من منكم هجم عليه حيوان ؟؟

[الميل1]

السلام عليكم

من المواقف الطريفة

كنت صغير بالسن وكنا بالبر ايام الربيع وكانت الاغنام والماعز تنام امام بيت الشعر بالليل
وبعد صلاة المغرب كانو الاهل يجتمعون امام شبة النار للحديث والتدفئة

قمت انا قلت ابي اخوف الاهل وطلعت من خلف بيت الشعر وقمت احبي ( ازحف ) امام بيت الشعر واصدر اصوات ههههه

وكان مع الاغنام خروف نجدي كبير ينطح ( نطوح ) يوم شافني حط رجله يمي وعينك ماتشوف الا نجوم ونجوم ونجوم هههههههه

وجاء الوالد يركض وقال لي من حفر حفرة للااخيه وقع فيها ههههههههههههههههههه

تحياتي

[شحبار]

مواقف رائعه فيها الجميل وفيها المرعب

قبل موسمين تقريباً في رمضان وقت قميري كنا صياده ووقفنا نصلح عشانا بقاع وماكان معنا لمبة وكانت الدنيا ظلام يوم قلطنا العشاء ولد اختي جاب البندق جنبه ( مستحيل ينام او يجلس بالبر بندقه ماهي جنبة ) المهم وحنا نتعشى ونسمع صوت جري بالقاع شي مقبلن علينا اخذ البارود ورما صوب الصوت اللي جاي يوم شغلت الموتر ورحت واثره حصني مسعور وفكنا الله منه.

الحمد لله على السلامه وفكم الله ولازم تاخذون معاكم ليت

السلام عليكم

من المواقف الطريفة

كنت صغير بالسن وكنا بالبر ايام الربيع وكانت الاغنام والماعز تنام امام بيت الشعر بالليل
وبعد صلاة المغرب كانو الاهل يجتمعون امام شبة النار للحديث والتدفئة

قمت انا قلت ابي اخوف الاهل وطلعت من خلف بيت الشعر وقمت احبي ( ازحف ) امام بيت الشعر واصدر اصوات ههههه

وكان مع الاغنام خروف نجدي كبير ينطح ( نطوح ) يوم شافني حط رجله يمي وعينك ماتشوف الا نجوم ونجوم ونجوم هههههههه

وجاء الوالد يركض وقال لي من حفر حفرة للااخيه وقع فيها ههههههههههههههههههه

تحياتي

الله فكك من النطحه ذكرتني بموقف مشابه صارلي قبل 30 سنه يمكن بس الله فكني من الفحل ونحشت

[بريداوي اصليm]

موووووووقف جديد حصل لي قبل 3 أسابيع
كنت عند واحد عنده سلق وطلع سلقه بيوريني أياه
يوم شفته قعدت اللمسه مع راسه عاد أنا أبعدت أشوي
أبشوف السلق الي بالشبووك ما وعيت الا راعي السلق
يقول: هج هج ترا جت لمك وهو يضحك والله يا شباب أني
درت بالحوش ثلاث دورات وهي وراي والحوش تراب وفيه
جهه بالحوش به حصى وقراشيع وأمر من عنده وأطيح
وأقوم ع طول وأركض والله يا عيال أنه تضربن بيده مع
رجلي عاد أنا أقول : دامه وصلت مدت اليد أكيد بتاصل
للعض.. يوم أقبلت ع راعي السلق والسلقه وراي
وأقول له : أمسكه تكفى أمسكه << واضح أني ميت خوف
وأروح وراه ويمسكه والإصابات التي تعرضت
لها جروووح متعددت الأماكن والحمد الله ع كل حااال

أسف ع الإطاله

[قدامي البرواز]

موووووووقف جديد حصل لي قبل 3 أسابيع

كنت عند واحد عنده سلق وطلع سلقه بيوريني أياه
يوم شفته قعدت اللمسه مع راسه عاد أنا أبعدت أشوي
أبشوف السلق الي بالشبووك ما وعيت الا راعي السلق
يقول: هج هج ترا جت لمك وهو يضحك والله يا شباب أني
درت بالحوش ثلاث دورات وهي وراي والحوش تراب وفيه
جهه بالحوش به حصى وقراشيع وأمر من عنده وأطيح
وأقوم ع طول وأركض والله يا عيال أنه تضربن بيده مع
رجلي عاد أنا أقول : دامه وصلت مدت اليد أكيد بتاصل
للعض.. يوم أقبلت ع راعي السلق والسلقه وراي
وأقول له : أمسكه تكفى أمسكه << واضح أني ميت خوف
وأروح وراه ويمسكه والإصابات التي تعرضت
لها جروووح متعددت الأماكن والحمد الله ع كل حااال

أسف ع الإطاله

متخيل والله الموقف هههههههههه

[متفائل جدآ]

:

موضوع ناجح

ومواقف طريفة جدآ

اما انا مع الحيوانات مسالم.

ماقرب لهن من باب خل كل واحد بروحه.

دمتم بخير

[عتيبة]

يوم كنت بصف 4 صايد عصفور الظهر وريته ابوي وابي اوريه اخوي
كان اخوي مشغول ما قظا الا المغرب سمعت صوت بالمعشش استانست حسبته اخوي
اول ما فتحت الباب ولا ذاك القطو الي لاحقه كلب وانتم بكرامه والكلب نبح بوجهي توه جاي من الجبل
واصك الباب على نعلت اخوي انقطعت على مظنتي واصك الدريشه قلب عجزت ومن الخوف الدريشه
ورها شبك وحديد واحسب الكلب يبي يقصهن والله عقبها اول ما اصيد الشي الا وانا ماكله من الصيد الي الشوي

[العتيبي نجد]

السلام عليكم
ولله انا صار لي موقف كنت في سادس ونفسي امسك قطو المهمى انا ناجيت اللى في وقت اقشر لقيت اقطاوه يتهاوشون قربت من هم ما انحاشو قمت مكت واحد بس منوين مسكته مع ذيله تجي ثواني الى كل ثيابي دمان
قطع يديني تقطع وكيلي دمان ولا عاد امسك قطو ههههههههههههههههههههههه

[عاشق النملات]

انا هجم علي ورر ومفكن منه الا الكينه الي رقيته

[rod331]

الله يسعدك يا راعي الموضوع وكل من شارك
والله المواقف كثييييييييييييير
لكن باقول قصتين
قصتي كانت مع النحل وحنا صغار
كان عند جار لنا كم خلية نحل وحاطها في مكان بعيد وجت لحظة اللقافة مني ومن ولد عمي
قلنا لازم نشوف النحل وقربنا من الخلية ورميتها بحجر وكسرت مدخل الخلية وهربنا والضحك يشق الوجه
ومن زود اللقافة رجعنا نشوف الخلية من بعيد
أول ما طلينا على الخلية الا وحولي وحول ولد عمي يمكن 100 نحلة وحط رجلك يا ولد
داعس يمكن مليون ولا وقفنا الا داخل البيت
والحمد لله كانت الاصابات عيني مورمه ويد ولد عمي كنها قرص تين
وتوبة
اذا سمعت صوت نحلة يجيني قشعريرة
::
::
الموقف الثاني لواحد من اولاد العم غير الاول
كان دب وطالعين طلعة وفي الليل في البر وهو جالس يقطع الدجاج في صحن كبير ويتفنن في التقطيع وعنده خمس حبات دجاج يعني الصحن مليان
المهم فيه واحد من الشباب مطفي النور لقي عقرب وشال الشوكة السامة منها وجالس يخوفنا ويطاردنا والدب ما يدري ويوم خلص وهجينا كلنا من حوله رجع على الدب ويحط العقرب وراه على باله بيفاجئه وقال له انتبه وراك عقرب
.
.
.
اش حصل تتوقعون
.
.
بكل بساطه لف الدب راسه وهو شاف العقرب والا ما شافها قام كنه الذيب ويدعس على طرف الصحن الكبير اللي مليان دجاج بيشرد ويطير الدجاج فوق الرمل ويلعوز الجلسه ويطيح القدر من فوق النار والصاج ويحوس الدنيا
ويفقع يمكن 100 متر من الخوف
وبالقوه اقنعناه انها مزحه
وبعدها
بغينا ناكل خوينا المقرود صاحب العقرب
.
.
ماعليش طولتها

[مكشاتي عنيزه]

هههههههههههههههههه وناسه هالموضوع

ضحكت ضحك من زماااااااااااااان ماضحكته

الف شكر لراعي الموضوع وجميع الأعضاء اللي ذكرو مواقفهم

وخصوصاً عزيز وراعي زورو هههههههههه

تحياتي للجميع

[بريداوي اصليm]

بكل بساطه لف الدب راسه وهو شاف العقرب والا ما شافها قام كنه الذيب ويدعس على طرف الصحن الكبير اللي مليان دجاج بيشرد ويطير الدجاج فوق الرمل ويلعوز الجلسه ويطيح القدر من فوق النار والصاج ويحوس الدنيا
ويفقع يمكن 100 متر من الخوف
وبالقوه اقنعناه انها مزحه
وبعدها
بغينا ناكل خوينا المقرود صاحب العقرب
.
.

ماعليش طولتها

هههههههههههههههههههههههههههههههههههه أي يا بطني ههههههههههه
هههههههههههههه أعوذ بالله تشقق وجهي من الضحك
أنا ما أضحك الا على الدب الي حاس جلستكم

[ابو شكاع]

موضوع جميل جدا
قريت منه صفحة ونصف
لي عودة بإذن الله لسرد بعض القصص
مشكورين

[ابو شكاع]

هذا الله يسلمكم مرتن من الأيام ....ايام العزوبية ....زهم علي خالد ...وخالد هذا من الأصدقاء المقربين ....وشو له اسوي روحي عاد جحود ...خالد ماغيره تعرفونه
المهم قال وش رايك ناصل الطايف ؟
قلت قدام وش ورانا ... وناخذ عفيشنا ....عفيش عزوبية مهوب شي... هالكثر
ونركب موتري الجميل ذاك الوقت ...يازين ذيك الأيام مع هكالموتر اللي كان عشق
الموتر مثل هذا بس كان لونه أحمر قاني .. لا احد يقول وش معنى أحمر قاني ..مدري بس كان أحمر بالحيل ...


ونمشي لم الطايف الساعة حدود 12 بالليل ...ايام صيف وإجازة ...وناصل الطايف عقب ما أسفرت شوي ...وإلانا مرهقين
اتفقنا نروح لم الشفا عشان نتريح شوي ...ونطلع لم الشفا ...ماحولنا أحد على هالصبح فاضي
ونلقى لنا هكالشجرة ...ونبسط بساطنا وننزل عفشنا ...ومدري اذا منب غلطان اننا افطرنا ...وتسدحنا نتلين شوي ...تعرفون الواحد المرهق ينام ..وحتى اللي مهوب مرهق ينام بعد << عسا ماتكلفت بس >> لا والله عادي
المهم انا طبعي هو النوم على بطني ..على فكرة هالطبع مهوب زين يقولون هو المسعول عن حصوات الكلى ....بس هالحين لا هونت عنه صرت أنام على جنبي ..وأحيان أحن لوه وأرجع انام على بطني
ماعلينا ...المهم انا غطيت بالنوم ....شوي ...وكنت نايم على بطني ...شوي ...وإلا اللي يمشخن مع رجلي ...بسم الله ...وش ذا ؟
وأنا اللي أرفع رجلي بسرعة يعني ثنيت ركبتي بسرعة ...من الهبلة
يوم دريت وأتنبه اثر خالد المعجل نايم وماد يده وبيده ماسك شي يتلمس وشو هو بس كان للحين نايم
اثره ماسك حرباء هههههههههههههههههههههههههههههههههههه
انا مخشتن هالحرباء وثنيت ركبتي وارتفعت فوق بمقدار نصف دائرة وطبت على يد خالد وقعد يتلمسه شوي همن قام من النوم وشافه وانهبل
وقلبت ضحك
وأناظر رجلي أثر مخشته مهيب بسيطة ...شكلي تبي تتمسك ترقى ومخشتن
وهذي صورة وحدة مثله
تم تصغير هذه الصورة ... نقره على هذا الشريط لعرض الصورة بمقاسها الحقيقي علما بأن مقاسات الصورة قبل التصغير هو 800 في 600
.
.
.
انا ماضحكت إلا على انها طاحت بالضبط على يده الممدودة ولو نبي نسويه مية مرة ماضبطت
وبس هذي السالفة ...وسلامتكو والحاضرين
سلموا لي على من يعز عليكم

[راعى شاهين]

مشكووووووووووووووورؤ

[شحبار]

مشكورين على المواقف الي ماتنسي ودايم يتذكرها الواحد ويسولف بها اشكر كل من شارك بالموضوع وكل من دعا لي والي عنده سوالف لايبخل على اخوانه