طريقة عمل خبز الصاج( بالصور من مطبخي)
السلام عليكم ورحمة الله
بما ان اليوم ربوع ويوم تزين به الطبوع
قلت اسوي لشيباني خبز ع الصاج
يالله ندخل في الموضوع
حياكم الله
تختلف انواع الدقيق فمنه العادي والبودرة والفاخر ..الخ
اخترت دقيق العادي اللي هو هذا
خلطنا العجين مع الماء الدافي والملح كني مطلقته شوي بالماءعلى حسب لاني ابي يكون الخبز رقاق مو سميك
نجيب الصاج ونحميه بعد مايسخن نرشه بالماء والملح عشان مايلصق فيه العجين
صاير كنه قمر 15
نعرف انه سخن زين بعد ماترش عليه بخفيف الماء فتسمع صوت تشتشتشتشتشششش فيتبخر بسرعه
نبدأ بسم الله ونفرد العجين عليه استخدم السكين .
بعد مانفرده ع الصاج نتركه شوي لين ماتشوف حولين العجين صاير لون بني
ناخذ السكين وبراسها نبدأ بحف جوانب الخبز بخفيف نتجه للوسط ونفعل ذلك بكل الجوانب
بعدها نقلب الخبز ع الوجه الثاني فيصبح كما في الصورة
نتركه دقيقتين بعدها نشيله ونجيب الثاني .
في النهايه يكون خلصنا .
طبعا ممكن تسويه اكثر من اكله بصراحه مايحضرني اساميهن لكن هو انك تجيب الخبز وتقطعه قطع صغيرة وتفركه مع السمن البلدي وممن تضيف له الفلفل الأسود أو البصل ليا كنت في الشتاء أو تضيف له التمر والسمن
أو تصب عليه ماريساعباره عن الاقط او بقل منقع في الماء وتعجنه معه أو تسوي منه شاورما أو فطاير بالجبن وممكن تاكله مع المربأ والقشطة وزبدة الفول السوداني .
طبعا شيباني قدمت لهم مع المقلقل .
وإن شاء الله تكون هالطريق عجبتكم ونالت رضاكم .
ولاتنسونا من صالح دعواتكم جزاكم الله خيرا .
15 نوفمبر 2015 - 16:514 نوفمبر 2015 - 21:27
 |
رد مع اقتباس