15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 2 12 الأخيرةالأخيرة
النتائج 1 إلى 15 من 25

الموضوع: صور مختارة ... من مكتبتي ... ( 5 )

  1. #1
    تاريخ التسجيل
    Jun 2001
    الدولة
    السعودية/بريدة
    المشاركات
    5,344

    صور مختارة ... من مكتبتي ... ( 5 )

    السلام عليكم
    أول مانزلت الموضوع كنت ناوي أدرج فيه صور قديمة .. لكن الظاهر إن تصوير الجديد أسهل !
    على العموم سامحونا وتفضلوا معي على هالصور الجديدة اللي ماجت إلا بصعوبة ..
    ..................
    1 - صورة فقعة من منطقة على الحد :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وهذي ثانية :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وهذي ثالثة :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وهذي رابعة :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الرابعة بعد إزالة ماعليها من أتربة :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وهذي صورة الفقع بعد الطبخ شوهتها ( خطمة ) الكشاف :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    فيضة حلوة بالحجرة مليانة ماء وشيء أهم بتشوفونه تحت :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    فرق نحم يحوم على الفيضة :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ثنتين منهن بالصورة ما قالن ليش ( مرتز ) يصورنا ، وكنت ناوي ( أحوفهن ) واطلع بثنتين أو ثلاث لكن أقبل راعي داتسون ( حب إستطلاع ) الله يهديه وضيع الفرصة :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    طار الفرق ورميت عليه طلقتين ( طيار ) وحدة هاللي تشوفون والثانية ضاعت ( الله يخلف ) :
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ...........

    إضافة :
    1 - الفقع مكانه شمال قرية هباس على الحدود ( بين الشعبة ورفحا ) .. لكن السيارات أكثر ! وفقع الحجرة بدأ يشم الهواء ..
    2 - جول من القطا النغاق مر فوق المفقاع شمال هباس لكن ماكانت البندق قريبة ( الله يخلف ) ..
    3 - معي 12 بطارية إحتياط لما إحتجت لهن حصلتهن كلهن فاضيات ولذلك ماأخذت راحتي بالتصوير وكنت ناوي أجلس يوم زيادة لكن ضعف البطاريات تسبب برجعتي بدري ..
    4 - حراج الفقع بعد ماكان في محطة كريم صار في قرية هباس ، وسعر كرتون الفلين الصغير بحدود 100 ريال رغم إن الفقع صغار ..
    5 - أحد البدو مر وأنا اتغدأ بالصحراء ووقف بسيارته مابينه وبين الغداء مترين ونزل ( يبي بنزين والمحطة بحدود 5 كيلومتر ) ! - وقف صح وعيوننا ترخص لك - ومن زود الحلا جلس يبحث عن فقع حول السيارة ، فتركت له المكان .. هالنوعية تحتاج فعلا لأدب التعامل مع الآخرين ..
    6 - واحد طلب مني أرافقه لقنص ( الفقع ) آخر الليل .... وين ؟ يبي لها نطة حبس ! قلت السموحة يالأخو مابعت روحي ..
    7 - واحد مضيع 400 رأس من الغنم بالخشيبي وله يومين يدورهن ، والفقعة اللي توها ناهضة التراب بالمفقاع جابو خبرها النشامى !
    8 - من تطلع من الحفر لين توصل رفحا ماتلقى إلا بطاريات تجارية ! ورحلة بدون كاميرا ماتسوى ..
    تحياتي للجميع

  2. #2
    تاريخ التسجيل
    Mar 2002
    الدولة
    الدمام
    المشاركات
    1,197
    مرحبا مشرفنا العام

    الحمد لله على السلامة

    الصور اللي طرحتها قلت في عنوان الموضوع أنا من مكتبتك.

    ولكن العلوم اللي بعد الصور " علوم الفقع " هل هي من المكتبة بعد أو من فقع هالسنة.


    تحياتي لك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    تاريخ التسجيل
    Jan 2003
    المشاركات
    2,367
    السلام عليكم ورحمة الله وبركاته

    اخوي الريس مكشات

    مشكور على الاخبار الطيبة والصور الرائعة والتقرير الاروع ومن كلامك شكل الواحد ماله داعي
    يكشت للشمال عشان حبة فقع بحجم البيضة خاصة ان كان من سكان الرياض .

    ومشكور وجزاك الله الف الف الف خير
    سبحان الله وبحمده سبحان الله العظيم

  4. #4
    تاريخ التسجيل
    Oct 2003
    الدولة
    الشرقيه
    المشاركات
    82
    وعليكم السلام ورحمة الله وبركاته
    مشرفنا الغالي تسلم يمينك وش هالصور اللي حاستنا حوس حنا ياهل الغربه. كلهن كوم وصورة الفقع اللي بعد الطبخ الصراحه متعوب عليه وراعي اللحم مب سهل مهندسهن صح. ياجعل مداخيله العافيه. ومشكور مرة ثانيه على هالصور ولاتعبت.
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ---------------------------------------------------------------
    اشكر اخوي ابوراشد على تصميم التوقيع

  5. #5
    تاريخ التسجيل
    Aug 2001
    المشاركات
    4,796
    تسلم يمينك .. وصورك كلها حلوة وجميلة
    ومن ناحيتي أقول كل صورك كوم وصورة الجوز أبو رقبة خضراء كوم ثاني
    ما أدري وشلون عطاك قلبك تصور قبل لا ترمي .. لكن هذي النتيجة .. راحن عليك علشان تجيب صورهن لنا .. وهذا فيه من الإيثار وحب مشاركة الآخرين بدون شك
    بالنسبة للبطاريات ليش ما تاخذ معك البطاريات القابلة للشحن ويكون معك محول وترتاح من شي بطاريات وهم عدم وجودها .. وفعلاً الرحلة بدون تصوير تضيق الصدر مثل الأكل بدون ملح

    أحلى تحية
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Apr 2003
    المشاركات
    1,066
    .


    يامال العافيه

    صور الزبيدي شي ...

    وصور الكباب كلام ثاني نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    .
    لفيت ولفيت وتعبت وخسرت في الاسهم وفي الاخير رجعت لبيت المطاليق مكشات

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    تاريخ التسجيل
    Jan 2004
    الدولة
    وهل يخفى القمر!!
    المشاركات
    597
    الا خ مكشات
    ما شاء الله عليك جمعت كل شئ
    الله يوفقك
    شكراً لك على هذه الصور الرائعة (الصراحة تمنيت اني معكم )
    لكن خيرها بغيرها
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    تاريخ التسجيل
    Jan 2002
    الدولة
    الرياض
    المشاركات
    2,621
    صور اكثر من رائعة يا ابو ياسر وخصوصاً الاكلة الجديدة ( كباب بالفقع ) او فقع بالكباب نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    والصورة الرابعة تاخذ العقل ،،، وتقول ان تحتها كنز مدفون ،، ، وشكلها كبير بالمرة ،،، لكن الصورة اللي تحتها ما تعطي نفس الانطباع ،،،، ،،،،،،،،، او يمكن لاننا ما شفناها على الطبيعة اقصد وهي خارج الارض .

    الحمد لله على السلامة يا ابو ياسر

  9. #9
    تاريخ التسجيل
    Apr 2002
    المشاركات
    2,424
    تسلم يمينك يا أبا ياسر ..
    كما ذكرت الفقع هالسنة ما يسوى من يركض وراه ...
    أما فرق النحم فهو ما طار إلا لأن الله كاتبه لي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي وأجيب لك خبره -أن شاء الله -
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  10. #10
    تاريخ التسجيل
    May 2003
    الدولة
    السعود ية
    المشاركات
    1,400
    تسلم يامكشات على الصور الرائعة .. والله يكثر خيرك ..
    وننتضر السادس
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  11. #11
    تاريخ التسجيل
    Nov 2003
    الدولة
    رحالــــــه..
    المشاركات
    619
    Originally posted by السمح
    تسلم يمينك .. وصورك كلها حلوة وجميلة
    ومن ناحيتي أقول كل صورك كوم وصورة الجوز أبو رقبة خضراء كوم ثاني
    ما أدري وشلون عطاك قلبك تصور قبل لا ترمي .. لكن هذي النتيجة .. راحن عليك علشان تجيب صورهن لنا .. وهذا فيه من الإيثار وحب مشاركة الآخرين بدون شك
    بالنسبة للبطاريات ليش ما تاخذ معك البطاريات القابلة للشحن ويكون معك محول وترتاح من شي بطاريات وهم عدم وجودها .. وفعلاً الرحلة بدون تصوير تضيق الصدر مثل الأكل بدون ملح

    أحلى تحية

  12. #12
    تاريخ التسجيل
    Jun 2001
    الدولة
    السعودية/بريدة
    المشاركات
    5,344
    هلا اخوي عروان
    الله يسلمك ويبارك فيك ..
    لما بديت بالحلقات كنت ناوي أعرض لكم الصور القديمة فقط ..
    لكن تغير رأيي مع كثرة الصور الجديدة واللي تعتبر أهم .. وعلى العموم حتى الجديد يعتبر من المكتبة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ...................
    وعليكم السلام ورحمة الله وبركاته
    حياك اخوي نفل .. وبارك الله فيك ..
    عرض الصور حق من حقوقكم علينا ، المهم إنها تعجبكم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    بالنسبة لفقع الشمال فيه أكبر من البيضة وفيه أصغر .. واللي ماله شف يناظر ويصور ويلقط على الطبيعة .. فعلا ماله داعي يروح .. خصوصا إن الفقع متوفر بالأسواق ..
    ومهما بلغ سعره يضل رخيص إذا وضعنا بالإعتبار صعوبة العثور عليه وتعب لقطه ..
    ...................
    هلا اخوي برق ورعود
    لاندمت يالغالي الله يسلمك .. ويرجعك للوطن سالم غانم ..
    تبي الصراحة كان ممكن تكون صفة الفقع والكباب أحلى .. لكن كنت مستعجل أولا : بأكله قبل يبرد وثانيا : لأنه ماخلص إلا بوقت متأخر وأنا قدامي طريق ..
    ...................
    هلا وغلا أبو تركي
    الله يسلمك ويبارك فيك ..
    فعلا الصور عندي أهم من الصيد خصوصا إن سعادة اللي يشوفونها تسعدني أكثر ..
    بالوقت اللي تجهزت فيه لحوفتهن وتصويرهن بشكل جماعي مادريت إلا بصوت الداتسون وهن ماصدقن كفخن .. لكن اللي جابه الله فيه البركة ..
    بالنسبة للبطاريات :
    ماغشني إلا اللي قابلات للشحن نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    كنت شاحنهن قبل فترة شهر تقريبا مادريت إن هالنوع ماتطول الكهرباء فيها ..
    على العموم مشكور على النصيحة .. اليوم طلبت شاحن سريع ومحول على البطارية عسى الله يجيبهن ..
    ...................
    هلا اخوي تالي الأولين
    الله يعافيك ويسلمك ومشكور على المشاركة .. هالصحن فعلا كله ملح نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ...................
    هلا اخوي * ضب *
    آمين والله يجزاك ألف خير وتسلم على أغلى عبارة ( ماشاء الله ) ..
    إن شاء الله تطلع رحلات أحلى منها ويوفقك الله ..
    ...................
    هلا بابو عبد الله
    يا الله حيه وسلمه من كل شر ..
    يحق لك تختار لها إسم .. لانك غير ومشوياتك غير .. لاتهمك النظرة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    طبيعي شكل الفلقعة <----- مثل مانسميها بالديرة ) يعطي إنطباع أكبر ، وعموما فقع الأراضي الصلبة يرفع التراب بشكل غير طبيعي ..
    شكرا على زيارتك الكريمة للموضوع ..
    ...................
    هلا وغلا أخوي أبو سهيل
    الله يسلمك ويبارك فيك .. مع زحمة الناس صارت شوفة الفقعة شفاقة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي لكن يضل العثور لو على وحدة أمنية .. خصوصا لما تحوفها بالكميرا مع كل إتجاه ..
    أما النحم فانت أولى فيه .. على الأقل معك أم خمس مب مثلي أم وحدة ..
    عاد علمني لما تجيب خبره وتطبخه نادني بقولك سالفة .. لاتنسى نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ...................
    هلا اخوي عاشق الصفاري
    ويكثر خيرك أكثر إن شاء الله ..
    والسادس والسابع .... إلخ ماراح أتأخر فيهم إن شاء الله متى ماتوفرت صور ترقى لمستوى أذواقكم ..
    ...................
    هلا اخوي الجوني
    حياك الله .. ومشكور على الزيارة ..
    ..............

  13. #13
    تاريخ التسجيل
    Jul 2003
    الدولة
    المخواة
    المشاركات
    874
    تسلم اخوي مكشات على الصور الا كثر من رائعه.
    وبالهنا والعا فيه..........................
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ____________________________
    My Flickr


  14. #14
    تاريخ التسجيل
    Aug 2002
    الدولة
    السعودية / القصيم
    المشاركات
    4,968
    صور رائعة وسرد قمة في السهولة والوضوح.

    دائما صورك لها مذاق خاص.... حيث تنتقي لنا أجمل المناظر وأقواها...

    والحقيقة الفقع روعته عندما تقع عيناك عليها....

    وبالنسبة للكباب مع الفقع رائع وشغل موب سهل بس ليش حاطين قصدير على الصحن؟ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    مشكور اخي ابو ياسر وعساك على القوة... وبارك الله فيك......

  15. #15
    تاريخ التسجيل
    Sep 2003
    الدولة
    الرياض
    المشاركات
    766
    أح .. والله ياكوى قلبي شوفة الفقيعات قبل يفنزرن من الأرض .. إما لقطهن والله إذ ماصار فيه عقوم وجشع بني آدم عز الله يستاهل العنوة .. خص اللي بالشمال ..

    أما صورة الكباب مع الفقع ... والله ياطلع من جوفي زفرة وشهقة عسى الله يكفيك شر مثلها من غيري ياريس ...

    عاد الفقعة اللي فوقها شوي حبيبات رز اللي عند الكباب المنقطع على يسار الصوره ( ماأقدر اواصل .... ) .. واللي يقهر زيادة إن اليوم السبت نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي.. يعني الواحد إذا لقى جبن وزيتون بدون شين نفس .. يقول بركة .. إذا مانام خفيف نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •