السلام عليكم ورحمة الله وبركاته
والله سآلفه الطير سآلفه ؟؟ وماقول الا عسى الله يعقله .
بعد ماتفقت مع الرجال كلها يومين وانا عنده بالحفر ان شاء الله
وصلتني رسآله من اخونا عبد العزيز (ابومناحي) /
عندي ربع صقاقير لهم طير مريض وبيمرون المستشفى كلمتهم وعطيتهم رقمك ياخذون طيرك ويقآبلونك بالرياض ونقصر العنوه والله يجزاه خير مآقصر ,,
الرجال اكرم الطير وعشاه يوم وصلو الربع للمخيم الا والطير ماهو على وكره والبرقع موجود ..
الطير يالربع فك برقعه وسبوقه وطآر وعسى الله يعقله
وردي لـ ابومناحي / الله يجزاك خير انت سويت الي عليك وماقصرت وبيض الله وجهك
وعسى الله يعقل الطير وان شاء الله انها خيره ,,
والاخوان الي سئلو في موضوع البشآره عن طريقة طرح الطير
الطير عينوه فوق طلحه وفكو له حمامه ونزل عليها .
اللهم رب ضآله رد لي ضآلتي ,,
ابوخالد