ســنــه أولـــي بــريّـه إلـيـك العـزبـه الـمخـمـلــيه ...أبومنصور

[أبومنصور]

اولاً رحم الله والدك وغفر له

وجعلك الله باراً بامك

وبيض الله وجهك يا فيصـــــــــل

عز الله ان هذا الموضوع فيصـل لكل مكشاتي

يريد الكمال والترتيب والكمال لله

عزبة وترتيب واغراض منظمة تدل على حب البر والمكشات لديك

وتدل على طيب خوتك في البراري يا فيصــــل

الله يهنيك في حلالك ومالك

ويرزقك من حيث لا تحتســـب

ومبروك عليك هالوسم والامطار والخير

وفالك يا الذيب التوفيــــــــــق

ولاتنسى كبسة الفقع بكاتم الســــب

حياك الله يا سيف الظفير وأتشرف بمعرفتك يالغالي
جعلك تسلم على هالكلمات الطيبه
شاكر لك تواجدك الدائم بمواضيعي

[أبومنصور]

عزبه مرتبه ومكمله الله يهنيك وهاذا يدل علي انك راعي بر بحق وحقيق وتراني مثلك لكن لم تذكر اي شي عن التكميل داخل السياره لانه يمكن يكون عندك افكار جديده وشكراً

حياك الله يالغالي
شرفت موضوعي ويبالنسبه لبعض الأمور التكميليه
تفضل هنا
وهنا

[أبومنصور]

ما شاء الله تبارك الله عزبه متكتكه

حياك الله اخوي محمد
شاكر لك

[أبومنصور]

ما شاء الله تبارك الله عزبة كاملة مكملة ما خليت شئ و الموضوع جاء في وقته بارك الله فيك بس عندي ملاحظة ما كنه الدوافير قليل:d

حياك الله اخوي باوزير
وبالنسبه للدافور
5 رطل تكفيك تطبخ عليها ثلاثه ايام وعن تجربه
ولا مانع من اخذ الأحتياط

[أبومنصور]

بيض الله وجهك

ووجهك ابيض يالغالي

[وسم 29]

ماشاء الله يا أبو منصور
عزب مرتبة ومكملة فيها تقريبا جميع ما يحتاجه راعي البر
موضوع يعتبر مرجع لما يحتاجه راعي الكشتات
رحم الله والدك ورزقك الله بر والدتك وسدد الله خطاك
كل الشكر والتقدير على هذا الموضوع المميز
وتقبل تحيتي

[المنحاش]

وفقك الله الى مافيه الخير والصلاح

[قناص الحبارى]

بسم الله الرحمن الرحيم

السلام عليكم ورحمة الله وبركاته

اولاً رحم الله والدك وغفر له على حسن تربيته لك


وأطال الله بعمر والدتك وجعلك الله باراً بها ورزقك الله بر أبنائك لك



وبيض الله وجهك أخوي الغالي فيصـــــــــل


عز الله ان هذا الموضوع منوة ومرجع لكل مكشاتي يريد الكمال والترتيب والكمال لله


عزبة وترتيب واغراض منظمة تدل على حب البر والمكشات لديك

وتدل على كرمك وطيب خوتك في البراري يا الأمـــــــــــــــــــير


الله يهنيك في حلالك ومالك ويطول بعمرك على الطاعه

ويرزقك من حيث لا تحتســـب


ومبروك عليك هالوسم والامطار والخير

وعندي لك هديه بسيطه لعلك تقبلها مني ((( بإذن الله راح نتقابل قريب )))



وفالك التوفيــــــــــق

يالأمـــــــــــــــير



أخوك/ آبو عبدالعزيز

قـــــناص الحــــبارى

[koko psk]

ماشاء الله - الله يعطيك العافية على الشرح المفصل وجزاك الله خير.
وترتيب الحلو

[دهران]

الأخ الغالي / فيصل المنصور








تبي الصدق موضوع لا يمل الشخص من مشاهدته مرة وثنتين وثلاث و ...... وشغل مرتب .... وليتك دايم تعطينا مثل هالمواضيع الدسمة اللي تعتبر مرجع للكثير من الكشاته وخصوصاً في مثل هذه الأيام .

وتقبل أعذب وأرق تحية .

[ابو الشباب3]

مشاء الله شغل مرتب ونظيف الظاهر الربع الي معك ما يطفشون من الاستمتاع بالرحله كل ش كامل والكامل وجه الله سبحانه

[أبومنصور]

هلا والله وغلا

نزلت الموضوع يا ابو فيصل وانا خارج البيت وما جيت الا متأخر

الآن جيت واسجل حضوري ولي رد مفصل

بس ما اقول الا ما شاء الله عليك ، عز الله انك راعي كيف ومزاج الله لا يضرك

مرتب

وكفو والله

والله يعينك على الكفشات

ابو عبدالله
الله يرحم والدينك ركز منهو ابو فيصل ؟ لا يصير ولدي اللي منزل الموضوع
ههههههههههههههههههههههههههااااي
المشكله انك تدري ان فيه كفشات بس عليك مهيب على انا

[أبومنصور]

السلام عليكم


الله يبارك شغل عدل

الله يجعلك دوم متهني يارب


خلاص بنمر عليك هالربيع اذا جينا السعودية

بنتشرف بمعرفتك وبنجرب المعدات

حياك الله اخوي سعد
شاكر لك تواجدك وأتشرف بمعرفتك يالغالي

[أبومنصور]

ماشاء الله - الله يعطيك العافية على الشرح

حياك الله يالغالي
وبارك الله فيك

[أبومنصور]

السلام عليكم

هلا وغلا بالحبيب على القلب ابو منصور ، يا جعل روح والدك ما تعرض على النار آمين

اولا ما شاء الله كتبت لنا مقطوعة ادبية سرحت بي الى ماضِ قديم جدا ، وذكرتي بسر عشقي انا ايضا للبر ، حيث سرحت بي ذاكرتي الى دباب سرطوقة كنت اركب عليه خلف خالِ لي - رفع الله عنه ما به - وكان مغرما بالبر ، بل اني قد تحدثت معه وناقشة في اجراء لقاء معه وقصة صيده للوعل في بلدتي الحريق وعلى الدباب وهذي القصة حقيقة لها تقريبا خمسة وثلاثين او اربعين

المهم ما لك بالطويلة

ما شاء الله شكلك مغرم بالبر وانت صغير اللي تروح على سيكل ... الا على فكرة وش نوع سيكلك جوبيتر اربعة وعشرين والا عشرين ههه

على كذا يا ابو منصور المفروض نسوي معك لقاء ما دام هذا تاريخك الله يديم عليك الصحة والعافية ويرحم ابّيك اللي هو سبب في هذه التعلق والغرام بالبر .

طيب انا من الصورة التالية اتضح لي ان شناط العزب لديك تقريبا 9


سؤالي : ممكن توضح وحسب الصورة وش كل شنطة له ؟؟

لي عودة جعلك تسلم ، بس خلك معي والرد على تساؤلتي على طول ، يعني بدنا علشان يكون النقاش مفيد فديتك

تقبل احترامي

هلابك يابو عبدالله
انت اللى المفروض نسوي معك لقاء
لاأنك اكبر مني >> شايب يعني
خبرتك اكثر
اغراض البر عندك ما شاء الله اكثر منى تبارك الله
حياك الله يالغالي
وابشر بالسعد جعلك تسلم
فيالصوره رقم 1 و رقم 2 هم ما استعمل الأن
لانه قماش تنزاني ضد الماء مبطن ببلاستك ومن دون اي حشو داخلي
ملبس على شبك حديدومن مميزاته انه لا تصدر منه اي رائحه تلوث عليك الأواني
أما رقم 3و5و8و9 فقد فشلت التجربه معهم
ولا انصح بهم نظراً لانه بين القماش والبطانه
نوع من العازل يصدر رائحه تلوث جميع الاواني
وتغير طعم الشاي ولعل من ملك مثلهم وجد ما لاحظت

رقم 4 هذي عزبه طبخ وشاي خاصه جداً للسفر انا والعائله فقط
وهي من القماش التنزاني بدون شبك حديد

رقم 7
هذي صار لها عندي فوق 10 سنوات ومحتفظ فيها
للحين وما عندي نيه افرط فيها

تحت امرك يابو عبدالله بأي سؤال واستفسار