مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
مشكور على الرد ولكن مشكلتي اكبر ان النيشان مايجي على الهدف دائماً فوق الهدف مهم نزلت
وعليكم السلام ورحمة الله وبركاته
ياهلا وغلا بشعب - علي
تصدق في بنادق الشوزن القديمه البندق الي تزم فوق الهدف مرغوبه جدا
حتى بنادق ام حبه القديمه البندق الي تزم مرغوبه
عندك بنادق الهواء تختلف باختلاف سرعتها في الهواء واختلاف نوع الرصاص
الرصاص الانسيابي الهرمي اذا رميت فيه ببندق سرعتها عاليه
يقاوم الجاذبيه الارضيه لمسافه اطول مثلا يمشي معك على خط مستقيم 30 متر هذا اقل شي
يعني ماتقدر تصوب شي اقرب الا اذا وضعت الحبه تحته
هذي البندق تعتبر قويه وتطربك في المسافه البعيده
وبعض البنادق الي سرعتها ضعيفه
اذا رميت فيها برصاص انسيابي
هذا ما يقوم الجاذبيه يمكن ابعد مدى له على خط مستقيم 10متر وبعد 10متر يبدى بالنزول التدريجي
شف رصاص 5.5 ثقيل في الهواء مع ذالك ماشاء الله تقول يزم فوق الهدف
تاكد ان المسافه الي انت رامي فيها اول والان مثل بعض لان لو بعدت المسافه يتغير الرمي
تاكد ان النيشان على اخر حد لا يكون معلق او شي
بالتوفيق
السلام عليكم
الاخوه الاعز اء عرضت علي ماسورة شوزر البندق عليها صورة بطه .
تنفع الماسورة للترهيم للروسيه ؟؟؟؟؟؟
ارجو الافاده ولكم جزيل الشكر.
السلام عليكم اخواني
عندي ام صتمه 350 ديانه
كل ما ازبط الوزنيه شوي وتختلف وتقريبا كل مارمي تختلف
والله تعبتني ما ادري وش المشكله
الله عنده علم بها يفيدني وجزاه الله خير
اخوي بوووووو فيصل
اغلب بنادق ام صتمه ذات المقاس الكبير متعبه في الوزنيه بسبب رجف البندق يختلف العيار ولازم تازنه من جديد
حتى مسامير البندق تتحلحل مع الرمي بعد كل فتره وفتره تشد عليها
يمكن يريحك الدربيل اذا ركبته بقواعد ممتازه
او ممكن تغير الميزانيه الى ميزانيه اخرى
لكن تحتاج الى معلم
ان شاء الله الاخوان يفيدونك اكثر
موفق خير
اي مسمار صغير يركب على السنة لي في الماصورة
لا اوصيك رح للرمايه او الرميح على حسب وكيل الساكتون الي معك اريح لك
وانا ان شاءالله رايح للرمايه وعلى الضمان
بالتوفيق
وعليكم السلام ورحمة الله وبركاته
با لنسبه للمنشاف اعتقد ماله داعي لأن البندق رش ولا يحتاج الى منشاف مثل ما قالولك الأخوان وسلامة الجميع من كل شر وكل عام وأنتم بألف خير
مااعتقد انه ضروري ارم بدونه
الحقيقة الأخ بارود برنو تحدث في ناحية فيزيائية بحتة صحيحة مية بالمية والدليل أنه دائماً في نياشين البنادق يقول لك كل ما يبعد الهدف لازم نرفع راس البندق عشان يعطي مجال احتياطي للجاذبية بحيث لو نزلت الرصاصة نكون محتاطين لها برفعة في راس البندق فتجي على الهدف .. كل الشكر لك أخي بارود برنو على هذه الفوائد التي تقدمها لنا بين الحين والآخر .
أخي شعب علي أنا مثلك عندي الماجنوم 350 وفعلاً عانيت منها بنفس معاناتك غير انها مو تزم لا مالها قانون مرة تحت ومرة فوق ويمين وشمال لكن مع مرور الوقت اكتشفت إن السبب مني أنا لأن البندق ثقيلة ويبغاله ضبط غير عادي ( دقيق جداً ) مع تقديم اليد اليمنى أثناء الرمي حتى تساعد اليد الأخرى بشكل قوي
الشيء الثاني هذه البندق قوية جدا جدا في الرمي والبعد والسرعة وهذه ميزتها التي تغطي على عيوبها الأخرى .. لكن هناك فكرة أتوقع أن تنجح معك .. خذ فلينة مربعة وارسم عليها دائرة حمراء مثلاً بخط عريض بحجم الطائر الصغير وابعدها عنك مسافة 25 متر وارمي عليها وحدد مكان الضربة وأوزن وتأكد انها راح تزبط معك مع التجارب وإذا مازبطت غير النيشان تلقاه عند وكيل البيع بـ 90 ريال .
نفس المشكله عندي بالساكتون الاسبانيه لان نيشانها بايخ شوي ومايعطي دقه مثل نيشان الالماني لذلك ركبت عليها دربيل وصرت اتحدى في الحمام على ضرب الراس ومن مسافه 75 متر
طبعا مسافه 25 متر واقل احط الصليب تحت الهدف لكن مسافات بعيده احطه على المركز بالضبط
الاخواه بارود بونو
العبقري 1
بواردي الدلم
مشكورين على التفاعل وحقيقة استفدت كثيرا من طرحكم
اخوي توني جاي من عند الرمايه وزنو لي الساكتون بشكل يبرد القلب وعندهم مكان للرمي داخل المحل ويوزنها لك مضبووط
والصراحه كلام الاخ بارود برونو كلام موزون وصحيح
الذين يشاهدون الموضوع الآن: 1 (0 من الأعضاء و 1 زائر)