حامل القارمن الزجاجي!!!

[أفق]

افضل حامل قارمن 276
عند محل العامة مخرج 12 وهو يلصق في الزجاج بواسطة الشفط وسهل التركيب والفك
دار موجة كان عندها واحد لكن لم توفق فيه وفشل لكثرة ماينكسر لانه مصنع من البلاستك
اما هذا الجديد فمصنع من الحديد وقوي جدا وخذتلي واحد وبجربه ان شاء الله

[wannan]

ما فيه صورة يا اخوي ؟؟
مع الشكر

[المساهر]

مشكله العامه

انهم حرميه بالاسعار مغالين الى حد القرف مابين المصرى والزول ياقلب لاتحزن

[أبو المثنى]

أولا : عطنا تجربتك
ثانيا : اوصف لنا المكان بالتفصيل

[عين الرياض]

السلام عليكم ورحمة الله وبركاته
بخصوص حامل الجارمن من محل العامة مخرج 12 فقد اشتريت هذا الحامل منذ فترة بمبلغ 150 ريال وبصراحة قوي جدا ويستاهل .

[وحيد الصحراء]

انا زبون وسبق اشتريت الحامل بمبلغ 130 ريال وافضل من دار موجة بكثير وارخص بفرق عن دار موجة وعندهم السيبكر حق 276 عن طريق الشاحن ارخص بكثير من دار مواجة

واسئل مجرب والله اعلم

اخوكم وحيد الصحراء

[تركي330]

الحق يقال صح ان سعرها غالي لكن اقسم بالله جودة القاعدة انا شريتها 150 ريال لكن تستاهل

[أفق]

توي جاي من رحله برية من الاربعاء 14/11/1429هـ الى الجمعة وكانت دوجي بالصمان الشرقى وبعض الفياض للاطلاع على اخبار الربيع وتخزين الفياض التي تبشر بخير
وصراحة جربت الحامل تتعب وانت تقول مسكت ماشاء الله تبارك الله والله يستاهل قيمته 150 ريال
لانه حديد مو بلاستك زي دار موجه اذا كربت عليه انكسر ولا جاك مطب جامد انكسر
ما اقول الا والله شغله نظيف ما شاء الله

[الشاص عز لهله]

الله يعطيك خيرها ويكفيك شرها

[حوت البحر]

انا معي زيها من 3 سنوات زي الحلاوة تستاهل 150 ريال

[أفق]

اشكركم على الردود والحرص على فائدة الجميع

[أبو المثنى]

ممكن وصف المكان لا هنتوا

[أبو_خالد]

انا جربت الحامل اللي ينباع في العامة وهو ممتاز جدا وله حول 6 أشهر وهو بالقزازة ممتاز جدا .. لكن أذكر مرة من المرات وكانت السيارة في الشمس بعز الحر .. لقيته طايح على الطبلون !!

عموما هو ممتاز جدا وعملي .. رحت الحجرة والصمان ومع المطبات وانواع المطناج وهو ثاااابت

شريته أعتقد بــ 130 ريال لكن أقل من 150 ريال

أما مكان المحل ..
الدايري الشرقي بين مخرجي 12 و 13
مجمع السيف غاليري .. يجي على اليمين إذا كنت متجه للجنوب أي أنه يفتح جهة الشرق
ثاني محل بجوار معرض دار موجة

دمتم بود

[big boss]

يا اخوان ممكن صور الحامل الخاص بالقارمن

[أفق]

مرة اخرى اشكر الاخوة على تفاعلهم ومرورهم
وشكر خاص للي وضع وصف دقيق للمكان
وبارك الله فيكم