ههههههههههه
يعطيكم العـآفيـــة , مآقصرتوا بآلتفـآعـل \
الف شكر شحبار
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ههههههههههه
يعطيكم العـآفيـــة , مآقصرتوا بآلتفـآعـل \
الف شكر شحبار
انا مره من المرات وتوني متعلم سواقة سيارات وكان مع الوالد ونيت الله يرحمه ويغفر لموتانا وموتاكم
كلفني اني اجيب له طلب للبيت
عاد ما صدقت وقتها على الطلبية لان فيها سواقة سياره وأنتو عارفين
المهم جيت ابفتح الباب والمفتاح في الباب الا ولا حظت حاجه بين البابين القاسم الي في البابين اخره يعني ذيله
رحت انا من الطربه والسرعه واسحبه على بالي زرع ولا غصن من شجره لانو كان فيه بجنبنا مزارع والسياره توقف تحت الضله وما ان سحبته الا ويطلع لي ذاك الحنش ثعبان لونه اصفر على رملي على بيج
بصراحه لما مسكته مع ذيله غريب الملس يعني كانه حبل مدهون بزيت او حاجة زي كذا والله يارجال ما امداه يخرج راسه من الفتحه الي بين البابين وتخيل الوضع انا اكثر من اسبوعين تزيد ما سقت سياره ومع فرحة السواقه الحنش ذا اقسم بالله ماني ضارب حسابه وما ان خرج الا بسرعة البرق و يهجم على يدى وانا ماسكه مع ذيله لما شفته وهوه هاج على يدي وفاتح فمه رميته بالارض وطاح وسبحان الله زي السهم مشى ودخل معى جحر وأنا اركب وقتها خفت لكن والله خوف بسيط من اول ما اعطيت السياره التغيره من الاول نسيت الموضوع
لكن هيبة المشهد وتعرف ثعبان وفي يدك والله وأول مره اشوف ثعبان فما بالك تمسكه وهو في يدك بالصدفه
تحياتي لصاحب الموضوع الشيق
اكثر المواقف عن السلق ارحموهم
هههههههههههه
السلام عليكم ورحمة الله وبركاته
بالنسبه لي انا ذاك اليوم دخل كلب الخيمه اللي كنا مسوينها مطبخ وعفس الاغراض المهم انا كنت اسمع تصفق في الجدور والصحون في الخيمه قلت الجن مايظهرون في الضحى المهم والله ودخل الخيمه
الا اشوف جاايني فلت والله وحط رجلك برع الخيمه ماطلت برع الخيمه طلعت السكين اللي كنت شايلها في مخبااي الا هو طالع من الخيمه واسدد له بالسكين تسديده بسرعة البرق وكان طول السكين حول 10 سانتي متر دخلتها كل ابوها في جسمه
لا اله الا الله محمد رسول الله
اخوي بو جهام شكلك مسوي الكلب مثل فلم اكشن و هل مات الكلب
أنا مرة من المرات مع أعز اخوياي طالعين للبر نمشي
المهم احنا بنمشي على زفلت بوسط البر وانقطعت النعال وانتم بالكرامة وكملت بدون نعال
المهم فيه عقم يقطع الطريق يوم تعديناه قلت لخويي اقرأ المعوذات
والله ونقرأ
300 متر كذا الا والله واحس بشئ يلتف برجلي واشوته بقوة ويوم وقع بالارض الا ام جنيب
انا ناظرت واناظر خويي مستغرب ويفصفص ههههههههههههههههه
ونرجع ركض على جيت خوينا على موتره ونركب معه
,,,,,,,,,,,,,,,,,,
الحين اي شئ يلتف على رجلي اناقز حتى لو سيم حبل
واخر مره قدام الوالد وجدي ومناقز والوالد انواع السب يا خواف يا يا
وانا اقول والله الموقف وشوفة الموت تسوي اكثر
واعذروني يوم ذكرتهم
رجلك والجبل
حـــط رجلك ياحبيبي
اخوي ملك الفكتوريا اول شي الله سلمك من ام جنيب بغيت اسائلك شو هو العقم
الله يسلمك اخونا النمر
مثل اللي يفصل بين المخيمات ومثل السد كمعلم لحد ارض او مخيم ومن تراب
انا مره هاجمت على فرااشه يااي ياي بغت تصتدم في لكن وليت مسرعاا ولله الحمد ههههههههههههه
لاهنت
اعتذر عن الانقطاعع الغير مقصودوذالك سبب الظروفوارجوا المعذرهه
القصه هذي حصلة لي عند شيب الدريهمية في الليل
كانت ازمة مياه ورحت اجيب وايت للمنزل .. وكان الوقت متأخر فذهبت للجهه اللي يوقفون فيها الوايتات الاهليه ابي اسرع من وايتات زيد الحسين لانها بالدور وتتأخر مايوصلك السراء
زبدة الكلام هجم علي كلب يبدوا انهم واضعينه اصحاب الوايتات خوفا على سياراتهم من اللصوص
هجم علي من الخلف بشكل مفاجاء مع نباح ويحاول يعضني من الاقدام من وراء المهم انا صرخت عليه بقوه مع مقاومه سريعه مني وحركات غير اراديه وذهب الى حال سبيله
* مشاهد من الموقف
* طبعا الشماغ في جهه والعقال في جهه
* لم يراني احد وهذه غريبه
* بحثت عن الكلب ولم اجده
* كانت بالنسبه لي روعه لانها مفاجئه لاكن اعانني الله عليه ولم تحدث اصابات
اخيرا اذا هجم عليك كلب لاتهج قابله وجه بوجه ورفع صوتك عليه ورفع يدك كأن معك حجر
اهم شي لاتنحاش والدليل شف كلب الغنم اذا شافك منحاش تمرد لكن لو تقابله ذل وخاف منك
وسلاااااااااااااااااااااااااااااااامتكم
اخوي شحبار
ولا هان السامعين
مواقفي كثير لاتحصى لكن ابذكر اثنين
الاول في المرحله الابتدائيه رميت عصفور طياري بالنبيله الى هوطايح والله تحمست هذا صيد طياري وابي امسك العصفور الى وتجي بسه كانت لنا ماعمرها خافت مني و لها مواقف كثير في ايام الطفوله لانها تربت معي في نفس البيت وتلقط العصفور لانه طاح بقربها وتحط رجلها والحق لا تلحق وانا اجري وهي تجري حتى دخلت منزل ولدعمي وتدخل في المخزن المليئ بالخردوات وجلست تبخ علي لان عندها عيال وهذه البخ خيرا ماسمعتها منها وبعد ذلك رجعت مهزوما مطأطئ الراس وتركت العصفور لها خوفا من تجربه سابقه سمعت هذا الصوت و تعرضت للخدش من قبلها بالذات
الثاني
هو امر غريب جدا كنت صغيرا جدا وكنت رايح للوالد في الحوش وقبل ان اصل له سمعت صوت العري وهو يقول اووووووووءءءءءءء وتوقفت بجانبه وابوي عنده ضيف في الحوش واذا حاولت اتحرك او اتكلم زاد صوت البس (قطو) مع العلم ليفهم الجميع هناك حوش صغير بين البيت والحوش الكبير وكنت بداخله وخرج ابوي من الحوش الكبير مع ضيفه وانا على بالي يمكن يجي بالغلط ويصيبني احباط سعمت صوت الباب تقفل وتعبت من الوقفه وجلست والبس جالس ولا همه شوي وتجي سحاب فوقنا وانا اتلع صوت الرعد على بالي انه يحسبه صوت المطر ويشرد ولله لاشرد ولا حاجه الى يجي خالي كأنه نازلي من السماء ومعه حديده في يده فتح الباب (باب البيت المؤدي للحوش) بسرعه ورمى الحديده عليه والغريب اني لااعرف كيف عرف بالوضع
والثالث لازم تسمعوه
هذا ياطوي العمر اشتريت ارنبين صغار واحد ابيض ووحد اسود وكبرت شوي ويلقح الاسود من الذكر وكان فيه بس عري لونه اسود وانا احاول ان اقتله خوفا على صغار الارنب لانها على وشك الولاده
والحمدالله شفته ذاك اليوم واخذ لي فاس من حديد وهو لم يراني لانه دخل تحت خشب وراسه للداخل ونائم واضربه هذيك الضربه على ضهره بكل مااوتيت من قوه والحمدالله قتل واسحبه من تحت الخشب
لااااااااااااااااااااااااااااااااااااااااااااااااا ااااااااااااااااا الاررنب لقد قتلت الارنب السود بدل القط الاسود
واحاول اوي له تنفس صناعي واحاول لكن لافائده الضربه كاانت قويه
هههههههههههه ولهذا اليوم القط الاسود لم يقتل
::::
::
:
ههههههههه
موضـ،ـوع شيق صراحه .. انا ماعندي مواقف قويه كذا
\
لاكن الي اتذكره اني مره من المرات جاي من المحطه رايح للبيت على رجليني وفيه اكرمكم الله برميل ومريت قريب منه من دون قصد اثاري البرميل فيه قطــوه لما قــربت من البرميل طمرت القطووه في وجهي .....وبحركه تلقائيه الى ونا منســدح فــالشارع مادري اهو قوة دفع منها ولاانا فقدة التوازن ... وطحت
انفــقع قــلبي ذاك الليل ,., بس حمدلله انتها الحادث من دون اصابات من اي الطرفين .. وكل واحد صــلح سيارته
الذين يشاهدون الموضوع الآن: 1 (0 من الأعضاء و 1 زائر)