رابطة ملاك سيارات الديزل

[مركز حراره]

الله يعطيك الف عافيه
ارجو التثبيت
عندي هايلوكس 2006 ديزل ممكن الي عنده خبر عن تزويده لاني مره شفت مقطع يركبون قطعه في فيش طرمبت الديزل وتزود النشاظ الي عنده خبر يعلمنا

[السوده]

أذا أردنا أن نحافظ على البخاخات فعلينا أن لا نترك مؤشر الديزل ينزل عن الربع،
وتغيير فلتر الديزل كل ستة أشهر.
وكما ذكروا الك الأخوان عليك بصناعية العويضة
ومركز البخاخات وليس الورش.

والله الموفق.

[مركز حراره]

وينكم يااهل الديزل؟

[سالم محمد]

أذا أردنا أن نحافظ على البخاخات فعلينا أن لا نترك مؤشر الديزل ينزل عن الربع،

وتغيير فلتر الديزل كل ستة أشهر.
وكما ذكروا الك الأخوان عليك بصناعية العويضة
ومركز البخاخات وليس الورش.

والله الموفق.

اخوي هل تقصد محلات اصلاح الطلمبات ؟
لان اذا جيتهم قالو لازم تروح للميكانيكي يحدد المشكلة مع العلم ان عندي مشلة دخان ابيض ليس مستمر وانما بعد الدعس على ابنص الديزل ومن ثم الوقوف . يطلع الدخان الابيض او ازرق ولا ادري وش السبب ؟؟

[سالم محمد]

الله يعطيك الف عافيه
ارجو التثبيت
عندي هايلوكس 2006 ديزل ممكن الي عنده خبر عن تزويده لاني مره شفت مقطع يركبون قطعه في فيش طرمبت الديزل وتزود النشاظ الي عنده خبر يعلمنا

اخوي والله ماعندي اي فكرة عن تزويد سياراة الديزل ولكن ان شاء الله يفيدونك الاخوان اللي لهم خبرة بالديازل

[مخاوي دابذريع]

السلام عليكم جميعا اخواني وعفوا على المداخله الغير بمحلها لكني أبحث عن هايلوكس 2010 ديزل الي يخبر لي أو ذكر له لا يذخر علينا وآسفين مجددا .........

[نوماس1]

وعليكم السلام ورحمة الله وبركاته
اخوي
اغلب ورش الديزل بصناعية العويضة تسوي لك البخاخات
والافضل تروح لمحلات ( طرمبات الديزل) محلات مو ورش ويعطونك العلم
من تجربة خاصة موتري باترول ديزل ورحت غيرت البخاخات وبصراحة ليتني ما غيرتها؟؟؟
زاد صوت الموتر بشكل كبييير
اول صوته مثل البنزين ومن سمعه يذكر الله عليه
والحين صوت البخاخات كأنه صوت بلوف الموتر إذا فتحت بزود وكل ما دعست يزيد الصوت
نصيحة اخوي لا تغير فيها شي الا إذا احتديت

كلام صحيح صار معي غيرت رؤس بخاخات الديزل وصار صوت المكينه مزعج

[الوانيت1]

وينكم يااهل الديزل؟

[تاهو 2000]

موضوع هام وطيب
1- فلاتر الديزل يجب باستمرار خلال فترات متقاربه تنظيفهن والسبب تجمع الماء في مصفى الديزل وهذا يؤثر على عمل البخاخات والطرمبة وماشاء الله اظن زي ما سمعت طرمبة وبخاخات الديماكس ب 16000 ريال سعودي وانت قس على ذلك الباقي . فافضل حل الانتباه الشديد لمصافي الديزل لان الديزل طرمبة وما ادراك ما الطرمبة
2- فلتر الهواء ينظف باستمرار لان شفط الديزل للهواء اكثر بكثير من البنزين وتوسخ فلتر الهواء يجيب ضعف في العزم
3- التوربو في الديزل يبرد عن طريق زيت المكينه والفارق بين مجرى التبريد ومجرة دخول الهواء (ربلة) . فلذلك يجب ان يكون في بال سائق الديزل هذه المعلومة لانه اذا راحت هذه الربلة اذا قدر الله يروح عليك زيت المكينه يمكن في غضون نصف ساعه سواقه (الانتباه لمؤشر الزيت في الطبلون)
4- بعد المشوار الطويل يجب تبريد السيارة العاملة بالديزل بمدة لا تقل عن 5 دقائق قبل ما يطفيء
خواطر عن الديزل
- نظام التوربو : وجدوا انه عندما يدخل الهواء البارد الى المكينه فان ذلك يزيد من عزمها وقوتها . فاوجدوا مروحة من جهتين او داخل ماصورتين ماصورة العادم (الشكمان) والاخرى المرتبطة بها على مجرى دخول الهواء . فبكمية خروج الهواء من العادم يتم تدوير المروحة الثانية لتدخل نفس الكمية من الهواء من دبة فلتر الهواء . الهواء الداخل من فلتر الهواء يمر على لديتر للهواء فى مقدمة السيارة فيتم تبريد الهواء الداخل للثلاجة حق المكينة (فمن هذه العملية ضمنوا دخول هواء بارد للمكينه واحنا نتمتع بالعزم)
- انظمة طرمبات الديزل تنقسم الى قسمين :
اولا : نظام الطرمبة الكاملة : هذا النظام يعتمد على طرمبة واحدة تسحب من التانكي و تضغط الديزل ضغطا هائلا وتوزعه على البخاخات . يعني باختصار كله في واحد كل شيء داخل الطرمبة هذه
ثانيا : نظام الكمون ريل : وهذا النظام حديث المهم
عمل النظام هذا كالتالي مضخة ضغط منخفض وهي عند التانكي زي كل السيارات وبعد التصفية في المصافي يدخل الديزل على مضخة الضغط العالي وهي الطرمبة زي اسمها تضغط الديزل بضغط عالي جدا فقط ومن ثم ينتقل الديزل الى ماصورة كبيرة بسماكة الاصبع واكبر شوي على طول المكينة من بدايتها الى النهاية وهذه الماصورة تسمى كمون ريل common rail وهذه الماصورة توزع الديزل الى البخاخات الكترونيا عن طريق كمبيوتر .
هذا ما جال بالخاطر وعفوا على الاطالة
ولا تبخلوا علينا بالدعاء
ودمتم

[تاهو 2000]

اخوي هل تقصد محلات اصلاح الطلمبات ؟
لان اذا جيتهم قالو لازم تروح للميكانيكي يحدد المشكلة مع العلم ان عندي مشلة دخان ابيض ليس مستمر وانما بعد الدعس على ابنص الديزل ومن ثم الوقوف . يطلع الدخان الابيض او ازرق ولا ادري وش السبب ؟؟

والله اعلم الديزل وهو بارد يطلع دخان ابيض ركب بلف الحرارة ويروح الدخان الابيض
اما الازرق تاكد من الزيت هل ينقص
تحياتي

[تاهو 2000]

السلام عليكم ورحمة الله وبركاته
ما شاء الله على هذا المنتدى الذي ليس له مثيل
ما اطول عليكم
نريد موضوع تفاعلي عن اعطال الديازل وصيانتها
ونريد ان نتناقل الخبرات في اعطالها وصيانتها
فهل توافقوني الراي ؟
وهل يثبت الموضوع؟
وابدأ بهذا السؤال واريد من اهل الخبرة المساعدة
كيف اغير بخاخات الديزل ؟ وكم سعر التغيير في الورش ؟
ووش الورش الممتازة للديزل في الرياض ؟

اسال الوكاله التي سوف تشتري منها البخاخات على ضغط كم يوزنهن صاحب البخاخات علشان ما تشتكي زي صاحب البترول

[تاهو 2000]

وعليكم السلام ورحمة الله وبركاته
اخوي
اغلب ورش الديزل بصناعية العويضة تسوي لك البخاخات
والافضل تروح لمحلات ( طرمبات الديزل) محلات مو ورش ويعطونك العلم
من تجربة خاصة موتري باترول ديزل ورحت غيرت البخاخات وبصراحة ليتني ما غيرتها؟؟؟
زاد صوت الموتر بشكل كبييير
اول صوته مثل البنزين ومن سمعه يذكر الله عليه
والحين صوت البخاخات كأنه صوت بلوف الموتر إذا فتحت بزود وكل ما دعست يزيد الصوت
نصيحة اخوي لا تغير فيها شي الا إذا احتديت

والله مشكله تروح تبغى تعتني بسيارتك متجمل منها يجي واحد ما يفهم يخربها
يا اخي اذا كان ركب بخاخات بس ولا لمس اي شيء ثاني فالمساله وزن خاطيء للضغط
والا اذا حاش الطرمبة ووزنها (لان الطرمبة في القديم تنوزن زي الديلكو في البنزين)
فهو قدم الطرمبة وسبب التقديم فقط لا غير من ضعف فيها فيرجع لك العزم والدعسة صافية الى اخر الافنص لكن تجيب شويه حرارة اذا زاد التقديم واذا اخرها يصير صوتها زي البنزين بس مكتومه يعني تدعس لها بشويش مش تكبيس الى اخر الافنص وتحصل تكتيم
لازم تكون وهي واقفه او ماشيه بدون ضغط زي او قريب من البنزين
اما وقت الضغط لازم تسمع شيء بسيط
تحياتي

[تاهو 2000]

نومان وابن بدران
والله اعلم انه الضغط الخارج من الطرمبة لا يوافق الضغط في البخاخات

[مدرس بري]

السلام عليكم
فكره جميله جدا وانا احد ملاك سيارات الديزل ( باترول ٩١ ديزل ) ومشكلة الديزل عدم توفر قطع الغيار
منها على سبيل المثال :-
١- راديتر
٢- الدينمو

وهذا رابط موضوع قد كتبته ولم اجد المطلوب لعدم وجود المعلومات الكافيه
http://www.mekshat.com/vb/showthread.php?t=528833

[دعوجي]

أوﻻ كل عام وانتم بخير وجعلكم الله من صوامه وقوامه
ثانيا :اشتريت جيب ﻻند كروزر جي اكس آر ديزل وما عرف في الديزل شئ
أفيدوني أول ماشغل الموتر انتظر او ادعس .. عند الوقوف أطفئ الموتر او انتظر شوي ماعندي خبره
وما استغني عن ردودكم