوي يناديني انحش انحش والفت ولا ذاك الفحل يمشي مليون والشيل ولد اختي واحطه على كتفي وادعس يالذيب مشيت ركض مسافه تقريبا من 15 متر الى 25متر والفحل ماوقف الين رجمه اخوي واشوا راح وجيت ولا ابوي كان يتغدا قال ورا وجهك اصفر قلت لا بس جوعان ولد اختي طلع الي كله الله يكرمكم وانا ماتعديت الفرشه في ذيك الطلعه وعقبها اشوف نياق اقول ما نجلس هنا
وهاذي سالفه واحد اعرفه رايح للجنوب المهم يقول رحت ابصور القروده ولا في قرد كبيييييييييير يقول اقرب يومن نبح كنه كلب ويقل نرجع للسياره نمشي مليون ويقول خل معك حبل وامسكه مع الطرف وحركه كنه ثعبان ويخاف ولا خشبه سوها كنها بندق يرتاع
ومعليش على الاطاله
هههههههههاااااااي ضحكتوني والله ياهي سوالف حلوووووووووو ياليت شباب تقول مواقفها والا يرفعوون الموضوع وانا بقول سالفتي مره كنا انا واثنين من ربعي رايحين بالسياره عند الشركات ندور كلب حق هواش تعرفون اكثر كلاب اللي يربونها الاجانب تجي قويه وتصلح للحراسه المهم وحنا ماشين الا ذاك كلب اللي طالع من الكمب سكن عمال قال صديقي بس هذا اللي نبيه نمسكه وكان معنا عظام دجاج المهم قربنا من عند الكلب جلس ينابح علينا واخذ1 صديقي بعض من عظام ورماها له وجلس الكب ياكل وقرب من السياره المهم جتني الشجاعه انزل له بس صديقي حذرني ان انزل من السياره قلت له لا تخاف افتح شنطه السياره وانا بركب كلب وانزل له المهم قربت للكلب ومعاي عظام دجاج وقرب كلب عندي واكلته من يدي وصديقي يحذرني يقولي انتبه لعمرك تراه مايعرفك يمكن يعضك وانا ذيك الوقت قلت له لا تخاف محمله بسياره المهم حطيت يدي فوق راسه ابي امسكه الا يقول الله جابك لي وينك عني من زمان هههههههههههاي عض يدي ويفركها بقوه وانا امسكه من رقبته واطيحه على الارض وابرك عليه وينتف فخوذي واشوووف دمي زي نافوره وصديقي مصدووووم من الموقف وبسرعه اترك كلب واركب السياره حتى نعويلي نسيتها من عضته هههههههههههههه المهم احط يدي على مكان عضته بفخوذي الا دمي يسيل بغزاره وصديقي ماوقف سياره الا بالمستشفى وخذ لك 9 ابر ويطهرووون مكان العضه ويوصلني للبيت الا والوالد بجي شفيك قلت له سلامتك طحت على قطعه خشبه فيها مسامير هههههههههه وبعد ساعه الا صديقي يسمعني صوت الكلب بصندووووق سيارته اثاريه عنده واير الابريك للسياره يستعمله لشنق الكلاب ومسكها واخذ ثوبي وسروالي وعلقهم بقرب من قفص الكلب هههههههههههههههههههه للعبررررررررررررررررررررررررررره
أنا مره من المرات كان عندي دجاج بالبيت
وكنا أنا وأخوي نلعب مع الدجاج لعبتنا الخاصة
واللعبة هي أني أاخذ دجاجة وأهج ويبدأ الديك والدجاج كلها تلاحقني
وذاك اليوم أخذة دجاجه وأخوي معزز لي ونهج ركض بالحوش
يوم وصلت الباب الي يودي لمجلس الرجل والصالة أجدع الدجاجه
ويرجع الديك والدجاج الي معه ..المره جدعت الدجاجه بس المشكلة الكبرى
أن الديك والدجاج ما رجع بتل لاحقني وأدخل الصالة والوالده قاعده
تتقهوى وررررر الديك على الزمزميه وعلى الكنب والوالده الله يحفظها
صرااااااااااااااااخ وتشوف الصاله تقول مخفق دجاج عقبها حرمت اللعب اللعبة النكابيه
أسف ع الإطاله لاكن موقف لاصق براسي ما راح أنساه أبد ..!!
والله موضوع شيق تشكر عليه
لكن بالنسبة لى عندي مواقف كثيرة جداً بحكم أنني أعشق صيد الحيوانات والزواحف حية وتعرضت حوالى ثلاث مرات لعضة ثعلب ومرتين لهجوم ذئب ومرة هجوم كوبرا كبيرة الحجم وهجوم الكثير من الكلاب البوليسية والعادية الشرسة ولكن والحمد لله ربنا اللى بيسترها وهناك مواقف كثيرة هذا ما تذكرته منها وأخيراً منذ فترة بسيطة هجوم سمكة قرش وربنا ستر . . . صدق أو لا تصدق . . . حياتي مليئة بالمخاطر .
يقولون مثل مصري عندنا " إبعد عن الشر وغنيله " أنا لا أعمل بهذا المثل فأنا أقترب من المخاطر دون خوف والحمد لله ومن أجل ذلك تجد عندي الكثير من فراء الثعالب وأيضاً الثعالب المحنطة والذئاب المحنطة أيضاً والثعابين محنطة أحجام مختلفة وكوبرا ومثل مايقولون مثل مصري أيضاً " عمر الشقي بقى " وأيضاً هناك مقولة " ويفوز باللذات كل مغامر "
انا قد عضتني عنز الله لا يبارك في العدو
هههههه من القصص الي صارت معي..بحديقة الحيوان الي بالطايف هالكلام اضن قبل 15 سنه...كان عمري 7 سنوات..رحنا الحديقه المهم جيت يم النسور ذيك ام رقبه طويله الي نشوفها بافريقيا ههههههه..المهم مدري وش لقفني ودخلت يدي لواحد قريب من شبك القفص وما دريت غير الدمان تصب مني يدي..بسرعة البرق لقط اصبعي ..ومن يومها م طبيت حديقة الحيوان توبه ههههههه..ومن القصص برضو ولد عم لي هجم عليه كلب وهو عمره سنتين او ثلاثه ماني فاكر..ونهش السمانه الي بساقه وللحين اثارها باينه..الله يجرينا من الشر..مشكور يالغالي على الموضوع
ابو متعب..عبدالله
على طاري سلفة الحمار وانتم بكرامه..شهدت سالفة لواحد من الجماعه..عضه الحمار في جنبه..الشاهد انهم ضربو الحمار بالعصي على راسه وبالحجاره ما فكه الحمار لين الشايب..سحب جنبيته ونحر الحمار..والله انهم ما خلو شي حاولو يفكونه رفض ..وما نفع غير انهم ينحرونه..فانتبهو والله ان عضتها شينه ههههههه
كنت أطارد كلبا ضالا شرسا كبير الحجم و انا على اقدامي و ليس معي أي اداة
لضربه أو الدفاع عن نفسي !! و لما اعياه التعب رجع علي !!
و لم أجد ما افعله سوى تبادل الدور معه ليقوم بمطاردتي ( واحدة بواحدة ) !!
و انا أجري هربا منه مررت بشحنة من مخلفات البنيان أو الطرق -
أخذت حجرا كبيرة منها و أنا أجري و هو خلفي !! فرميت الحجر من دون
أن أنظر إليه .. فسكت صوته و نظرت فإذا الحجر في فمه و قد خر صريعا لا يتحرك
تذكرت قول الحكيم : فكر بالخروج قبل الدخول ! و شكرا
الذين يشاهدون الموضوع الآن: 1 (0 من الأعضاء و 1 زائر)