ديوان الشاعر/ مخاوي الصقور

[راعي مرات]

بسم الله الرحمن الرحيم
السلام عليكم ورحمة الله وبركاته

(((المقدمه)))
الشاعر / مخاوي الصقور - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
""""""""""

[راعي مرات]

المناسبه في القصيده
للي يفهمونها عالطاير
وأحيانا السكوت ارحم
""""""""""""
""""""

جد الصواب وعلتي داخل الجوف = يالله دخيلك من عظيم الدهاوي
جاني خبر ياصاح ماعاد انا شوف = غير المياسم فوق قلبن شقاوي
غديت مثل اللي فقد غالي الشوف = والا كما ذيب على الرجم عاوي
جرحن تمكن بي يلوف العمر لوف = يعزف بقلبي مثل عيسى الحساوي
الله يعين القلب من حايف يحوف = يزداد همه لأقبل الليل ضاوي
خل العواذل تدمي القلب بسيوف = ماتدري اني قاسي الرد كاوي؟
حتى ولو هم جابوا الغبن بدفوف = ماهمني لو عشت عمري خلاوي
بإذن الكريم اللي تناجيه بكفوف = لاخذ ضنيني غصب ماهو حكاوي
القصد واضح دايم الوقت معروف = ياليتهم يدرون من كان راوي
عشقي ولا غيره ولو كان مكشوف = على النقى عشقي ولاني بغاوي
العمر واحد والشكاله لها صروف = وعزاي ماني قاصر اليد خاوي

إهداء خاص جدا جدا جدا الى
N+T+A+H
تحياتي000

رابط القصيدة بالردود هنــــــا

[ابو عايد]

الخلق ماها
احبتي 00 مشرفي واعضاء وزوار مكشات الحبيب
اسعد الله اوقاتكم بكل خير
بعد غيبه
اهديكم هذه القصيده عسى ان تترجم ما يجول في خاطري

ماكل من ساق الشعر يسقي الحرف = ولا كل غيمه تسقي الخلق ماها
ما كل دمعن دمع لو كان يذرف = ولا كل ضحكه سن صافي نباها
همن يروع والحشى منه يرجف = ولاحت شياطين الشعر في سماها
لا مانويت الضعف مادام لي شف = واسري مساري ماحدن قد سراها
اعرف مواطي من مشى مشية العرف = ولا كل جره راسيه في خطاها
لا من بدت خله ترانا على صف = صعبه على العدوان تلقى مناها
اصعب من الدمعه على راحة الكف = اصعب من زروع الهوى في ثراها
شفت الهموم بوسط ليلي تحّذف= يامرحبا لو كان ملقى دواها
ترحيبة المغصوب لو هو تحسف = ترحيبتن ما يندرى وش وراها
النفس نرفعها لو الريق ينشف = لو هي تروح الروح محدن وطاها
حتى ولو عشنا حياة التقشف = ماعمرنا طحنا ندور ذراها
بعض العرب ياخذ حياته تكلف = اعرف ترى دروب المهانة مشاها
يلبس ثياب الغير لو هو تسلف = دروب المراجل ما وطت في رباها
القصد واضح ياعلي ما يبي وصف = يمناي تحشم عن مصافح يداها
حنا سواري وانت بيرق يرفرف = بدر السما لا من ظهر في سناها
سقت الشعر لو هو على الجرح يعزف = هذي مواعيدي لفيت بحراها

اهداء خاص جدا الى
الغائب
(( راعي مرات ))
تحياتي الصادقه
مخاوي الصقور

رابط القصيدة بالردود هنا

[ريف النشاما]

"""""""""
"""""

"
"
"
"
"
""""""""""""
"""""
"