لتحسين وتقوية اداء الإرسال وفعالية الأريل لنوعين من أرايل السياره

[شقران]

طريقة وزن أريلين للسيارة
السلام عليكم
هذه طريقة لقص نوعين من الأرايل الموجودة في الأسواق لتؤدي أفضل أداء على تردد 2 متر للهواة 144 ميغاهيرتز الأريلين هما دايموند 285إس والآخر هو لارسن 150 برو (سيريس ) الأريلين كلاهما طريقة القص واحدة وتطبق عليهما جميعاً بنفس الطريقة ويتم القص من أسفل السيخ النحاسي للارسن وأسفل السيخ الستانستيل للدايموند بحيث يتم الحساب من راس الأريل إلى نهاية السيخ بدون حساب الكويل أو الملف أو القاعدة والمسافة التي يجب أن يكون طول الأريلين بها هي 122.6سم هي الأنسب وبذلك يكون الريفلكتد باور والنسبة التموجية المعيارية متقاربه في جميع الترددات بدء من 136 ميغاهيرتز إلى 174 ميغا هيرتز بينما تكون ملائمة جداً أفضل من وضعه على حالته الأصلية بين الترددين 144 إلى 148 ميغا هيرتز.
بالتوفيق للجميع وأرجو التصويب إن كان هناك اعتراض.

ملاحظة/الموضوع منقول من منتدى جوال العرب وانا اللي كاتبه!
بالتوفيق /شقران

[راعي عنيزة]

كفو والله ابو سليمان على ذي المعلومه المفيده

[شقران]

هلا والله وغلا ياخلفهم الله يعز مقدارك/شقران

[الهاوي]

بصراحة معلومات وفوائد درر منك

[شقران]

اخوي الهاوي مساك الله بالخير والله الدرر منكم ياغالي.
وجزاك ربي كل خير على هالدعاء ياغالي..

[شقران]

السلام عليكم..
احياء لهذا الموضوع بعد مناقشة بيني وبين راعي عنيزه نعيده في الصفحة الاولى وياراعي عنيزه طبق التعليمات وستنجح بإذن الله والله يعيني على سعودي نت هاللي كل شوي منقطعه عندك تحياتي /شقران

[راعي عنيزة]

تسلم يا خلفهم ومافصل بس رحت احمل الصور



وهذي صورة الراس


تجاري قرمبع

ومدامها خربانه خربانه فباي اداة يفضل قص الاريل ؟

[شقران]

السلام عليكم ..
الله يقويك ويعينك بقدوم هالخير على الرياض تراها تمطر وانا ارد عليك الله يبارك فيه ويزيده .
يابعدي افضل جهاز تقدر تقطع فيه الأريل مكينة حجر القرندنق او بمعنى اصح كانك شفت عند الورش مكينه مركبه على طاوله وفيها من الجهتين قرصين للسن او ازالة الزوائد من الأطراف المعدنية لأي شي وهذا انا اللي استخدمه ترا المكينه عمليه ومفيده للبيت ان حصلت لك لانها تقدر تقص فيها كلش وتبعد الزوايد وتسن السكاكين وخلافه.
عاد ان ماحصلت مالك الا زراديه قطاعه قويه وحادة الطرفين عشان تريحك في عملية القطع ولايكون فيه زوائد والا ذيك الزراديه اللي كبرجدي تلقاه عند هالبوابين اللي يقطعون به السلاسل.
الله يعينك ويوفقك /شقران
تحياتي.

[راعي عنيزة]

الله يبارك فيك وربك يطرح فيه البركه

مشكور قوي يا خلفهم يا اطلق مهندس بالشرق الاوسط

ما قلت لي الراس نفس الي عندك ؟

[سارىالليل]

تسلمون يا شباب على هذ المعلومات الطيبه الله يعطيكم العافيه //ولاكن هو كيف يقصه زى الصوره يعنى صقير مره والا كيف معليش للتعب / والله يسلمكو تحياتى /

[شقران]

مسيت بالخير..
اخوه مايفرق عنه ياخلفهم الا بالقصه حقك قصة لارسن وحقي قصة شقران

بالتوفيق يالغالي..

اخوي ساري الليل
حياك الله ياغالي.... وينقص الأريل من السيخ اللي يدخل في الكويل يعني من اسفله.
وينقص بها اللي ذكرته رداً على راعي عنيزه..

تحياتي للجميع.
شقران

[اسير الشوق]

السلام عليكم ورحمة الله ..

اخوي شقران ... بالنسبة للقص انت ذكرت ان القياس لا بد ان يكوم 122.6سم من الراس الى اسفل السيخ ..

هل القص يكون للسيخ بدون حساب قياس لما سيدخل بالكويل .

لآن الأريل اذا دخل في الكويل سوف يفقد 1سم تقريباً فهل القياس للسيخ كامل بعد القص يشمل الداخل بالكويل ام لا .



ومشكور على هذا الجهد الطيب

[شقران]

هلا بك يالغالي وخذ عندك:
يتم القص من أسفل السيخ النحاسي للارسن وأسفل السيخ الستانستيل للدايموند بحيث يتم الحساب من راس الأريل إلى نهاية السيخ بدون حساب الكويل

بمعنى ان السيخ في اريل لارسن طوله قبل القص 124.5 بحيث انه موزون على تردد 142.000 ميغاهيرتز وبعد القص يتلائم مع كل الموجات باقل نسبة VSWR
وبعد القص يكون طوله 122.6 من اعلاه الى اسفله بدون ماتحسب طول الكويل.
فالكويل مالنا داعي نسال عنه عند عملية القص اوعن مدى السنيمترات اللي بتدخل فيه من السيخ مع ان المفضل ادخال السيخ بكامله في الكويل وبكذا نكون وزنا الأريل على غالبية الترددات وطريقة حسابي لهذه القصه سهله وبسيطة وهي عباره عن جمع كل الترددات العامله وقسمتها على تعدادها لحساب الموجة المتوسطة وهي غالباً 145.000 ومن ثم جمع الأطوال المناسبه للأريل على هذه الترددات وقسمتها على تعدادها لحساب طول الأريل المناسب لتردد 145.000 وهي الطريقه السليمه لحساب طول الأريل ومدى تلائمه مع الموجه التي تلائمك او حتى على جميع الترددات
ارجو انها تكون واضحة.

تحياتي ياغالي/شقران

[ابوخالد]

الله يعافيك وبارك فيك الصراحه هندسه على كيفك

[شقران]

يابعدي يابوخالد اشكرك على ردك ويرفع ربي قدرك يالغالي..
تحياتي/ شقران