السلام عليكم
أول مانزلت الموضوع كنت ناوي أدرج فيه صور قديمة .. لكن الظاهر إن تصوير الجديد أسهل !
على العموم سامحونا وتفضلوا معي على هالصور الجديدة اللي ماجت إلا بصعوبة ..
..................
1 - صورة فقعة من منطقة على الحد :
وهذي ثانية :
وهذي ثالثة :
وهذي رابعة :
الرابعة بعد إزالة ماعليها من أتربة :
وهذي صورة الفقع بعد الطبخ شوهتها ( خطمة ) الكشاف :
فيضة حلوة بالحجرة مليانة ماء وشيء أهم بتشوفونه تحت :
فرق نحم يحوم على الفيضة :
ثنتين منهن بالصورة ما قالن ليش ( مرتز ) يصورنا ، وكنت ناوي ( أحوفهن ) واطلع بثنتين أو ثلاث لكن أقبل راعي داتسون ( حب إستطلاع ) الله يهديه وضيع الفرصة :
طار الفرق ورميت عليه طلقتين ( طيار ) وحدة هاللي تشوفون والثانية ضاعت ( الله يخلف ) :
...........
إضافة :
1 - الفقع مكانه شمال قرية هباس على الحدود ( بين الشعبة ورفحا ) .. لكن السيارات أكثر ! وفقع الحجرة بدأ يشم الهواء ..
2 - جول من القطا النغاق مر فوق المفقاع شمال هباس لكن ماكانت البندق قريبة ( الله يخلف ) ..
3 - معي 12 بطارية إحتياط لما إحتجت لهن حصلتهن كلهن فاضيات ولذلك ماأخذت راحتي بالتصوير وكنت ناوي أجلس يوم زيادة لكن ضعف البطاريات تسبب برجعتي بدري ..
4 - حراج الفقع بعد ماكان في محطة كريم صار في قرية هباس ، وسعر كرتون الفلين الصغير بحدود 100 ريال رغم إن الفقع صغار ..
5 - أحد البدو مر وأنا اتغدأ بالصحراء ووقف بسيارته مابينه وبين الغداء مترين ونزل ( يبي بنزين والمحطة بحدود 5 كيلومتر ) ! - وقف صح وعيوننا ترخص لك - ومن زود الحلا جلس يبحث عن فقع حول السيارة ، فتركت له المكان .. هالنوعية تحتاج فعلا لأدب التعامل مع الآخرين ..
6 - واحد طلب مني أرافقه لقنص ( الفقع ) آخر الليل .... وين ؟ يبي لها نطة حبس ! قلت السموحة يالأخو مابعت روحي ..
7 - واحد مضيع 400 رأس من الغنم بالخشيبي وله يومين يدورهن ، والفقعة اللي توها ناهضة التراب بالمفقاع جابو خبرها النشامى !
8 - من تطلع من الحفر لين توصل رفحا ماتلقى إلا بطاريات تجارية ! ورحلة بدون كاميرا ماتسوى ..
تحياتي للجميع
15 نوفمبر 2015 - 16:514 نوفمبر 2015 - 21:27
 |
رد مع اقتباس
وأجيب لك خبره -أن شاء الله - 
,, بالصــور
