حياااااااااااااكـ في حريملاء تبي وصف الشعيب
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
حياااااااااااااكـ في حريملاء تبي وصف الشعيب
مكشاتي متقدم
أخي راشد
أولا ما أقدر ارسل رسالة خاصة لأن مشاركاتي قليلة جدا
ثانيا انا بعيد عن الديرة واتصالي بالكنكنت
لاكن ولا يهمك
الموضوع سهل
أكيد تعرف نساح
أنا جايها طعوس نضيفه والبزران انبسطو الجو على كيف كيفك
والسيل على يميننا ويسارنا بس ماهوب سيل قوي لاكن وسع الصدر ولا صجت الرياض ولا هجولة مراهقين
فيه زحيمة شوي بس ما هيب زي الرياض
ومعليش على التأخير الاتصال لك عليه
واذا تبي زود توصيف برضه انا موجود
مكشاتي متواصل
سلملي على الكلية والشعيب ياولد حريملاءحياااااااااااااكـ في حريملاء تبي وصف الشعيب
مكشاتي متواصل
يالغالي اذا بتروح شمال ترى الوضع كله صار مخططات الين تاصل بنبان تبي نصيحتي لك اطلع غرب وافرق من عند ضرما وبتلقى العوائل على اليسار مليان
مكشاتي متواصل
تبي نصيحتي
اذا كان الجو بكرى صحو اكشت اقريب
واذا شفت الخيال ازبن
لان معك عوايل
اما ان كان الجو بكرى خيال وغيم او مطر ترى الكشته بالبيت احسن
الان امطار قوية على القصيم وغرب الرياض ومن المحتمل وصول هذه السحب بعد قليل الى الرياض
ويمكن تستمر
وانت تعرف ان طرق الرياض صعبة جدا وكلها تصير بحيرات اذا نزل قطرة ماء
اجل وشلون لو يجي مثل اللي بعفيف والقصيم
والله يالدايري ان يغرق فيه ناس
حتى ما تقدر تطلع لا يمين ولا يسار اذا حاصرت السيول باحد الطرق الكبيرة
كلها شبوك وصبات
اخر النصحية اقعد بالبيت
واذا تحسنت الاحوال الجوية اكشت
مكشاتي نشيط
الله يجزاكم الف خير ..!
ياراعي حريملاء وصف و لاعليك امر ....!
اخوي مفارق والله نساح اسمع عنها بس إن شاءلله الشباب اخويانا يعرفونها اكثر ..!
بيض الله وجهك .. وشكلها وجهتنا إن شاءالله كان تمموا العيال ..!
الله لايهينك ..!
مكشاتي نشيط
نصايحكم في محلها .. الله لايهينكم .........
وفعلا القرار النهائي على حسب الجو بكرة ..!
كتب الله اجركم ..!
مكشاتي برونزي
اخوي راشد نصيحه من اخو امسك طريق الخرج بعد التفتيش طريق يروح يمين ادخل معه وبعد ثلاثه كيلو طعيسات يحبه قلبك واحسن شي للعوائل والله يستر عليكم
يجب الحذر كل الحذر واخذ الحيطه من ما يخطط له اعدأنا اعدأ السُنه فهم العدو الحقيقي لنا في هذا الوقت اللهم عليك بهم فأنهم لايعجزونك
مكشاتي متواصل
النصيحة المهمة / لا تسمع كلام الحريم
و الله لا يثمنن لشي و لا يقدرن الاخطار و البلاوي
موفق ان شاء الله
مكشاتي نشيط
اخوي الجبيري .. انا اعرف طريق الخرج كويس بعد التفتيش الخط زفلت اللي يروح يمين ؟؟!
وكم كيلو داخل .. ؟ ولاعليك امر ..!
مكشاتي متواصل
اللي بعد التفتيش اسمها الزويليات
وقريبة جدا من الخط
لكن اسمع نصيحتي للمرة الثانية
ان كان الجو بكرى مطر اكشت بالصالة
وطريق الخرج فيه نفق خطير
وكذلك اللي بعد مصنع الاسمنت الى اشارة طريق النصر بالعزيزة يجتمع فيه الماء
مكشاتي نشيط
والله انك صادق يا مستر هانكس .. بس المشكلة مو بالحريم .. ولدي تركي هو اللي مشغلني ..
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
