السلام عليكم
قبل تقريبا شهرين استفزعت بالنشاما في منتدى مكشات وبيض الله وجيهم ما قصرو وعلمهم غانم عز الله
ودلوني على موقع يقال له .. ebay
الوكاد انه صار لي اربع سنوات ادور على جمس موديل 1972 وما خليت مكان ما جيته وحصلت لكن حصلت سيارات سكاريب او تحتاج تعديل كامل او ما عاد والله فيها طب لكن الحمدلله الشباب اهنا ما قصرو دلوني على الموقع والموقع فادني كثير بصراحه وعن طريق مكتب في الكويت جا الموتر وجات معه قطع غياره كامله ..
طبعا مافيه شي كامل الكامل وجه الله سبحانه بدلت الاخشاب كامله باخشاب زان وعدلت في الموتر اشيا بسيطه الين ظهر بذا الشكل ..
طبعا الصوره هذي مبدأيه راح انقل لكم صوري كامله في البر والمكشات باذن الله
واللي يبي اي مساعده او طلب قطع من امريكا او رقم المكتب والشخص اللي قام فيه انا حاضر وتحت امركم
وقطع الغيار هناك رخيصه جدا لكن المشكله في الحديد يعني اذا شريت صدامات او اي قطعه فيها حديد تكلف في الشحنه لكن القطع النادره عندنا هنا في امريكا رخيصه وشحنها ما يكلف ..
اتمنى يعجبكم
اخوكم
سعد الهاجري